അൽത്താഫ് സലീമിനൊപ്പം 150 പുതുമുഖങ്ങൾ; പോലീസ് ഉദ്യോഗസ്ഥൻ സംവിധായകനാകുന്ന ചിത്രം തുടങ്ങി
സംവിധായകനും നടനുമായ അൽത്താഫ് സലീം നായകനാകുന്ന പുതിയ സിനിമയുടെ ചിത്രീകരണം ഒറ്റപ്പാലത്ത് ആരംഭിച്ചു. ഓഡിഷനിലൂടെ തിരഞ്ഞെടുത്ത 150 പുതുമുഖങ്ങൾ അണിനിരക്കുന്നു എന്നതാണ് ഈ സിനിമയുടെ പ്രധാന സവിശേഷത. സംവിധായകൻ കമലിന്റെ ശിഷ്യനും മാനന്തവാടിയിലെ പോലീസ് ഉദ്യോഗസ്ഥനുമായ യതീന്ദ്രനാണ് ഈ ചിത്രം തിരക്കഥയെഴുതി സംവിധാനം ചെയ്യുന്നത്.
വൻ താരനിരയും ചിത്രത്തിന്റെ ഭാഗമാകുന്നുണ്ട്. കൃഷ്ണപ്രിയയാണ് ചിത്രത്തിൽ നായികയായി എത്തുന്നത്. ഇരുപതിലധികം പ്രശസ്ത അഭിനേതാക്കൾ പ്രധാന വേഷങ്ങൾ കൈകാര്യം ചെയ്യുന്നു. അശോകൻ, അസീസ് നെടുമങ്ങാട്, ഡോക്ടർ റോണി ഡേവിഡ് രാജ്, അബിൻ ബിനോ, ഗോകുലൻ, അഭിരാം രാധാകൃഷ്ണൻ, ആനന്ദ് മന്മഥൻ, വിനീത് വിശ്വം, കുമാർ സുനിൽ, ജയൻ രാജ, പ്രവീണ, ശീതൾ മരിയ എന്നിവരാണ് ചിത്രത്തിലെ മറ്റു പ്രധാന അഭിനേതാക്കൾ.
മാക്ട്രോ മോഷൻ പിക്ചേഴ്സിന്റെ ബാനറിൽ ഷീൻ ഹെലനും ലജു മാത്യു ജോയിയും ചേർന്നാണ് ചിത്രം നിർമ്മിക്കുന്നത്. കാവിലമ്മ പ്രൊഡക്ഷൻസ് നിർമ്മാണ സഹകരണം നൽകുന്ന ഈ ചിത്രത്തിന്റെ സഹനിർമ്മാതാവ് കാഞ്ചന ജയരാജനാണ്. പ്രിൻസ് ജോർജ് സംഗീതവും അർജ്ജുൻ അക്കോട്ട് ഛായാഗ്രഹണവും നിർവഹിക്കുന്നു. ആകാശ് ജോസഫ് വർഗീസ് എഡിറ്റിംഗും സുജിത് രാഘവ് പ്രൊഡക്ഷൻ ഡിസൈനും കൈകാര്യം ചെയ്യുന്നു.
ചിത്രത്തിന്റെ മറ്റ് അണിയറ പ്രവർത്തകർ: മേക്കപ്പ്-സിനൂപ് രാജ്, വസ്ത്രാലങ്കാരം-മെൽവി ജെ, ചീഫ് അസോസിയേറ്റ് ഡയറക്ടർ-സുഹൈൽ എം, കൊറിയോഗ്രാഫർ-നീരജ് സുകുമാരൻ, സൗണ്ട് ഡിസൈൻ-അരുൺ കുമാർ ആർ, പ്രൊഡക്ഷൻ കൺട്രോളർ-സന്തോഷ് ചെറുപൊയ്ക, കാസ്റ്റിംഗ് ഡയറക്ടർ-രാജേഷ് നാരായണൻ, വിഎഫ്എക്സ്-ജിഷ്ണു ആർ പിഷാരടി, ഹനോഷ് മാധവൻ, എക്സിക്യൂട്ടീവ്-സഫി ആയൂർ, പ്രൊഡക്ഷൻ മാനേജർ-ജെസ്റ്റിൻ കൊല്ലം, ലോക്കേഷൻ മാനേജർ-വേലപ്പൻ ഒറ്റപ്പാലം, സ്റ്റിൽസ്-ജിത്തു ഫ്രാൻസിസ്, പരസ്യകല-ആന്റെണി സ്റ്റീഫൻ, പി ആർ ഒ-എ എസ് ദിനേശ്.
