റാം പൊത്തിനേനിയുടെ ‘ഡബിൾ ഐസ്മാർട്ടി’ലെ മാസ് ഗാനം മലയാളത്തിലും; ‘സ്റ്റെപ് മാർ’ ലിറിക് വീഡിയോ…
2019 ലെ ബ്ലോക്ക് ബസ്റ്റർ ഹിറ്റ് ചിത്രം ‘ഐസ്മാർട് ശങ്കറി’ന് ശേഷം
തെലുങ്ക് നടൻ റാം പൊത്തിനേനിയും സംവിധായകൻ പുരി ജഗനാനാഥും ഒന്നിക്കുന്ന ചിത്രമാണ് ‘ഡബിൾ ഐസ്മാർട്ട്’. ഈ വർഷം ഓഗസ്റ്റ് 15-ന് ആഗോള റിലീസിന് തയ്യാറാകുന്ന ഈ ചിത്രത്തിലെ മാസ് ഗാനമായ ‘സ്റ്റെപ് മാർ ‘പ്രേക്ഷകരുടെ മുന്നിലെത്തിയിരിക്കുകയാണ്. തെലുങ്കിൽ നിന്നുള്ള ഈ പാൻ ഇന്ത്യൻ ചിത്രത്തിലെ ഈ മാസ് ഗാനത്തിന്റെ മലയാളം പതിപ്പും അണിയറപ്രവർത്തകർ ലഭ്യമാക്കിയിട്ടുണ്ട്.
ഒരു മെഗാ മാസ് ഡാൻസ് ഗാനമായി രൂപപെടുത്തിയിരിക്കുന്ന സ്റ്റെപ് മാറിന്റെ ലിറിക് വീഡിയോയാണ് ഇപ്പോൾ പുറത്തുവന്നിരിക്കുന്നത്. മണി ശർമ്മ സംഗീതം ഒരുക്കിയ ഗാനത്തിന്റെ മലയാളം പതിപ്പ് ആലപിച്ചിരിക്കുന്നത് ജയദേവൻ വാസുദേവൻ അടൂർ, സാഹിതി എന്നിവർ ചേർന്നാണ്. മലയാളം പതിപ്പിന് വരികൾ രചിച്ചത് വിഷ്ണു സുഗതനാണ്. വീഡിയോ:
പുരി കണക്ട്സിന്റെ ബാനറിൽ പുരി ജഗനാഥ്, ചാർമി കൗർ എന്നിവർ ചേർന്ന് നിർമ്മിച്ച ഈ ചിത്രത്തിൽ ബോളിവുഡ് താരം സഞ്ജയ് ദത്ത്, കാവ്യാ ഥാപ്പർ, ബാനി ജെ, അലി, ഗെറ്റപ്പ് ശ്രീനു, സായാജി ഷിൻഡെ, മകരന്ദ് ദേശ്പാണ്ഡെ, ടെംപെർ വംശി എന്നിവരും വേഷമിട്ടിരിക്കുന്നു. സാം കെ നായിഡു, ജിയാനി ജിയാനെല്ലി എന്നിവർ ചേർന്ന് ക്യാമറ ചലിപ്പിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് കാർത്തിക ശ്രീനിവാസ് ആർ ആണ്.
ഈ ചിത്രത്തിന് വേണ്ടി വിഎഫ്എക്സ് ഒരുക്കിയത് ജോണി ഷൈഖ് പ്രൊഡക്ഷൻ ഡിസൈനറായ അനിൽ പടൂരി ആണ്. സംഘട്ടനം ചിട്ടപ്പെടുത്തിയത് കെച്ച ഖംപഖഡീ, റിയൽ സതീഷ്. സൗണ്ട് ഡിസൈനർ-ജസ്റ്റിൻ ജോസ്, കാസ്. കോ-ഡയറക്ടർ ജിതേൻ ശർമ. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിൽ പാൻ ഇന്ത്യൻ റിലീസായാണ് ഈ ബിഗ് ബഡ്ജറ്റ് ചിത്രം പ്രേക്ഷകരുടെ മുന്നിലെത്തുക. പിആർഒ ശബരി.
