“ഇതൊരു സാധാരണ മാൻ മിസ്സിംഗ് കേസല്ല”; ‘ഒരു അന്വേഷണത്തിന്റെ തുടക്കം’ ട്രെയിലർ പുറത്ത്
എം എ നിഷാദ് തിരക്കഥയെഴുതി സംവിധാനം ചെയ്യുന്ന ‘ഒരു അന്വേഷണത്തിന്റെ തുടക്കം’ എന്ന ചിത്രത്തിന്റെ ട്രെയിലർ പുറത്തിറങ്ങി. ഷൈൻ ടോം ചാക്കോ നായകനാകുന്ന ഈ ഇൻവെസ്റ്റിഗേഷൻ ചിത്രം ബെൻസി പ്രൊഡക്ഷൻസിന്റെ ബാനറിൽ കെ വി അബ്ദുൽ നാസർ ആണ് നിർമ്മിക്കുന്നത്. നവംബർ എട്ടിന് പ്രദർശനത്തിനെത്തുന്ന ഈ ചിത്രത്തിൽ അറുപതിലധികം താരങ്ങൾ അഭിനയിക്കുന്നു.
എം എ നിഷാദിന്റെ പിതാവും ഉന്നത പൊലീസ് ഉദ്യോഗസ്ഥനുമായിരുന്ന പി. എം. കുഞ്ഞിമൊയ്തീന്റെ പോലീസ് ഡിപ്പാർട്മെന്റിലെ സേവന കാലത്ത്, അദ്ദേഹം തന്റെ ഡയറിയിൽ എഴുതിയ ഒരു കേസിന്റെ കുറിപ്പുകൾ വികസിപ്പിച്ചാണ് എം എ നിഷാദ് ഈ ചിത്രത്തിന്റെ കഥ തയ്യാറാക്കിയത്. ജീവൻ തോമസ് തിരോധാനവും അന്വേഷണവും ആണ് ഈ ചിത്രത്തിന്റെ പ്രധാന പ്ലോട്ട് എന്ന സൂചന ആണ് ട്രെയിലർ നല്കുന്നത്. ഷൈൻ ടോം ചാക്കോ ആണ് ജീവൻ തോമസ് ആയി എത്തുന്നത്. ട്രെയിലർ:
വാണി വിശ്വനാഥ്‌, സമുദ്രകനി, മുകേഷ്, അശോകൻ, ബൈജു സന്തോഷ്‌, സുധീഷ്, ശിവദ, ദുർഗ്ഗ കൃഷ്ണ, മഞ്ജു പിള്ള, സ്വാസിക, അനുമോൾ, ആഭിജ, പ്രശാന്ത് അലക്സാണ്ടർ, ജോണി ആന്റണി, വിജയ് ബാബു, സുധീർ കരമന, ഇർഷാദ്, ജാഫർ ഇടുക്കി, രമേശ്‌ പിഷാരടി തുടങ്ങി വലിയ ഒരു താരനിര തന്നെ അണിനിരക്കുന്ന ചിത്രത്തിൽ ഒരു സുപ്രധാന വേഷത്തിൽ സംവിധായകൻ എം എ നിഷാദ് അഭിനയിക്കുന്നുണ്ട്. ഛായാഗ്രഹണം- വിവേക് മേനോൻ, ചിത്രസംയോജനം- ജോൺകുട്ടി,സംഗീതം- എം ജയചന്ദ്രൻ, പശ്ചാത്തല സംഗീതം- മാർക്ക് ഡി മൂസ്, ഗാനരചന-പ്രഭാവർമ്മ, ഹരിനാരായണൻ, പളനി ഭാരതി.
ഓഡിയോഗ്രാഫി-എം ആർ രാജാകൃഷ്ണൻ, സൗണ്ട് ഡിസൈൻ- ബെന്നി, കലാസംവിധാനം- ഗിരീഷ് മേനോൻ, വസ്ത്രാലങ്കാരം-സമീറ സനീഷ്, മേക്കപ്പ്- റോണക്സ് സേവ്യർ, പ്രൊഡക്ഷൻ കൺട്രോളർ-ബിനു മുരളി,ചീഫ് അസോസിയേറ്റ് ഡയറക്ടർ- കൃഷ്ണകുമാർ, അസോസിയേറ്റ് ഡയറക്ടർ-രമേശ്‌ അമാനത്ത്,വി എഫ് എക്സ്: പിക്ടോറിയൽ, സ്റ്റിൽസ്-ഫിറോസ് കെ ജയേഷ്,ആക്ഷൻ ഫീനിക്സ് പ്രഭു,ബില്ല ജഗൻ, കൊറിയോഗ്രാഫർ- ബൃന്ദ മാസ്റ്റർ, ഡിസൈൻ-യെല്ലോ യൂത്ത്, പി ആർ ഒ-എ എസ് ദിനേശ്.
