in , ,

വീണ്ടും റൊമാൻ്റിക് ബോയ് ആയി ഉണ്ണി മുകുന്ദൻ; ‘ഗെറ്റ് സെറ്റ് ബേബി’യിലെ വീഡിയോ ഗാനം ശ്രദ്ധനേടുന്നു…

വീണ്ടും റൊമാൻ്റിക് ബോയ് ആയി ഉണ്ണി മുകുന്ദൻ; ‘ഗെറ്റ് സെറ്റ് ബേബി’യിലെ വീഡിയോ ഗാനം ശ്രദ്ധനേടുന്നു…

ഉണ്ണി മുകുന്ദന്റെ അടുത്ത റിലീസ് ചിത്രമായ ‘ഗെറ്റ് സെറ്റ് ബേബി’ യിലെ വീഡിയോ ഗാനം ശ്രദ്ധനേടുന്നു. മനു മഞ്ജിത് രചിച്ച് സാം സി എസ് സംഗീതം പകർന്ന് കപിൽ കപിലൻ, ശക്തിശ്രീ ഗോപാലൻ എന്നിവർ ആലപിച്ച ‘മനമേ ആലോലം” എന്നാരംഭിക്കുന്ന ഗാനമാണ് പ്രേക്ഷക പ്രീതി നേടുന്നത്. വിനയ് ഗോവിന്ദ് സംവിധാനം ചെയ്യുന്ന ചിത്രം ഫെബ്രുവരി ഇരുപത്തിയൊന്നിന് ആശീർവാദ് സിനിമാസ് പ്രദർശനത്തിനെത്തിക്കും.

ഐ വി എഫ് സ്പെഷ്യലിസ്റ്റായ ഒരു ഡോക്ടർ നേരിടുന്ന പ്രശ്നങ്ങളും അത് പരിഹരിക്കാൻ അയാൾ കണ്ടെത്തുന്ന വഴികൾ രസകരമായ രീതിയിൽ പ്രതിപാദിക്കുന്ന സാമൂഹികപ്രസക്തിയുള്ള ഫാമിലി എൻ്റർടൈയ്നർ ചിത്രമാണ് ‘ഗെറ്റ്-സെറ്റ് ബേബി’. നിഖില വിമൽ നായികയാകുന്ന ഈ ചിത്രത്തിൽ ചെമ്പൻ വിനോദ്, ജോണി അൻ്റണി, ശ്യാം മോഹൻ, ദിലീപ് മേനോൻ, അഭിരാം, സുരഭി, മുത്തുമണി, സുധീഷ്, പുണ്യ എലിസബത്ത്, ഷിബില ഫറ, ദിനേശ് പ്രഭാകർ, ഭഗത് മാനുവൽ, മീര വാസുദേവ്, വർഷ രമേഷ്, ജുവൽ മേരി തുടങ്ങിയ പ്രമുഖ താരങ്ങളും ഭാഗമാകുന്നു.

സ്കന്ദ സിനിമാസ്, കിംഗ്സ്മെൻ എൽ എൽ പി എന്നിവയുടെ ബാനറിൽ സുനിൽ ജെയിൻ, സജിവ് സോമൻ, പ്രകാഷലി ജെയിൻ എന്നിവർ ചേർന്ന് നിർമ്മിക്കുന്ന ഈ ചിത്രത്തിന്റെ കഥ, തിരക്കഥ, സംഭാഷണം രാജേഷ് വൈ വി, അനൂപ് രവീന്ദ്രൻ എന്നിവർ ചേർന്നെഴുതുന്നു. അലക്സ് ജെ പുളിക്കൽ ഛായാഗ്രഹണം നിർവഹിക്കുന്നു. വിനായക് ശശികുമാർ, മനു മഞ്ജിത് എന്നിവരുടെ വരികൾക്ക് സാം സി എസ് സംഗീതം പകരുന്നു.

കോ പ്രൊഡ്യൂസേഴ്സ്-പരിധി ഖണ്ടേൽവാൽ, അഡ്വക്കേറ്റ് സ്മിത നായർ ഡി,സാം ജോർജ്ജ്, എഡിറ്റർ-അർജു ബെൻ, പ്രൊഡക്ഷൻ കൺട്രോളർ-പ്രണവ് മോഹൻ,പ്രൊഡക്ഷൻ ഡിസൈനർ-സുനിൽ കെ ജോർജ്, മേക്കപ്പ്-ജിതേഷ് പൊയ്യ, വസ്ത്രാലങ്കാരം-സമീറാ സനീഷ്, സൗണ്ട് ഡിസൈൻ-ശ്രീ ശങ്കർ, ചീഫ് അസോസിയേറ്റ് ഡയറക്ടർ-സുകു ദാമോദർ,സ്റ്റിൽസ്-ബിജിത്ത് ധർമ്മടം, പരസ്യകല-യെല്ലോ ടൂത്ത്സ്. പ്രൊമോഷൻ കൺസൾട്ടന്റ്-വിപിൻ കുമാർ വി, പി ആർ ഒ- എ എസ് ദിനേശ്.

‘മാർക്കോ’യുടെ ബോക്സ് ഓഫീസ് വേട്ട അവസാനിച്ചിട്ടില്ല, കന്നഡ പതിപ്പും തിയേറ്ററുകളിൽ

മോഹൻലാലിൻറെ ബ്രഹ്മാണ്ഡ ഇതിഹാസ ചിത്രം ‘വൃഷഭ’യുടെ ചിത്രീകരണം പൂർത്തിയായി; കൂടുതൽ വിവരങ്ങൾ ഇതാ…