ഹൊറർ ത്രില്ലറിൽ ഡയാന ഹമീദ് നായികയാകുന്നു; ‘ഐ ആം ഇൻ’ ചിത്രീകരണം ഉടൻ ആരംഭിക്കുന്നു…
റൈറ്റ് മൂവീ പ്രൊഡക്ഷന്റെ ബാനറിൽ നവാഗതനായ ടിനുഷ് തിരക്കഥയെഴുതി സംവിധാനം ചെയ്യുന്ന ചിത്രത്തിൽ ഡയാന ഹമീദ് കേന്ദ്രകഥാപാത്രത്തെ അവതരിപ്പിക്കുന്നു. ‘ഐ ആം ഇൻ’ എന്ന ടൈറ്റിൽ നൽകിയിരിക്കുന്ന ഈ ഹൊറർ ത്രില്ലർ ചിത്രത്തിന്റെ പൂജാ സ്വിച്ചോൺ കർമ്മം ഇടപ്പള്ളി സെന്റ് ജൂഡ് പള്ളി ഹാളിൽ വെച്ച് നടന്നു.
ഹൊറർ പശ്ചാത്തലത്തിൽ ഒരുങ്ങുന്ന ഈ സിനിമയുടെ ചിത്രീകരണം പീരുമേട്, തൊടുപുഴ എന്നീ ഭാഗങ്ങളിലായി ഉടൻ ആരംഭിക്കും. സാറാ മാർഷൽ എന്ന നായിക കഥാപാത്രത്തെയാണ് ഡയാന അവതരിപ്പിക്കുന്നത്. മാല പാർവതി, ടി ജി രവി,ക്രിസ് വേണുഗോപാൽ, ശ്രുതി ജയൻ തുടങ്ങിയവരാണ് ചിത്രത്തിലെ മറ്റ് താരങ്ങൾ.
മെൽവിൻ കുരിശിങ്കൽ ഛായഗ്രഹണം നിർവഹിക്കുന്ന ചിത്രത്തിന്റെ എഡിറ്റർ അലക്സ് വർഗീസ് ആണ്. പ്രൊഡക്ഷൻ കൺട്രോളർ-ആന്റണി ഏലൂർ,ബാക്ക് ഗ്രൗണ്ട് സ്കോർ-ഷഫീഖ് റഹ്മാൻ , മേക്കപ്പ്-രാജീവ്‌ അങ്കമാലി, ആർട്ട്‌-പ്രദീപ് എം വി, ഹൊറർ പശ്ചാത്തലത്തിൽ ഒരുങ്ങുന്ന ഈ സിനിമ യുടെ ചിത്രീകരണം പീരുമേട്. തൊടുപുഴ എന്നീ ഭാഗങ്ങളിലായി ഉടൻ ആരംഭിക്കുന്നു. പി ആർ ഒ – എ എസ് ദിനേശ്.
