‘മാർക്കോ’ യിൽ കെജിഎഫ് സംഗീത സംവിധായകൻ ഒരുക്കിയത് എന്തെന്ന് നവംബർ 22ന് അറിയാം; ആദ്യ സിംഗിൾ പ്രൊമോ വീഡിയോ…
ഉണ്ണി മുകുന്ദൻ ചിത്രം ‘മാർക്കോ’യിലെ ആദ്യ സിംഗിൾ നവംബർ 22ന് രാവിലെ 10.10ന് പുറത്തിറങ്ങും. ‘കെ.ജി.എഫ്’, ‘സലാർ’ എന്നീ ബ്രഹ്മാണ്ഡ ചിത്രങ്ങളുടെ സംഗീത സംവിധായകൻ രവി ബസ്രൂർ ആണ് ചിത്രത്തിന് സംഗീതം ഒരുക്കിയിരിക്കുന്നത്. വിനായക് ശശികുമാർ രചിച്ച് മലയാളം റാപ്പർ ഡബ്‌സീ പാടിയ ഈ ഗാനത്തിന്റെ പ്രൊമോ വീഡിയോ ഇപ്പോൾ പുറത്തിറങ്ങിയിട്ടുണ്ട്.
ഹനീഫ് അദേനി സംവിധാനം ചെയ്ത ‘മാർക്കോ’ ഡിസംബർ 20ന് ആണ് തിയേറ്ററുകളിൽ എത്തുക. ഉണ്ണി മുകുന്ദനോടൊപ്പം സിദ്ദീഖ്, ജഗദീഷ്, ആൻസൺ പോൾ, കബീർ ദുഹാൻസിംഗ് (ടർബോ ഫെയിം), അഭിമന്യു തിലകൻ, യുക്തി തരേജ തുടങ്ങിയവരും അണിനിരക്കുന്ന ഈ ചിത്രത്തിൽ ഒട്ടേറെ പുതുമുഖ താരങ്ങളും ബോളിവുഡ് താരങ്ങളും ഭാഗമാകുന്നുണ്ട്. ചിത്രം നിർമ്മിക്കുന്നതും വിതരണത്തിനെത്തിക്കുന്നതും ക്യൂബ്സ് എന്‍റർടെയ്ൻമെന്‍റ്സ് ആണ്. ആദ്യ ഗാനത്തിന്റെ പ്രൊമോ വീഡിയോ:
5 ഭാഷകളിലായി പാൻ ഇന്ത്യൻ റിലീസിന് ഒരുങ്ങുന്ന ‘മാർക്കോ’യ്ക്ക് മലയാളം ഇതുവരെ കാണാത്ത വയലൻസ് രംഗങ്ങളും ഹെവി മാസ് ആക്ഷനും ആണ് ഒരുക്കിയിരിക്കുന്നത്. പ്രമുഖ ആക്ഷൻ ഡയറക്ടർ കലൈ കിങ്ങ്സ്റ്റണ്‍ ചിത്രത്തിനായി ഏഴോളം ഫൈറ്റ് സീക്വൻസുകളാണ് തയ്യാറാക്കിയിരിക്കുന്നത്. നിരവധി ചിത്രങ്ങളുടെ ആക്ഷൻ കോറിയോഗ്രാഫി നിർവഹിച്ച കലൈ കിങ്ങ്സ്റ്റണ്‍ ഒരു കംപ്ലീറ്റ്‌ ആക്ഷൻ ചിത്രത്തിന്‍റെ ഫൈറ്റ് മാസ്റ്ററായി പ്രവർത്തിക്കുന്നത് ഇതാദ്യമായാണ്.
ഛായാഗ്രഹണം: ചന്ദ്രു സെൽവരാജ്, ചിത്രസംയോജനം: ഷമീർ മുഹമ്മദ്, സൗണ്ട് ഡിസൈൻ: സപ്ത റെക്കോർഡ്സ്, ഓഡിയോഗ്രഫി: രാജകൃഷ്ണൻ എം ആർ, കലാസംവിധാനം: സുനിൽ ദാസ്, മേക്കപ്പ്: സുധി സുരേന്ദ്രൻ, കോസ്റ്റ്യും&ഡിസൈൻ: ധന്യാ ബാലകൃഷ്ണൻ, പ്രൊഡക്ഷൻ ചീഫ് അസ്സോസ്സിയേറ്റ് ഡയറക്ടർ: സ്യമന്തക് പ്രദീപ്, സഹ നിർമ്മാതാവ്: അബ്ദുൾ ഗദാഫ്, പ്രൊഡക്ഷൻ കൺട്രോളർ: ദീപക് പരമേശ്വരൻ, ഡിജിറ്റൽ മാർക്കറ്റിംഗ്: ഒബ്സ്ക്യൂറ എന്‍റർടെയ്ൻമെന്‍റ്, പിആർഒ: ആതിര ദിൽജിത്ത്.
