യു/എ സർട്ടിഫിക്കറ്റ് നേടി ‘തങ്കലാൻ’; ബിഗ് സ്ക്രീനിൽ വിക്രമിന്റെ അത്യുഗ്രൻ പ്രകടനം പ്രായഭേദമന്യേ കാണാം
വിക്രമിനെ നായകനാക്കി പാ രഞ്ജിത്ത് സംവിധാനം ചെയ്ത തങ്കലാന്റെ സെൻസറിങ് പൂർത്തിയായി. സെൻസർ ബോർഡിൽ നിന്ന് യു/എ സർട്ടിഫിക്കറ്റ് ആണ് ചിത്രത്തിന് ലഭിച്ചത്. ഇതൊടു കൂടി പ്രായഭേദമന്യേ എല്ലാ പ്രേക്ഷകർക്കും ചിത്രം ബിഗ് സ്ക്രീനിൽ കാണാൻ കഴിയും. 2 മണിക്കൂർ 43 മിനിറ്റ് ആണ് ചിത്രത്തിന്റെ ദൈർഘ്യം എന്ന് റിപ്പോർട്ടുകൾ സൂചിപ്പിക്കുന്നു. ഓഗസ്റ്റ് 15-നു ആഗോള റിലീസായി എത്തുമ്പോൾ, കേരളത്തിൽ ചിത്രം വിതരണം ചെയ്യുക ശ്രീ ഗോകുലം ഗോപാലൻ നേതൃത്വം നൽകുന്ന ശ്രീ ഗോകുലം മൂവീസ് ആണ്.
സ്റ്റുഡിയോ ഗ്രീനിന്റെ ബാനറിൽ കെ ഇ ജ്ഞാനവേൽ രാജ നിർമ്മിച്ച ഈ ചിത്രത്തിൽ നായികാ വേഷങ്ങളിൽ എത്തുന്നത് മലയാളി താരങ്ങളായ പാർവതി തിരുവോത്ത്, മാളവിക മോഹനൻ എന്നിവരാണ്. പശുപതിയാണ് ഇതിലെ മറ്റൊരു പ്രധാന താരം. ചിത്രത്തിന്റെ ട്രെയിലർ ദിവസങ്ങൾക്ക് മുൻപ് പുറത്തിറങ്ങുകയും സമൂഹ മാധ്യമങ്ങളിൽ മികച്ച സ്വീകാര്യത നേടുകയും ചെയ്തിരുന്നു. ട്രെയിലർ:
തമിഴിലെ ഹിറ്റ് മേക്കറും ദേശീയ അവാർഡ് ജേതാവുമായ ജി വി പ്രകാശ്കുമാർ സംഗീതമൊരുക്കിയ ഈ ചിത്രത്തിന് കിഷോർ കുമാർ ഛായാഗ്രഹണവും സെൽവ ആർ കെ ചിത്രസംയോജനവും നിർവഹിച്ചിരിക്കുന്നു. എസ് എസ് മൂർത്തി കലാസംവിധാനം നിർവഹിച്ച തങ്കലാനു സംഘട്ടനം ഒരുക്കിയത് സ്റ്റന്നർ സാം ആണ്. ഡ്രീം ബിഗ് ഫിലിംസാണ് ഡിസ്ട്രിബ്യുഷൻ പാർട്ണർ. കേരളത്തിൽ വമ്പൻ റിലീസായാണ് ശ്രീ ഗോകുലം മൂവീസ് ചിത്രത്തെ എത്തിക്കുക. പി ആർ ഒ – ശബരി.
