ക്ലൂ തിരഞ്ഞ് നസ്രിയ, ദുരൂഹ മന്ദഹാസവുമായി ബേസിലും; ‘സൂക്ഷ്മദര്‍ശിനി’ പ്രൊമോ ഗാനം പുറത്ത്
മലയാളത്തിന്റെ പ്രിയ താരങ്ങളായ ബേസിൽ ജോസഫും നസ്രിയ നസീമും ഒന്നിക്കുന്ന ‘സൂക്ഷ്മദര്‍ശിനി’യുടെ പ്രൊമോ ഗാനം പുറത്തിറങ്ങി. രസകരമായി ഒരുക്കിയ പ്രൊമോ ഗാനത്തിൽ സ്റ്റൈലിഷ് ലുക്കിൽ ബേസിലും നസ്രിയയും എത്തിയിരിക്കുന്നത്. റിലീസായി മണിക്കൂറുകൾക്കകം തന്നെ ഈ ഗാനം സോഷ്യൽ മീഡിയിൽ പ്രേക്ഷകർ ഏറ്റെടുത്തിരിക്കുകയാണ്. എം സി സംവിധാനം ചെയ്യുന്ന ഈ ചിത്രം നവംബർ 22ന് തിയേറ്ററുകളിലെത്തും.
ദുരൂഹ മന്ദഹാസം എന്ന് ടൈറ്റിൽ നൽകിയിരിക്കുന്ന ഗാനത്തിന്റെ രംഗങ്ങളിൽ ബേസിൽ അവതരിപ്പിക്കുന്ന കഥാപാത്രത്തെ കുറിച്ച് കാര്യമായി അന്വേഷിക്കുന്ന നസ്രിയെയും ദുരൂഹത നിറഞ്ഞ മന്ദഹാസത്തോടെ ബേസിലിനെയും ആണ് കാണാൻ കഴിയുന്നത്. ലിബിനും അതുലും ചേർന്ന് തിരക്കഥ രചിച്ചിരിക്കുന്ന ഈ ചിത്രത്തിനായി സംഗീതം ഒരുക്കിയിരിക്കുന്നത് ക്രിസ്റ്റോ സേവ്യറാണ്. പ്രൊമോ ഗാനം:
നസ്രിയയും ബേസിലും നായികയും നായകനുമായി ആദ്യമായി ഒരുമിക്കുന്ന ചിത്രത്തിലെ മറ്റ് സുപ്രധാന വേഷങ്ങൾ ദീപക് പറമ്പോല്‍, സിദ്ധാർത്ഥ് ഭരതൻ, കോട്ടയം രമേശ്, അഖില ഭാർഗവൻ, പൂജ മോഹൻരാജ്, മെറിൻ ഫിലിപ്പ്, മനോഹരി ജോയ്, ഹെസ്സ മെഹക്ക്, ഗോപൻ മങ്ങാട്, ജയ കുറുപ്പ്, റിനി ഉദയകുമാർ, ജെയിംസ്, നൗഷാദ് അലി, അപർണ റാം, സരസ്വതി മേനോൻ, അഭിറാം രാധാകൃഷ്ണൻ തുടങ്ങിയവരാണ് കൈകാര്യം ചെയ്യുന്നത്.
ഹാപ്പി ഹവേർസ് എന്‍റർടെയ്ൻമെന്‍റ്സിന്‍റേയും, എ വി എ പ്രൊഡക്ഷൻസിന്റെന്‍റെയും ബാനറുകളില്‍ സമീർ താഹിർ, ഷൈജു ഖാലിദ്, എ വി അനൂപ് എന്നിവർ ചേര്‍ന്നാണ് ചിത്രം നിര്‍മ്മിക്കുന്നത്. എക്സിക്യൂട്ടീവ് പ്രൊഡ്യുസേഴ്സ്: ഇംതിയാസ് കദീർ, സനു താഹിർ, ഛായാഗ്രഹണം: ശരൺ വേലായുധൻ, ചിത്രസംയോജനം: ചമൻ ചാക്കോ, ഗാനരചന: മു.രി, വിനായക് ശശികുമാർ, ഓഡിയോഗ്രാഫി: വിഷ്ണു ഗോവിന്ദ്, കലാസംവിധാനം: വിനോദ് രവീന്ദ്രൻ, മേക്കപ്പ്: ആർ ജി വയനാടൻ, വസ്ത്രാലങ്കാരം: മഷർ ഹംസ.
സ്റ്റിൽസ്: രോഹിത് കൃഷ്ണൻ, പ്രൊഡക്ഷൻ കൺട്രോളർ: പ്രതീഷ് മാവേലിക്കര, പ്രൊഡക്ഷൻ എക്സിക്യൂട്ടീവ്: നസീർ കാരന്തൂർ, പോസ്റ്റർ ഡിസൈൻ: സര്‍ക്കാസനം, യെല്ലോ ടൂത്ത്സ്, ചീഫ് അസോസിയേറ്റ്: രോഹിത് ചന്ദ്രശേഖർ, ഫിനാൻസ് കൺട്രോളർ: ഷൗക്കത്ത് കല്ലൂസ്, സംഘട്ടനം: പിസി സ്റ്റണ്ട്സ്, വിഎഫ്എക്സ്: ബ്ലാക്ക് മരിയ, കളറിസ്റ്റ്: ശ്രീക് വാര്യര്‍, വിതരണം: ഭാവന റിലീസ്, പ്രൊമോ സ്റ്റിൽസ്: വിഷ്ണു തണ്ടാശ്ശേരി, പിആർഒ: ആതിര ദിൽജിത്ത്.
