‘കൽക്കി 2898 എഡി’യുടെ ബ്രഹ്മാണ്ഡ വിജയം ആഘോഷമാക്കി സക്സസ് ട്രെയിലർ പുറത്തിറങ്ങി
പ്രഭാസ് – നാഗ് അശ്വിൻ ടീമിന്റെ ബ്രഹ്മാണ്ഡ ചിത്രം ‘കൽക്കി 2898 എഡി’ വിജയകരമായി തിയേറ്ററുകളിൽ പ്രദർശനം തുടരുകയാണ്. ബോക്സ് ഓഫീസിൽ വലിയ നേട്ടങ്ങൾ കൊയ്യുന്ന ഈ ചിത്രത്തിന്റെ സക്സസ് ട്രെയിലർ ഇപ്പോൾ പുറത്തുവന്നിരിക്കുകയാണ്. 46 സെക്കന്റ് ദൈർഘ്യം വരുന്ന ട്രെയിലറിന് മികച്ച റെസ്പോൺസാണ് ലഭിക്കുന്നത്.
ജൂൺ 27ന് തിയറ്ററുകളിൽ എത്തിയ ചിത്രം കേരളത്തിൽ 320 സ്ക്രീനുകളിൽ പ്രദർശനം തുടരുകയാണ്. 190 സ്ക്രീനുകളിലും ത്രീഡി പതിപ്പ് ആണ് പ്രദർഷിപ്പിക്കുന്നത്. വൈജയന്തി മൂവീസിന്റെ ബാനറിൽ സി അശ്വിനി ദത്ത് നിർമ്മിച്ച ഈ ബ്രഹ്മാണ്ഡ ചിത്രം കേരളത്തിൽ വിതരണത്തിനെത്തിച്ചത് വേഫറർ ഫിലിംസാണ്.
ആദ്യവാരം പിന്നിടുന്നതിന് മുൻപേ തന്നെ 500 കൊടിക്ക് മുകളിൽ ബോക്സ് ഓഫീസ് കളക്ഷൻ സ്വന്തമാക്കിയ ചിത്രത്തിൽ മെഗാസ്റ്റാർ അമിതാഭ് ബച്ചൻ, ഉലഗനായകൻ കമൽ ഹാസൻ, ദീപിക പദുക്കോൺ, ദിഷാ പടാനി, വിജയ് ദേവരകൊണ്ട, ദുൽഖർ സൽമാൻ തുടങ്ങിയ വമ്പൻ താരങ്ങളാണ് അണിനിരന്നിരിക്കുന്നത്.
‘കാശി, ‘കോംപ്ലക്സ്’, ‘ശംഭാള’ എന്നീ മൂന്ന് ലോകങ്ങളുടെ കഥ പറയുന്ന ചിത്രം ഇന്ത്യൻ മിത്തോളജിയിൽ നിന്ന് പ്രചോദനം ഉൾക്കൊണ്ട് ഭാവിയെ തുറന്നുകാണിക്കുന്ന സയൻസ് ഫിക്ഷൻ ചിത്രമായാണ് ഒരുക്കിയിരിക്കുന്നത്. 3101-ലെ മഹാഭാരതത്തിൻ്റെ ഇതിഹാസ സംഭവങ്ങൾ മുതൽ എഡി 2898 സഹസ്രാബ്ദങ്ങൾ വരെ നീണ്ടുനിൽക്കുന്ന കഥയാണ് ചിത്രം ദൃശ്യാവിഷ്കരിച്ചിരിക്കുന്നത്. പിആർഒ: ശബരി.
