തൻവി റാം നായികയാകുന്ന പാൻ ഇന്ത്യൻ ചിത്രം ‘ക’ ചിത്രീകരണം പൂർത്തിയായി; മലയാളം പതിപ്പ് വിതരണം ദുൽഖറിന്
കിരൺ അബ്ബാവരം നായകനാക്കി നവാഗതരായ സുജിത്, സന്ദീപ് എന്നിവർ രചിച്ചു സംവിധാനം ചെയ്യുന്ന പാൻ ഇന്ത്യൻ ചിത്രം ‘ക’ യുടെ ചിത്രീകരണം പൂർത്തിയായി. പിരീഡ് ആക്ഷൻ ത്രില്ലർ ആയി ഒരുകുന്ന ഈ ചിത്രത്തിലെ നായികാ വേഷം ചെയ്യുന്നത് തൻവി റാം ആണ്. റിലീസിന് തയ്യാറായിക്കൊണ്ടിരിക്കുന്ന ഈ ചിത്രത്തിന്റെ മലയാളം പതിപ്പ് ദുൽഖർ സൽമാൻ്റെ വേഫെറർ ഫിലിംസ് ആണ് പ്രദർശനത്തിനെത്തിക്കുക.
തെലുങ്കിൽ നിർമ്മിക്കുന്ന ചിത്രം മലയാളം കൂടാതെ തമിഴ്, കന്നഡ ഭാഷകളിലും റിലീസ് ചെയ്യും. ശ്രീ ചക്രാസ് എൻ്റർടൈൻമെൻ്റിൻ്റെ ബാനറിൽ ചിന്താ ഗോപാലകൃഷ്ണ റെഡ്ഡി ആണ് ഈ പാൻ ഇന്ത്യൻ ചിത്രം നിർമ്മിച്ചിരിക്കുന്നത്. രാധ എന്ന കഥാപാത്രത്തെ ആണ് തൻവി ഈ ചിത്രത്തിൽ അവതരിപ്പിക്കുന്നത്. ദിവസങ്ങൾക്ക് മുൻപ് താരത്തിന്റെ ഫസ്റ്റ് ലുക്ക് പോസ്റ്റർ പുറത്തുവന്നിരുന്നു. നയനി സരികയാണ് ചിത്രത്തിലെ മറ്റൊരു പ്രധാന താരം.
മീറ്റർ, റൂൾസ് രഞ്ജൻ, വിനാരോ ഭാഗ്യമു വിഷ്ണു കഥ എന്നീ ചിത്രങ്ങളിലൂടെ തെലുങ്കിൽ പ്രശസ്തനായ താരമാണ് ചിത്രത്തിലെ നായകൻ കിരൺ അബ്ബാവരം. ഛായാഗ്രഹണം – വിശ്വാസ് ഡാനിയൽ, സതീഷ് റെഡ്ഡി മാസം, സംഗീതം – സാം സി എസ്, എഡിറ്റിംഗ് – ശ്രീ വര പ്രസാദ്, കലാ സംവിധാനം – സുധീർ മചാർല, എക്സിക്യൂട്ടീവ് പ്രൊഡ്യൂസർ – ചൗഹാൻ, ലൈൻ പ്രൊഡക്ഷൻ – KA പ്രൊഡക്ഷൻ, സിഇഒ – രഹസ്യ ഗോരക്, പിആർഒ – ശബരി.
