മലയാളികളും തമിഴരും ഒന്നിക്കുന്ന റോംകോം ത്രില്ലർ; ‘മന്ദാകിനി’ ടീമിന്റെ പുതിയ ചിത്രം ‘മേനേ പ്യാർ കിയാ’ മോഷൻ ടീസർ പുറത്ത്…
കഴിഞ്ഞ മാസം റിലീസ് ചെയ്ത് തിയേറ്ററുകളിൽ മികച്ച വിജയം നേടിയ ‘മന്ദാകിനി’ എന്ന റൊമാന്റിക് കോമഡി ചിത്രത്തിന് ശേഷം പുതിയ ചിത്രവുമായി സ്പൈർ പ്രൊഡക്ഷൻസ് വരുന്നു. ‘മേനേ പ്യാർ കിയാ’ എന്ന് പേരിട്ടിരിക്കുന്ന ഈ ചിത്രം ഒരു റൊമാന്റിക് കോമഡി ത്രില്ലർ ആണ്. നവാഗതനായ ഫൈസൽ ഫസിലുദീൻ സംവിധാനം ചെയ്യുന്ന ചിത്രത്തിന്റെ മോഷൻ ടീസറും നിർമ്മാതാക്കൾ ഇപ്പോൾ പുറത്തിറക്കിയിട്ടുണ്ട്. സ്പൈർ പ്രൊഡക്ഷൻസിന്റെ ബാനറിൽ സഞ്ജു ഉണ്ണിത്താൻ ആണ് ചിത്രം നിർമ്മിക്കുന്നത്.
മലയാളത്തിലെ പ്രമുഖ താരങ്ങൾക്കു പുറമെ തമിഴിൽ നിന്നുള്ള താരങ്ങളും അണിനിരക്കുന്ന ഈ ചിത്രത്തിന് തിരക്കഥ രചിച്ചിരിക്കുന്നത് സംവിധായകനായ ഫൈസൽ ഫസിലുദീനും ബിൽകെഫ്സലും ചേർന്നാണ്. തമിഴിലും മലയാളത്തിലും ഉള്ള ഡയലോഗുകൾ നിറയുന്ന മോഷൻ ടീസറിൽ ആണ് ഇപ്പോൾ പുറത്തിറങ്ങിയിരിക്കുന്നത്. മൂന്ന് പയ്യന്മാർ ചേർന്ന് പ്ലാൻ ചെയ്യുന്ന ഒരു ഒളിച്ചോട്ടവും അവരെ അന്വേഷിച്ചു ഇറങ്ങുന്ന ഒരു സംഘവും ആണ് മോഷൻ ടീസറിന്റെ വിഷയം. മോഷൻ ടീസർ:
ഡോൺ പോൾ പി ഛായാഗ്രഹണം നിർവഹിക്കുന്ന ഈ ചിത്രത്തിന് സംഗീതമൊരുക്കുന്നത് അജ്മൽ ഹസ്ബുള്ളയും എഡിറ്റിംഗ് നിർവഹിക്കുന്നത് കണ്ണൻ മോഹനുമാണ്. കലൈ കിങ്സണ് സംഘട്ടന സംവിധാനവും സുനിൽ കുമാരൻ കലാസംവിധാനവും നിർവഹിക്കുന്ന ഈ ചിത്രത്തിന്റെ പ്രൊഡക്ഷൻ കൺട്രോളർ ശിഹാബ് വെണ്ണലയാണ്. ചീഫ് അസ്സോസിയേറ്റ് ഡയറക്ടർ രാജേഷ് അടൂർ, കോസ്ട്യും അരുൺ മനോഹർ, മേക്കപ്പ് ജിത്തു പയ്യന്നൂർ, സൗണ്ട് ഡിസൈൻ രംഗനാഥ് രവി, പ്രൊജക്റ്റ് ഡിസൈനർ സൗമ്യത വർമ്മ, ഡി ഐ ബിലാൽ റഷീദ്, ഡിസ്ട്രിബൂഷൻ ഹെഡ് പ്രദീപ് മേനോൻ, അസ്സോസിയേറ്റ് ഡയറക്ടർ സവിൻ സാ, സ്റ്റിൽസ് ഷൈൻ ചെട്ടികുളങ്ങര, ഡിസൈൻ യെല്ലോ ടൂത്സ്, വിതരണം സ്പൈർ പ്രൊഡക്ഷൻസ്, പിആർഒ ശബരി.
