“പണ്ടൊരു നാട്ടിലൊരു കുതിരയെ കെട്ടുമഴിച്ചു വിട്ടേ”; ‘സമാധാന പുസ്തകം’ ചിത്രത്തിലെ ഗാനം പുറത്തിറങ്ങി…
രവീഷ് നാഥ് സംവിധാനം ചെയ്യുന്ന ‘സമാധാന പുസ്തകം’ എന്ന ചിത്രത്തിലെ വീഡിയോ ഗാനം പുറത്തിറങ്ങി. ടിറ്റോ പി തങ്കച്ചൻ എഴുതിയ വരികൾക്ക് ഫോർ മ്യൂസിക് സംഗീതം പകർന്ന് ഭദ്ര രജിൻ ആലപിച്ച “പണ്ടൊരു നാട്ടിലൊരു” എന്നാരംഭിക്കുന്ന ഗാനമാണ് റിലീസായത്.
യോഹാൻ,നെബീഷ്, ധനുഷ്,ഇർഫാൻ, ശ്രീ ലക്ഷ്മി,ട്രിനിറ്റി തുടങ്ങി നിരവധി പുതുമുഖ താരങ്ങൾ പ്രധാന കഥാപാത്രങ്ങളാകുന്ന ചിത്രം സിഗ്മ സ്റ്റോറീസിന്റെ ബാനറിൽ നിസാർ മംഗലശ്ശേരി ആണ് നിർമ്മിക്കുന്നത്. പുതുമുഖ താരങ്ങൾക്കൊപ്പം സിജു വിൽസൻ, ജെയിംസ് ഏലിയ,മാത്യു തോമസ്, മേഘനാഥൻ, വി കെ ശ്രീരാമൻ, പ്രമോദ് വെളിയനാട്, ദിലീപ് മേനോൻ, ലിയോണ ലിഷോയ്, വീണാ നായർ തുടങ്ങിയ പ്രമുഖരും അഭിനയിക്കുന്നു.
ജോ & ജോ, 18 പ്ലസ് എന്നീ ചിത്രങ്ങളുടെ കോ റൈറ്റർ ആയ രവീഷ് നാഥാണ് ഈ ചിത്രത്തിന്റെ സംവിധായകൻ. കഥ തിരക്കഥ സംഭാഷണം- എഡിജെ, രവീഷ് നാഥ്, സി പി ശിവൻ, ഛായാഗ്രഹണം-സതീഷ് കുറുപ്പ്, ഗാനരചന-സന്തോഷ് വർമ്മ,ജിസ് ജോയി, ടിറ്റോ പി തങ്കച്ചൻ, സംഗീതം-ഫോർ മ്യൂസിക്സ്, എഡിറ്റിംഗ് -ചമൻ ചാക്കോ, പ്രൊഡക്ഷൻ കൺട്രോളർ-ഷാഫി ചെമ്മാട്,ആർട്ട് ഡയറക്ടർ-വിനോദ് പട്ടണക്കാടൻ.
മറ്റ് അണിയറ പ്രവർത്തകരുടെ വിവരങ്ങൾ: മേക്കപ്പ്-വിപിൻ ഓമശ്ശേരി,കോസ്റ്റ്യൂംസ്- ആദിത്യ നാണു,ചീഫ് അസോസിയേറ്റ് ഡയറക്ടർ-റജിവാൻ അബ്ദുൽ ബഷീർ, അസോസിയേറ്റ് ഡയറക്ടർ-റെനീത്, സക്കീർ ഹുസൈൻ, റനിത് രാജ്,ഡിഐ-ലിജു പ്രഭാകർ, വിഎഫ്എക്സ്-മാഗ്മിത്, ടൈറ്റിൽ ആനിമേഷൻ-നിതീഷ് ഗോപൻ, ഓഡിയോഗ്രാഫി-തപസ് നായ്ക്, സ്റ്റിൽസ്-സിനറ്റ് സേവ്യർ, പരസ്യകല- -യെല്ലോ ടൂത്ത്, ഡിസ്ട്രിബ്യൂഷൻ ഹെഡ്-പ്രദീപ് മേനോൻ. ജൂലൈ പത്തൊമ്പതിന് “സമാധാന പുസ്തകം” പ്രദർശനത്തിനെത്തുന്നു. പി ആർ ഒ-എ എസ് ദിനേശ്.
