ബിഗ് ക്യാൻവാസിൽ നിവിൻ പോളി ചിത്രം ‘ശേഖരവർമ്മ രാജാവ്’; ചിത്രീകരണം ആരംഭിച്ചു…
ഷെയ്ന് നിഗം നായകനായ ഇഷ്ക്, ടൊവിനോയുടെ നരിവേട്ട എന്നീ ചിത്രങ്ങൾക്ക് ശേഷം അനുരാജ് മനോഹർ സംവിധാനം ചെയ്യുന്ന ‘ശേഖരവർമ്മ രാജാവ്’ എന്ന സിനിമയുടെ ചിത്രീകരണം ആരംഭിച്ചു. നിവിൻ പോളി നായകനാകുന്ന ചിത്രം പോളി ജൂനിയർ പിക്ചേഴ്സിന്റെ ബാനറിൽ താരം തന്നെയാണ് ചിത്രം നിർമ്മിക്കുന്നത്.
സോഷ്യൽ സറ്റയർ വിഭാഗത്തിലുള്ള ഈ ചിത്രത്തിന് തിരക്കഥയും സംഭാഷണവും എസ്. രഞ്ജിത്ത് ആണ് ഒരുക്കുന്നത്. തിങ്കളാഴ്ച്ച കളമശ്ശേരിയിൽ നടന്ന പൂജയോടെയാണ് സിനിമയുടെ ആദ്യ ഷെഡ്യൂൾ ചിത്രീകരണം ആരംഭിച്ചത്. രാജകുടുംബാംഗമായ ശേഖരവർമ്മയുടെ ജീവിതത്തിലൂടെ കടന്നു പോകുന്ന ഈ ചിത്രം വലിയ കാൻവാസിലാണ് അനുരാജ് മനോഹർ ഒരുക്കുന്നത്.
ചിത്രത്തിന് ഛായാഗ്രഹണം നിർവഹിക്കുന്നത് അൻസർ ഷാ ആണ്. എഡിറ്റർ- കിരൺ ദാസ്. ദിലീപ് ആർ നാഥ് ആണ് കലാസംവിധാനം നിർവഹിക്കുന്നത്. വസ്ത്രാലങ്കാരം- മെൽവി ജെ, ചന്ദ്രകാന്ത്, മേക്കപ്പ്- അമൽ സി ചന്ദ്രൻ, ചീഫ് അസോസിയേറ്റ്- രതീഷ് രാജൻ. പ്രൊഡക്ഷൻ കൺട്രോളർ- ശ്യാം ലാൽ, ഡിസൈൻ- യെല്ലോ ടൂത്ത്,ഡിജിറ്റൽ മാർക്കറ്റിംഗ് അനൂപ് സുന്ദരൻ,പിആർഒ- ശബരി
