പുതിയ റിലീസുകൾ ബാധിക്കുന്നില്ല; ‘കൽക്കി 2898 എഡി’ കേരളത്തിൽ ഇരുനൂറോളം തിയറ്ററുകളിൽ പ്രദർശനം തുടരുന്നു…
നാലാം വാരത്തിൽ കേരളത്തിലെ ഇരുനൂറോളം തിയറ്ററുകളിൽ മികച്ച പ്രതികരണങ്ങളോടെ പ്രദർശനം തുടരുകയാണ് പ്രഭാസ് നായകനായെത്തിയ പാൻ ഇന്ത്യൻ ചിത്രം ‘കൽക്കി 2898 എഡി’. 2024 ജൂൺ 27ന് തിയേറ്ററുകളിൽ എത്തിയ നാഗ് അശ്വിൻ സംവിധാനം ചെയ്ത ഈ ചിത്രം ഇതിനോടകം 1000 കോടി ഗ്രോസ് കളക്ഷൻ ആഗോള ബോക്സ് ഓഫീസിൽ നിന്ന് നേടി കഴിഞ്ഞു.
കേരളത്തിൽ ഏറ്റവും കൂടുതൽ ബോക്സ് ഓഫീസ് കളക്ഷൻ നേടിയ തെലുങ്ക് ചിത്രങ്ങളുടെ ലിസ്റ്റിൽ രണ്ടാം സ്ഥാനം നേടാനും ചിത്രത്തിനായി. വെറും 15 ദിവസങ്ങൾ കൊണ്ട് ആയിരുന്നു ചിത്രം ഈ നേട്ടം സ്വന്തമാക്കിയത്. ‘ബാഹുബലി 2: ദ കൺക്ലൂഷൻ’ ആണ് ഒന്നാം സ്ഥാനത്ത്. നിരവധി പുതിയ റിലീസ് ചിത്രങ്ങൾ എത്തിയെങ്കിലും കൽക്കി 2898 എഡി മികച്ച കളക്ഷനുമായി പ്രദർശനം തുടരുകയാണ്. വൈജയന്തി മൂവീസിന്റെ ബാനറിൽ സി അശ്വിനി ദത്ത് നിർമ്മിച്ച ഈ ബ്രഹ്മാണ്ഡ ചിത്രം വേഫറർ ഫിലിംസാണ് കേരളത്തിൽ വിതരണത്തിനെത്തിച്ചത്.
ഇന്ത്യൻ മിത്തോളജിയിൽ നിന്ന് പ്രചോദനം ഉൾക്കൊണ്ട് ഒരുക്കിയ ഈ സയൻസ് ഫിക്ഷൻ ചിത്രം ‘കൽക്കി 2898 എഡി’. ‘കാശി, ‘കോംപ്ലക്സ്’, ‘ശംഭാള’ എന്നീ മൂന്ന് ലോകങ്ങളുടെ കഥ ആണ് പറയുന്നത്. 3101-ലെ മഹാഭാരതത്തിൻ്റെ ഇതിഹാസ സംഭവങ്ങൾ മുതൽ എഡി 2898 സഹസ്രാബ്ദങ്ങൾ വരെ നീണ്ടുനിൽക്കുന്ന യാത്ര ചിത്രം ദൃശ്യാവിഷ്കരിച്ചിരിക്കുന്നു. അമിതാഭ് ബച്ചൻ, കമൽ ഹാസൻ, ദീപിക പദുക്കോൺ, ദിഷാ പടാനി, വിജയ് ദേവരകൊണ്ട, ദുൽഖർ സൽമാൻ എന്നിവരും പ്രഭാസിന് ഒപ്പം ചിത്രത്തിൽ നിർണായക വേഷങ്ങളിൽ എത്തി. പിആർഒ: ശബരി.
