സെക്കൻഡ് കേസ് തുറന്ന് ‘ഹിറ്റ്’ ടീം; ഞെട്ടിപ്പിച്ച്‌ അദിവി ശേഷിന്റെ ‘ഹിറ്റ് 2’ ടീസർ …
മികച്ച ത്രില്ലർ ചിത്രങ്ങളിലൂടെ മലയാളത്തിനും സുപരിചിതനായ
അദിവി ശേഷ് നായകനാകുന്ന ഏറ്റവും പുതിയ ചിത്രമാണ് ‘ഹിറ്റ് 2’. മലയാള സിനിമ പ്രേക്ഷകർക്കിടയിലും ചർച്ചയായ ‘ഹിറ്റ്: ദ് ഫസ്റ്റ് കേസ്’ എന്ന ചിത്രത്തിന്റെ സംവിധായകൻ സൈലേഷ് കൊലാനു ഒരുക്കുന്ന ഈ ചിത്രം ‘ഹിറ്റ് വേഴ്സ്’ എന്ന സിനിമാറ്റിക്ക് യൂണിവേഴ്സിന്റെ ഭാഗമാണ്. ഡിസംബർ 2 ന് തിയേറ്റർ റിലീസിന് ഒരുങ്ങുന്ന ഈ ചിത്രത്തിന്റെ ടീസർ പുറത്തുവന്നിരിക്കുക ആണ്. ചിത്രത്തിന്റെ ടീസറിനൊപ്പം ആണ് റിലീസ് തീയതി പ്രഖ്യാപിച്ചത്. തെലുങ്ക് താരം നാനി ഈ ചിത്രത്തിന്റെ നിർമ്മാതാക്കളിൽ ഒരാൾ ആണ്. അദ്ദേഹത്തിന്റെ സോഷ്യൽ മീഡിയ ഹാൻഡിലുകളിലൂടെ ആണ് ചിത്രത്തിന്റെ ടീസർ പുറത്തുവിട്ടിരിക്കുന്നത്.
ഒരു സ്ത്രീയുടെ ദാരുണമായ കൊലപാതകം കൈകാര്യം ചെയ്യുന്ന ഒരു പോലീസ് ഓഫീസറായി ആണ് ടീസറിൽ അദിവി ശേഷ് എത്തിയിരിക്കുന്നത്. ശരിക്കും ഞെട്ടിപ്പിക്കുന്ന ഒരു അനുഭവം ആണ് അദിവി ശേഷിന്റെ ആ കഥാപാത്രത്തിന് ക്രൈം സീനിൽ നിന്ന് ഉണ്ടാവുന്നത് എന്ന് ടീസർ കാണിച്ചു തരുന്നു. അദിവി ശേഷും മീനാക്ഷി ചൗധരിയും പ്രധാന വേഷങ്ങളിൽ അഭിനയിച്ചിരിക്കുന്ന ഈ ചിത്രത്തിലെ മറ്റ് വേഷങ്ങളില്‍ ഭാനു ചന്ദർ, റാവു രമേഷ്, പോസാനി കൃഷ്ണ മുരളി, തനിക്കെല്ല ഭരണി എന്നിരാണ് അഭിനയിച്ചിരിക്കുന്നത്. ടീസര്‍:
ഹിറ്റ് എന്ന ചിത്രത്തിന്റെ ആദ്യ ഭാഗത്തിൽ വിശ്വക് സെൻ ആയിരുന്നു പ്രധാന വേഷത്തിൽ എത്തിയത്. പ്രേക്ഷകരിൽ നിന്ന് വളരെയധികം സ്വീകാര്യത അദ്ദേഹം നേടുകയും ചെയ്തിരുന്നു. ഒന്നാം ചിത്രത്തിലെ നായകന് എന്ത് സംഭവിച്ചു എന്ന് നിരവധി സംശയങ്ങൾ പ്രേക്ഷകർക്ക് ഉണ്ടായിരുന്നു. അതിനുള്ള ഉത്തരം രണ്ട് ദിവസം മുൻപ് ആണ് സംവിധായകൻ ഒരു സ്‌പെഷ്യൽ വീഡിയോയിലൂടെ നൽകിയത്. ആ നായകന്റെയും കഥ പൂർത്തിയാക്കും എന്നും ഇതൊരു സിനിമാറ്റിക്ക് യൂണിവേഴ്സ് ആണെന്നും ആയിരുന്നു ആ വീഡിയോയിൽ സംവിധായകൻ വെളിപ്പെടുത്തിയത്.
