ലുക്മാൻ അവറാൻ ചിത്രം ‘കുണ്ടന്നൂരിലെ കുത്സിതലഹള’ ഉടൻ പ്രദർശനത്തിന് ഒരുങ്ങുന്നു
ലുക്മാൻ അവറാൻ, വീണനായർ, ആശാ മഠത്തിൽ എന്നിവരെ പ്രധാന കഥാപാത്രങ്ങളാക്കി അക്ഷയ് അശോക് തിരക്കഥയെഴുതി സംവിധാനം ചെയ്യുന്ന ‘കുണ്ടന്നൂരിലെ കുത്സിതലഹള പ്രദർശനത്തിന് ഒരുങ്ങുന്നു. കേഡര്‍ സിനി ക്രിയേഷൻസിന്റെ ബാനറിൽ നിർമ്മിക്കുന്ന ചിത്രത്തിൽ ജെയിൻ ജോർജ്, സുനീഷ് സാമി, പ്രദീപ് ബാലൻ, ദാസേട്ടൻ കോഴിക്കോട്, സെൽവരാജ്, ബേബി, മേരി, അനുരദ് പവിത്രൻ,അധിൻ ഉള്ളൂർ,സുമിത്ര,ആദിത്യൻ എന്നിവരും നിരവധി പുതുമുഖങ്ങളും അഭിനയിക്കുന്നു.
പേര് സൂചിപ്പിക്കുന്ന പോലെ കുണ്ടന്നൂർ എന്ന ഗ്രാമവും അവിടുത്തെ മണ്ടന്മാരായ ഒരു കൂട്ടം നാട്ടുകാരെയും ചുറ്റിപറ്റിയുള്ള രസകരമായ കഥയാണ് ചിത്രം പറയുക. മുൻപ് റിലീസ് ആയ ട്രെയിലറിൽ തൊഴിലുറപ്പ് സ്ത്രീകൾ തമ്മിലുള്ള ആക്ഷൻ രംഗങ്ങൾ ശ്രദ്ധ നേടിയിരുന്നു. ചിത്രത്തിന് ഫജു എ വി ഛായാഗ്രഹണം നിർവഹിക്കുന്നു. അക്ഷയ് അശോക്, ജിബിൻ കൃഷ്ണ, മുരുകൻ മന്ദിരം എന്നിവരുടെ വരികൾക്ക് മെൽവിൻ മൈക്കിൾ സംഗീതം പകരുന്നു.
ബെന്നി ദയാൽ, വൈക്കം വിജയലക്ഷ്മി,ജാസി ഗിഫ്ട്,അൻവർ സാദത്ത്,അനന്യ ചക്രവർത്തി എന്നിവരാണ് ഗായകർ. എഡിറ്റർ-അശ്വിൻ ബി. പ്രൊഡക്ഷൻ കൺട്രോളർ-അജി പി ജോസഫ്,കല-നാരായണൻ,മേക്കപ്പ്-ബിജി ബിനോയ്,കോസ്റ്റ്യൂംസ്-മിനി സുമേഷ്, പരസ്യകല-അദിൻ ഒല്ലൂർ, ചീഫ് അസോസിയേറ്റ് ഡയറക്ടർ-അദിൻ ഒല്ലൂർ,സൗരഭ് ശിവ, സൗണ്ട് ഡിസൈൻ-അക്ഷയ് രാജ് കെ,ഇമിൻ ടോം മാത്യൂസ്, വിഎഫ്എക്സ്-രൻതീഷ് രാമകൃഷ്ണൻ, ആക്ഷൻ-റോബിൻ ടോം, ടൈറ്റിൽ ഡിസൈൻ-അനന്തു ഡിസൈൻ, പ്രൊഡക്ഷൻ മാനേജർ-നിഖിൽ സി എം,പി ആർ ഒ-എ എസ് ദിനേശ്.
