‘മുറ’ ഫെയിം ഹൃദുവിനൊപ്പം പാൻ ഇന്ത്യൻ സെൻസേഷൻ പ്രീതി; ‘മേനേ പ്യാർ കിയ’ പോസ്റ്റർ പുറത്ത്..
നവാഗതനായ ഫൈസൽ രചനയും സംവിധാനവും നിർവഹിക്കുന്ന ‘മേനേ പ്യാർ കിയ’ എന്ന ചിത്രത്തിൻ്റെ ഒഫീഷ്യൽ പോസ്റ്റർ പുറത്തിറങ്ങി. സ്പൈർ പ്രൊഡക്ഷൻസിൻ്റെ ബാനറിൽ സഞ്ജു ഉണ്ണിത്താൻ നിർമ്മിക്കുന്ന ഈ ചിത്രം പ്രണയവും ഹാസ്യവും ത്രില്ലും ഒത്തുചേർന്ന ഒരു സിനിമാനുഭവമായിരിക്കും എന്ന് പോസ്റ്റർ സൂചന നൽകുന്നു.
‘മുറ’ എന്ന ചിത്രത്തിലൂടെ ശ്രദ്ധേയനായ ഹൃദു ഹാറൂൺ ആണ് ഈ സിനിമയിലെ നായകൻ. തമിഴിൽ ‘സ്റ്റാർ’ എന്ന ചിത്രത്തിലെ നായികാ വേഷത്തിലും ‘ആസൈ കൂടൈ’, ‘മോർണി’ എന്നീ മ്യൂസിക് വീഡിയോകളിലെ പ്രകടനങ്ങളിലൂടെയും പ്രേക്ഷക ശ്രദ്ധ നേടിയ പ്രീതി മുകുന്ദൻ ‘മേനേ പ്യാർ കിയ’യിലൂടെ മലയാള സിനിമയിൽ നായികയായി അരങ്ങേറ്റം കുറിക്കുന്നു എന്നത് ചിത്രത്തിൻ്റെ പ്രധാന ആകർഷണമാണ്. അസ്കർ അലി, മിദൂട്ടി, അർജ്യോ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
സ്പൈർ പ്രൊഡക്ഷൻസ് നിർമ്മിക്കുന്ന രണ്ടാമത്തെ ചിത്രമാണിത്. സൂപ്പർ ഹിറ്റ് ചിത്രം ‘മന്ദാകിനി’ക്ക് ശേഷം ഇവർ ഒരുക്കുന്ന ഈ റൊമാൻ്റിക് കോമഡി ത്രില്ലർ പ്രേക്ഷകർക്ക് പുതിയൊരു സിനിമാനുഭവമായിരിക്കും സമ്മാനിക്കുക എന്ന് അണിയറ പ്രവർത്തകർ ഉറപ്പു നൽകുന്നു. ജിയോ ബേബി, ശ്രീകാന്ത് വെട്ടിയാർ, റിഡിൻ കിംഗ്സിലി, ബിബിൻ പെരുമ്പിള്ളി, ത്രികണ്ണൻ, മൈം ഗോപി, ബോക്സർ ദീന, ജനാർദ്ദനൻ, ജഗദീഷ് ജിവി റെക്സ് തുടങ്ങി വലിയൊരു താരനിര തന്നെ ചിത്രത്തിലുണ്ട്.
ഫൈസലും ബിൽക്കെഫ്സലും ചേർന്നാണ് ചിത്രത്തിൻ്റെ തിരക്കഥ ഒരുക്കിയിരിക്കുന്നത്. ഡോൺപോൾ പി ഛായാഗ്രഹണവും ഇലക്ട്രോണിക് കിളി സംഗീതവും കണ്ണൻ മോഹൻ എഡിറ്റിംഗും നിർവഹിക്കുന്നു. ബിനു നായരാണ് എക്സിക്യൂട്ടീവ് പ്രൊഡ്യൂസർ. പ്രൊഡക്ഷൻ കൺട്രോളർ-ശിഹാബ് വെണ്ണല, കലാസംവിധാനം- സുനിൽ കുമാരൻ, ചീഫ് അസ്സോസിയേറ്റ് ഡയറക്ടർ-രാജേഷ് അടൂർ, കോസ്റ്റ്യൂംസ്-അരുൺ മനോഹർ, മേക്കപ്പ്-ജിത്തു പയ്യന്നൂർ, സൗണ്ട് ഡിസൈൻ-രംഗനാഥ് രവി, സംഘട്ടനം-കലൈ കിംങ്സൺ, പ്രൊജക്റ്റ് ഡിസൈനർ-സൗമ്യത വർമ്മ, ഡിഐ- ബിലാൽ റഷീദ്, അസ്സോസിയേറ്റ് ഡയറക്ടർ-അശ്വിൻ മോഹൻ, ഷിഹാൻ മുഹമ്മദ്, വിഷ്ണു രവി, സ്റ്റിൽസ്-ഷൈൻ ചെട്ടികുളങ്ങര, പ്രൊഡക്ഷൻ എക്സിക്യൂട്ടിവ്-വിനോദ് വേണുഗോപാൽ, ആന്റണി കുട്ടമ്പുഴ, ഡിസൈൻ-യെല്ലോ ടൂത്സ്, വിതരണം- സ്പയർ പ്രൊഡക്ഷൻസ്, അഡ്മിനിസ്ട്രേഷൻ ആന്റ് ഡിസ്ട്രിബൂഷൻ ഹെഡ്-പ്രദീപ് മേനോൻ, പിആർഒ-എ എസ് ദിനേശ്,ശബരി.
