കിടിലൻ നൃത്ത ചുവടുകളുമായി ഞെട്ടിച്ച് നിവിൻ പോളി; ‘ഹബീബീ ഡ്രിപ്പ്’ വീഡിയോ ഗാനം കാണാം…
മലയാളത്തിന്റെ യുവ സൂപ്പർതാരം നിവിൻ പോളി അഭിനയിച്ച ആൽബം സോങ് ആയ ഹബീബീ ഡ്രിപ്പിന്റെ വീഡിയോ റിലീസായി. ഈ ഗാനത്തിന്റെ ടീസർ ദിവസങ്ങൾക്ക് മുൻപ് റിലീസാകുകയും വൈറലായി മാറുകയയും ചെയ്തിരുന്നു. ഇതിന് പിന്നാലെ ആനിപ്പോൾ വീഡിയോ ഗാനം എത്തിയിരിക്കുന്നത്. വ്യത്യസ്ത ഗെറ്റപ്പുകളിൽ അൾട്രാ സ്റ്റൈലിഷ് ലുക്കിൽ ആണ് ഈ ഗാന രംഗത്തിൽ ഉടനീളം നിവിൻ പോളിയെ കാണാൻ സാധിക്കുക. നിവിൻ്റെ ഗംഭീര നൃത്ത ചുവടുകളാണ് ഈ വീഡിയോ ഗാനത്തിന്റെ മറ്റൊരു ഹൈലൈറ്റ്.
ഗൾഫിൽ ചിത്രീകരിച്ചിരിക്കുന്ന ഈ ഗാനം ഷാഹിൻ റഹ്മാൻ, നിഖിൽ രാമൻ എന്നിവർ ചേർന്ന് ആണ് സംവിധാനം ചെയ്തിരിക്കുന്നത്. ഈ ഗാനത്തിന്റെ ഐഡിയ ഒരുക്കിയതും ഡിസൈൻ ചെയ്തതും കുട്ടു ശിവാനന്ദനാണ്. രജിത് ദേവ് നൃത്ത സംവിധാനം നിർവഹിച്ചിരിക്കുന്ന ഹബീബി ഡ്രിപ്പിന് ക്യാമറ ചലിപ്പിച്ചത് സംവിധായകരിലൊരാളായ നിഖിൽ രാമനും അസം മുഹമ്മദും ചേർന്നാണ്.
ഹബീബീ ഡ്രിപ്പിൻ്റെ എഡിറ്റിംഗ് നിർവഹിച്ചത് ഷാഹിൻ റഹ്മാൻ, വരികൾ രചിച്ച് ആലപിച്ചത് ഡബ്സി എന്നിവരാണ്. റിബിൻ റിച്ചാർഡ് ആണ് ഈ ഗാനത്തിന് വേണ്ടി സംഗീതം ചെയ്തിരിക്കുന്നതും ഈ ഗാനം നിർമ്മിച്ചിരിക്കുന്നതും. എക്സിക്യൂട്ടീവ് പ്രൊഡ്യൂസർ – പ്രവീൺ പ്രകാശൻ, കലാസംവിധാനം – മുകേഷ് എം ഗോപി, സ്റ്റിൽസ് – ജസീം എൻ കേ, വസ്ത്രാലങ്കാരം – കോസ്റ്റുംസ് ഇൻ ദുബായ്, സെനി വേണുഗോപാലൻ, സ്റ്റൈലിസ്റ്റ് – ബിന്ധ്യ നെൽസൺ. നിവിൻ പോളി ആരാധകർക്കും സംഗീത പ്രേമികൾക്കും ഒരുപോലെ വൈബ് ചെയ്യാവുന്ന ഒരു ഗാനമായാണ് ഹബീബീ ഡ്രിപ്പ് പുറത്തെത്തിച്ചിരിക്കുന്നത്. വീഡിയോ:
