സ്റ്റൈലിഷ് ലുക്കിൽ ഷാജഹാൻ ആയി വിനീത് കുമാർ; ‘റൈഫിൾ ക്ലബ്ബ്’ ക്യാരക്ടർ പോസ്റ്റർ
നടൻ വിനീത് കുമാറിന്റെ ജന്മദിനത്തോടനുബന്ധിച്ച് ‘റൈഫിൾ ക്ലബ്ബ്’ എന്ന ആഷിഖ് അബു ചിത്രത്തിലെ താരത്തിന്റെ ക്യാരക്ടർ പോസ്റ്റർ പുറത്തിറക്കി. റൊമാന്റിക് സ്റ്റാർ എന്ന വിശേഷണത്തോടെ പുറത്തിറക്കിയ പോസ്റ്ററിൽ സ്റ്റൈലിഷ് ലുക്കിൽ ആണ് വിനീതിനെ കാണാൻ കഴിയുന്നത്. ഷാജഹാൻ എന്ന കഥാപാത്രത്തെ ആണ് ചിത്രത്തിൽ വിനീത് അവതരിപ്പിക്കുന്നത്.
ദിലീഷ് പോത്തൻ, അനുരാഗ് കശ്യപ്, വാണി വിശ്വനാഥ്, ദർശന രാജേന്ദ്രൻ എന്നിവരെ പ്രധാന കഥാപാത്രങ്ങളാക്കി ആണ് ആഷിഖ് അബു ‘റൈഫിൾ ക്ലബ്ബ്’ ഒരുക്കുന്നത്. ബോളിവുഡ് സംവിധായകനും നടനുമായ അനുരാഗ് കശ്യപ് ഈ ചിത്രത്തിൽ ഒരു ശ്രദ്ധേയ കഥാപാത്രത്തെ അവതരിപ്പിച്ച് കൊണ്ട് മലയാളത്തിൽ അരങ്ങേറ്റം കുറിക്കുന്നു. ഹനുമാൻ കൈന്റ്, സെന്ന ഹെഡ്ഗെ, നതേഷ് ഹെഡ്ഗെ, നവനി, റംസാൻ മുഹമ്മദ്, ഉണ്ണിമായ, വിജയരാഘവൻ, വിഷ്ണു അഗസ്ത്യ, സുരേഷ് കൃഷ്ണ, സുരഭി ലക്ഷ്മി, വിനീത് കുമാർ തുടങ്ങി നിരവധി താരങ്ങളും ഈ ചിത്രത്തിന്റെ ഭാഗമാണ്.
ഒ.പി.എം സിനിമാസിന്റെ ബാനറിൽ ആഷിഖ് അബു, വിൻസന്റ് വടക്കൻ, വിശാൽ വിൻസന്റ് ടോണി എന്നിവർ ചേർന്ന് ആണ് ‘റൈഫിൾ ക്ലബ്’ നിർമ്മിക്കുന്നത്. ദിലീഷ് നായർ, ശ്യാം പുഷ്കരൻ,സുഹാസ് എന്നിവർ ചേർന്ന് തിരക്കഥ സംഭാഷണം ഒരുക്കുന്നു. ‘മായാനദി’ക്ക് ശേഷം ആഷിഖ് അബു, ശ്യാം പുഷ്കരൻ, ദിലീഷ് നായർ ടീം ഒന്നിക്കുന്നു എന്ന പ്രത്യേകതയും ‘റൈഫിൾ ക്ലബ്ബി’നുണ്ട്. ഗാനരചന-വിനായ്ക് ശശികുമാർ, സംഗീതം-റെക്സ് വിജയൻ,എഡിറ്റർ-വി സാജൻ, എക്സിക്യുട്ടീവ് പ്രൊഡ്യൂസർ-അബിദ് അബു,അഗസ്റ്റിൻ ജോർജ്ജ്, പ്രൊഡക്ഷൻ കൺട്രോളർ-കിഷോർ പുറക്കാട്ടിരി
പ്രൊഡക്ഷൻ ഡിസൈനർ- അജയൻ ചാലിശ്ശേരി, മേക്കപ്പ്-റോണക്സ് സേവ്യർ, വസ്ത്രാലങ്കാരം-മഷർ ഹംസ,സ്റ്റിൽസ്- അർജ്ജുൻ കല്ലിങ്കൽ, പരസ്യകല-ഓൾഡ് മോങ്ക്സ്, ചീഫ് അസോസിയേറ്റ് ഡയറക്ടർ-ഹരിഷ് തൈക്കേപ്പാട്ട്,ബിപിൻ രവീന്ദ്രൻ,സംഘട്ടനം- സുപ്രീം സുന്ദർ,വിഎഫ്എക്സ്-അനീഷ് കുട്ടി, സൗണ്ട് ഡിസൈൻ-നിക്സൺ ജോർജ്ജ്, സൗണ്ട് മിക്സിംങ്-ഡാൻ ജോസ്. ‘റൈഫിൾ ക്ലബ്ബ്’ ഡിസംബറിൽ പ്രദർശനത്തിനെത്തും. പി ആർ ഒ-എ എസ് ദിനേശ്.
