7 ദിവസങ്ങൾ, നാല് കൊലപാതകങ്ങൾ; ഇൻവെസ്റ്റിഗേഷൻ ത്രില്ലർ ‘കുരുക്ക്’ വരുന്നു, മ്യൂസിക്ക് & ട്രെയിലർ ലോഞ്ച് നടന്നു…
ക്രൈം ഇൻവെസ്റ്റിഗേഷൻ സസ്പെൻസ് ത്രില്ലർ ആയി ഒരുങ്ങുന്ന ‘കുരുക്ക്’ എന്ന ചിത്രത്തിന്റെ ട്രെയിലർ & മ്യൂസിക് ലോഞ്ച് തിരുവനന്തപുരത്ത് വച്ച് നടന്നു. നിഷ ഫിലിംസിന്റെ ബാനറിൽ ഷാജി പുനലാൽ നിർമ്മിച്ച് നവാഗതനായ അഭിജിത്ത് നൂറാണി രചനയും സംവിധാനവും നിര്‍വഹിക്കുന്ന ചിത്രമാണിത്. ട്രെയിലർ & മ്യൂസിക് ലോഞ്ച് ചടങ്ങളിൽ മലായാളത്തിൻ്റെ പ്രിയ സംവിധായകരായ രാജസേനൻ, വിനു കിരിയത്ത്, ഗായകരായ ഇഷാൻ ദേവ്, അരവിന്ദ് വേണുഗോപാൽ തുടങ്ങി നിരവധി പ്രമുഖർ പങ്കെടുത്തു.
മലയാളത്തിന്റെ യുവ സൂപ്പർ താരം പൃഥ്വിരാജ് സുകുമാരൻ അദ്ദേഹത്തിന്റെ സോഷ്യൽ മീഡിയ പേജിലൂടെ ട്രെയിലർ റിലീസ് ചെയ്തു. സിറ്റി സർക്കിളിൽ 7 ദിവസങ്ങൾക്ക് ഇടയിൽ നാല് കൊലപാതകങ്ങൾ ആണ് നടന്നിട്ടുള്ളത് എന്ന വോയിസ് ഓവറോടെ ആണ് ട്രെയിലർ ആരംഭിക്കുന്നത്. കേരള പോലീസിനെ വല്ലാതെ കുഴക്കുകയും, മാധ്യമങ്ങൾ സെൻസേഷനാക്കുകയും, ഭരണകൂടത്തെ പ്രതിസന്ധിയിലാക്കുകയും ചെയ്ത തലസ്ഥാന നഗരത്തിലെ ഒരു രാത്രി നടന്ന റൂബിന്‍- സ്നേഹ കൊലക്കേസ് അന്വേഷിക്കുന്ന സംഘത്തിൻ്റെ കഥയാണ് ചിത്രം പറയുന്നത്.
ചിത്രത്തിലെ ഇൻവെസ്റ്റിഗേഷൻ ഓഫീസർ കഴക്കൂട്ടം സി.ഐ സാജൻ ഫിലിപ്പിനെ അവതരിപ്പിക്കുന്നത് അനില്‍ ആന്റോയാണ്. സെക്കന്റ് ഷോ, ഇമ്മാനുവൽ,ആർ ജെ മഡോണ, നാലാം മുറ, എന്റിക്കാക്കക്കൊരു പ്രേമോണ്ടാർന്ന്, പപ്പ എന്നീ സിനിമകളിൽ ശ്രദ്ധേയമായ കഥാപാത്രങ്ങളെ അവതരിപ്പിച്ച അനിൽ ആന്റോ റിലീസ് ചെയ്യാനിരിക്കുന്ന അതേർസ് എന്ന സിനിമയിലും നായക വേഷത്തിൽ എത്തുന്നുണ്ട്. തിരുവനന്തപുരത്തിൻ്റെ വിവിധ ഇടങ്ങളിലായി 25 ദിവസങ്ങൾ കൊണ്ടായിരുന്നു കുരുക്കിന്റെ ചിത്രീകരണം പൂര്‍ത്തിയായത്. ജൂലൈ 5 ന് ആണ് ചിത്രത്തിന്റെ തിയേറ്റർ റിലീസ്.
ബാലാജി ശർമ്മ, മീര നായർ , പ്രീതാ പ്രദീപ്,ശ്രീജിത്ത് ശ്രീകണ്ഠൻ, ശബരി ചന്ദ്രൻ, അജയഗോഷ് ,കൊല്ലം തുളസി, മഹേഷ്‌, യമുന, ബിന്ദു കെ എസ്, രാജ്കുമാർ, ദർശന , ശ്രീകാന്ത്, സുബിൻ ടാർസൻ, അനീഷ്, സന്ദീപ് സച്ചു, എന്നീ താരങ്ങളും ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു . ഗാനങ്ങൾ- രാജേഷ് നീണ്ടകര, ഷാനി ഭുവൻ, സംഗീതം- യു.എസ്.ദീക്ഷിത്, സുരേഷ് പെരിനാട്, ഛായാഗ്രഹണം- റെജിൻ സാൻ്റോ, കലാസംവിധാനം- രതീഷ് വലിയകുളങ്ങര, കോസ്റ്റ്യൂം ഡിസൈനർ- രാംദാസ്, മേക്കപ്പ്- ജിജു കൊടുങ്ങല്ലൂർ, കോ റൈറ്റർ & ക്രിയേറ്റീവ് കോൺട്രിബ്യൂട്ടർ- ജിംഷാർ, ചീഫ് അസ്സോസ്സിയേറ്റ് ഡയറക്ടർ- സുഹാസ് അശോകൻ, പ്രൊജക്റ്റ് ഡിസൈനർ- അഖിൽ അനിരുദ്ധ്, ഫിനാൻസ് മാനേജർ- അക്ഷയ്‌ ജെ, ഫിനാൻസ് കൺട്രോളർ- സന്തോഷ് ബാലരാമപുരം, പ്രൊഡക്ഷൻ എക്സിക്കുട്ടീവ്- കുര്യൻ ജോസഫ്, പ്രൊഡക്ഷൻ കൺട്രോളർ- മുരുകൻ.എസ്, പി.ആർ.ഒ- പി.ശിവപ്രസാദ്, സ്റ്റിൽസ്- അജി മസ്ക്കറ്റ് എന്നിവരാണ് മറ്റ് അണിയറ പ്രവർത്തകർ.
