“ഉച്ചയ്ക്ക് 3 മണി കഴിഞ്ഞാൽ ഇരുട്ട് വീഴുന്ന ഗ്രാമത്തിലേക്ക് ഒരു പോസ്റ്റ്മാൻ എത്തുന്നു”; ‘ക’ മലയാളം ട്രെയിലർ ശ്രദ്ധനേടുന്നു
തെലുങ്ക് നടൻ കിരൺ അബ്ബാവരം നായകനായ പാൻ ഇന്ത്യൻ ചിത്രം ‘ക’ യുടെ മലയാളം പതിപ്പിൻ്റെ ട്രെയിലർ പുറത്തിറങ്ങി. ദുൽഖർ സൽമാൻ്റെ വേഫെറർ ഫിലിംസ് ആണ് ഈ ചിത്രം കേരളത്തിൽ വിതരണത്തിനെത്തിക്കുന്നത്. ദീപാവലി റിലീസായി തെലുങ്കിൽ റിലീസ് ചെയ്ത് മികച്ച വിജയമായി പ്രദർശനം തുടരുന്ന ചിത്രത്തിന്റെ മലയാളം പതിപ്പ് നവംബർ 22ന് ആണ് കേരളത്തിൽ റിലീസ് ചെയ്യുക.
നവാഗതരായ സുജിത്, സന്ദീപ് എന്നിവർ ചേർന്ന് രചിച്ച് സംവിധാനം ചെയ്തിരിക്കുന്ന ചിത്രം ശ്രീ ചക്രാസ് എൻ്റർടൈൻമെൻ്റിൻ്റെ ബാനറിൽ ചിന്താ ഗോപാലകൃഷ്ണ റെഡ്ഡി ആണ് നിർമ്മിച്ചത്. പോസ്റ്റ്മാൻ കഥാപാത്രത്തെ ആണ് നായകൻ കിരൺ ഈ ചിത്രത്തിൽ അവതരിപ്പിക്കുന്നത്. ഉച്ചയ്ക്ക് 3 മണി കഴിഞ്ഞാൽ തന്നെ ഇരുട്ട് വീഴുന്ന ഗ്രാമം, അവിടേക്ക് പോസ്റ്റ്മാമാനായ നായകൻ എത്തുന്നത് കാണിച്ചാണ് ട്രെയിലർ ആരംഭിക്കുന്നത്. കൃഷ്ണഗിരി എന്ന ഗ്രാമത്തിൻറെ പശ്‌ചാത്തലത്തിൽ നടക്കുന്ന ചില ദുരുഹമായ സംഭവവികാസങ്ങളാണ് ഈ ചിത്രം. ട്രെയിലർ:
മീറ്റർ, റൂൾസ് രഞ്ജൻ, വിനാരോ ഭാഗ്യമു വിഷ്ണു കഥ എന്നീ ചിത്രങ്ങളിലൂടെ തെലുങ്കിൽ പ്രശസ്തനായ കിരൺ അബ്ബാവരത്തിന്റെ ഈ മിസ്‌റ്ററി ത്രില്ലർ ചിത്രം ബിഗ് ബജറ്റിൽ ആണ് ഒരുക്കിയിരിക്കുന്നത്. തൻവി റാം, നയനി സരിക എന്നിവരാണ് ചിത്രത്തിലെ നായികമാർ. ഛായാഗ്രഹണം – വിശ്വാസ് ഡാനിയൽ, സതീഷ് റെഡ്ഡി മാസം, സംഗീതം – സാം സി എസ്, എഡിറ്റിംഗ് – ശ്രീ വര പ്രസാദ്, കലാ സംവിധാനം – സുധീർ മചാർല, വസ്ത്രാലങ്കാരം- അനുഷ പുഞ്ചല, മേക്കപ്പ്- കൊവ്വട രാമകൃഷ്ണ, ആക്ഷൻ- റിയൽ സതീഷ്, റാം കൃഷ്ണൻ, ഉയ്യാല ശങ്കർ, എക്സിക്യൂട്ടീവ് പ്രൊഡ്യൂസർ – ചൗഹാൻ, ലൈൻ പ്രൊഡക്ഷൻ – KA പ്രൊഡക്ഷൻ, സിഇഒ – രഹസ്യ ഗോരക്, പിആർഒ – ശബരി.
