ചങ്ങാടത്തിൽ മോഹൻലാലിന്റെ അതിസഹസികത; ‘ഓളവും തീരവും’ ചിത്രീകരണ വീഡിയോ വൈറൽ…
സിനിമയുടെ ചിത്രീകരണത്തിനായി എന്ത് സാഹസികതയ്ക്കും തയ്യാറാക്കുന്ന താരമാണ് മലയാളത്തിന്റെ സൂപ്പർതാരം മോഹൻലാൽ. ഡ്യൂപ്പിന്റെ സഹായമില്ലാതെ അദ്ദേഹം ചെയ്ത സ്റ്റുണ്ടുകളെ പറ്റിയും ഒക്കെ നിരവധി സഹപ്രവർത്തകർ പലപ്പോഴായി വെളിപ്പെടുത്തൽ നടത്തിയിട്ടുണ്ട്. ഇപ്പോളിതാ 62 ആം വയസിലും സാഹസികതയ്ക്ക് ഒരു കുറവും വന്നിട്ടില്ല എന്ന് തെളിയിക്കുക ആണ് മോഹൻലാൽ. ‘ഓളവും തീരവും’ എന്ന അദ്ദേഹത്തിന്റെ ഏറ്റവും പുതിയ ചിത്രത്തിന്റെ ലൊക്കേഷനിൽ നിന്ന് പുറത്തുവന്ന വീഡിയോ ആണ് മോഹൻലാലിന്റെ സാഹസികത വീണ്ടും ചർച്ചയാവാൻ കാരണം.
കുത്തിയൊലിക്കുന്ന പുഴയിൽ ചങ്ങാടം ഒറ്റയ്ക്ക് തുഴയുന്ന മോഹൻലാലിനെ ആണ് വീഡിയോയിൽ കാണാൻ കഴിയുന്നത്. ചിത്രീകരണത്തിന്റെ വിവിധ ദൃശ്യങ്ങൾ സോഷ്യൽ മീഡിയ ഒട്ടാകെ പ്രചരിക്കുന്നുണ്ട്. എം ടിയുടെ തിരക്കഥയിൽ പ്രിയദർശൻ സംവിധാനം ചെയ്യുന്ന ഈ ചിത്രം തൊടുപുഴ, തൊമ്മൻകുത്ത്, കാഞ്ഞാർ എന്നിവിടങ്ങളിൽ ആണ് ചിത്രീകരിക്കുന്നത്. വീഡിയോ കാണാം:
