പരുക്കൻ സ്വഭാവം മാറ്റി വെച്ച് പുഞ്ചിരിച്ച് ‘സൂര്യ’; നാനിയുടെ ‘സൂര്യാസ് സാറ്റർഡേ’ സെക്കൻഡ് ലൂക്കിൻ്റെ രഹസ്യം ഇതാണ്…
ആക്ഷൻ ഹീറോ ആയി നാച്ചുറൽ സ്റ്റാർ നാനി എത്തുന്ന ചിത്രമായ ‘സൂര്യാസ് സാറ്റർഡേ’യുടെ സെക്കൻഡ് ലുക്ക് പോസ്റ്റർ പുറത്തിറങ്ങി. വിവേക് ആത്രേയ സംവിധാനം ചെയ്യുന്ന ഈ ചിത്രത്തിന്റെ പുതിയ പോസ്റ്ററിൽ പുഞ്ചിരിച്ചുകൊണ്ട് ബൈക്ക് ഓടിക്കുന്ന നാനിയെ ആണ് കാണാൻ കഴിയുക.
ചിത്രത്തിന്റെതായി മുൻപ് പുറത്തിറങ്ങിയ പ്രൊമോഷൻ മെറ്റീരിയലുകളിലെല്ലാം നാനിയുടെ കഥാപാത്രമായ സൂര്യയെ അക്രമാസക്തനായ വ്യക്തിയായിട്ടാണ് കാണിച്ചിരുന്നത്. ഇപ്പോൾ പുറത്തുവന്ന പോസ്റ്ററിൽ ആകട്ടെ പുഞ്ചരിക്കുന്ന സൂര്യയെയും ആണ് കാണാൻ കഴിയുക. ഇതിനൊരു കാരണവും ഉണ്ട്, ശനിയാഴ്ചകളിൽ മാത്രമേ സൂര്യ തന്റെ പരുക്കൻ സ്വഭാവം പുറത്തെടുക്കാറുള്ളൂ.
പ്രിയങ്ക അരുൾ മോഹനാണ് നായികയാകുന്ന ഈ ചിത്രത്തിൽ പ്രശസ്ത നടന്മാരായ എസ് ജെ സൂര്യയും സായ് കുമാറും സുപ്രധാന വേഷങ്ങളിൽ എത്തുന്നുണ്ട്. ഡിവിവി എന്റർടൈൻമെന്റിന്റെ ബാനറിൽ ഡിവിവി ദനയ്യയും കല്യാൺ ദാസരിയും ചേർന്നാണ് ഈ ബിഗ് ബജറ്റ് ചിത്രം നിർമ്മിക്കുന്നത്. ചിത്രം ഇപ്പോൾ അതിന്റെ അവസാനഘട്ട ചിത്രീകരണത്തിലാണ്. തെലുങ്ക്, തമിഴ്, കന്നഡ, മലയാളം, ഹിന്ദി തുടങ്ങിയ ഭാഷകളിലായ് 2024 ഓഗസ്റ്റ് 29ന് ചിത്രം തിയറ്ററുകളിലെത്തും.
മുരളി ജി ക്യാമറ കൈകാര്യം ചെയ്യുന്ന ചിത്രത്തിന്റെ എഡിറ്റിങ് കാർത്തിക ശ്രീനിവാസ് ആണി നിരവാഹിക്കുന്നത്. സംഗീതം: ജേക്സ് ബിജോയ്, ആക്ഷൻ: രാം-ലക്ഷ്മൺ, മാർക്കറ്റിംഗ്: വാൾസ് ആൻഡ് ട്രൻഡ്സ്, പിആർഒ: ശബരി.
