മുഴുനീള പോലീസ് ഓഫീസറായി ഇന്ദ്രജിത്ത് വേഷമിടുന്ന ‘ധീരം’ ചിത്രീകരണം പൂർത്തിയായി
നാൽപ്പത്തിയേഴ് ദിവസങ്ങൾ നീണ്ട ഷൂട്ടിംഗിനൊടുവിൽ, ഇന്ദ്രജിത്ത് സുകുമാരൻ ആദ്യമായി മുഴുനീള പോലീസ് വേഷത്തിൽ എത്തുന്ന ‘ധീര’ത്തിന്റെ ചിത്രീകരണം പൂർത്തിയായി. കോഴിക്കോടും കുട്ടിക്കാനവും പശ്ചാത്തലമായി ചിത്രീകരിച്ച ഈ ക്രൈം ഇൻവെസ്റ്റിഗേഷൻ ത്രില്ലർ നവാഗതനായ ജിതിൻ ടി സുരേഷ് ആണ് സംവിധാനം ചെയ്യുന്നത്. റെമൊ എന്റർടൈൻമെന്റ്സിന്റെ ബാനറിൽ റെമോഷ് എം.എസ്, മലബാർ ടാക്കീസിൻ്റെ ബാനറിൽ ഹാരിസ് അമ്പഴത്തിങ്കൽ എന്നിവർ ചേർന്ന് നിർമ്മിക്കുന്ന ചിത്രം ദീപു എസ് നായർ, സന്ദീപ് സദാനന്ദൻ എന്നിവർ ചേർന്നാണ് രചിച്ചിരിക്കുന്നത്.
മുൻപ് ഇറക്കിയ ചിത്രത്തിൻ്റെ ടൈറ്റിൽ ടീസർ, ഫസ്റ്റ് ലുക്ക്, സെക്കൻ്റ് ലുക്ക് പോസ്റ്ററുകൾ എന്നിവ പ്രേക്ഷകരിൽ ഏറെ കൗതുകമുണർത്തുകയും തീർത്തും ഒരു ഇൻവെസ്റ്റിഗേഷൻ ക്രൈം ത്രില്ലർ ചിത്രത്തിൻ്റെ വേണ്ട സ്വഭാവം വ്യക്തമാക്കുകയും ചെയ്തിരുന്നു. ഇന്ദ്രജിത്ത് സുകുമാരനെ കൂടാതെ അജു വർഗ്ഗീസ്, ദിവ്യ പിള്ള, നിഷാന്ത് സാഗർ, രഞ്ജി പണിക്കർ, റെബ മോണിക്ക ജോൺ, സാഗർ സൂര്യ (പണി ഫെയിം), അവന്തിക മോഹൻ, ആഷിക അശോകൻ, സാജൽ സുദർശൻ തുടങ്ങിയവരും ഈ ചിത്രത്തിൽ പ്രധാന വേഷത്തിലെത്തുന്നു.
നിരവധി ഹ്രസ്വചിത്രങ്ങളിലൂടെ പ്രശസ്തനായ ജിതിന്റെ അരങ്ങേറ്റ സംവിധാന സംരംഭമായ ഈ ചിത്രത്തിന്റെ സഹനിർമ്മതാവ് ഹബീബ് റഹ്മാൻ ആണ്. സൗഗന്ദ് എസ്.യൂ ചിത്രത്തിന്റ ഡി.ഓ.പി. ക്യാപ്റ്റൻ മില്ലർ, സാനി കായിദം, റോക്കി എന്നി ചിത്രങ്ങളുടെ എഡിറ്റർ നാഗൂരൻ രാമചന്ദ്രൻ ഈ ചിത്രത്തിലൂടെ മലയാളത്തിലും എഡിറ്റർ ആയി അരങ്ങേറ്റം കുറിക്കുന്നു. അഞ്ചകൊള്ളകൊക്കാൻ, പല്ലോട്ടി 90സ് കിഡ്സ് എന്നിവക്ക് ശേഷം മണികണ്ഠൻ അയ്യപ്പ സംഗീതം ഒരുക്കുന്ന ചിത്രം കൂടിയാണിത്.
പ്രൊഡക്ഷൻ ഡിസൈനർ: സാബു മോഹൻ, പ്രോജക്ട് ഡിസൈനർ: ഷംസു വപ്പനം, കോസ്റ്യൂംസ്: റാഫി കണ്ണാടിപ്പറമ്പ, മേക്കപ്പ്: പ്രദീപ് ഗോപാലകൃഷ്ണൻ, പ്രൊഡക്ഷൻ കൺട്രോളർ: ശശി പൊതുവാൾ, പ്രൊഡക്ഷൻ എക്സിക്യൂട്ടീവ്: കമലാക്ഷൻ പയ്യന്നൂർ, പ്രൊഡക്ഷൻ മാനേജർ: ധനേഷ്, സൗണ്ട് ഡിസൈൻ: ധനുഷ് നയനാർ, ചീഫ് അസോസിയേറ്റ് ഡയറക്ടർ: തൻവിൻ നാസിർ, 3D ആർട്ടിസ്റ്: ശരത്ത് വിനു, വി.എഫ്.എക്സ് &3D അനിമേഷൻ: ഐഡൻറ് ലാബ്സ്, മാർക്കറ്റിംഗ് കൺസൾട്ൻ്റ്: മിഥുൻ മുരളി, പി.ആർ.ഓ: പി.ശിവപ്രസാദ്, സ്റ്റിൽസ്: സേതു അത്തിപ്പിള്ളിൽ എന്നിവരാണ് മറ്റ് അണിയറ പ്രവർത്തകർ.
