in , ,

“എന്റെ പട്ടണത്തിൽ ഞാൻ തന്നെ ദാദാ”; വൻ വൈബിൽ മമ്മൂട്ടിയും സംഘവും, ‘ഡൊമിനിക്’ വീഡിയോ ഗാനം പുറത്ത്…

“എന്റെ പട്ടണത്തിൽ ഞാൻ തന്നെ ദാദാ”; വൻ വൈബിൽ മമ്മൂട്ടിയും സംഘവും, ‘ഡൊമിനിക്’ വീഡിയോ ഗാനം പുറത്ത്…

മെഗാസ്റ്റാർ മമ്മൂട്ടിയും സംവിധായകൻ ഗൗതം വാസുദേവ് മേനോനും ആദ്യമായി ഒന്നിച്ച ‘ഡൊമിനിക് ആൻഡ് ദ ലേഡീസ് പേഴ്സി’ എന്ന ചിത്രത്തിലെ പുതിയ വീഡിയോ ഗാനം പുറത്ത്. ‘ഈ രാത്രി നമ്മളിൽ ഉന്മാദം നിറയും’ എന്ന ഗാനത്തിന്റെ ഫുൾ വീഡിയോ ആണിപ്പോൾ റിലീസ് ആയിരിക്കുന്നത്. നേരത്തെ ഈ ഗാനത്തിന്റെ ലിറിക് വീഡിയോ പുറത്തിറങ്ങുകയും ശ്രദ്ധ നേടുകയും ചെയ്തിരുന്നു. മമ്മൂട്ടി, ഗോകുൽ സുരേഷ് എന്നിവർ ചേർന്ന് ആടിപാടുന്ന ദൃശ്യങ്ങളാണ് ഈ ഗാനത്തിലുള്ളത്. മമ്മൂട്ടിയുടെ രസകരമായ നൃത്ത ചുവടുകളും ഗാനത്തിൻ്റെ ഹൈലൈറ്റ് ആണ്.

വിജയ് യേശുദാസ്, തിരുമാലി, സത്യപ്രകാശ്, പവിത്ര ചാരി എന്നിവർ ചേർന്നാലപിച്ചിരിക്കുന്ന ഗാനത്തിന് വരികൾ രചിച്ചത് വിനായക് ശശികുമാർ, തിരുമാലി എന്നിവരാണ്. സംഗീതം ഒരുക്കിയത് ഡാർബുക ശിവ ആണ്. ജനുവരി 23ന് തിയേറ്ററുകളിൽ എത്തിയ ചിത്രം ദുൽഖർ സൽമാന്റെ ഉടമസ്ഥതയിലുള്ള വേഫേറർ ഫിലിംസ് ആണ് കേരളത്തിൽ വിതരണം ചെയ്തത്. മമ്മൂട്ടി കമ്പനിയുടെ ബാനറിൽ മമ്മൂട്ടി നിർമ്മിച്ച ആറാമത്തെ ചിത്രം കൂടിയാണ് ‘ഡൊമിനിക് ആൻഡ് ദ ലേഡീസ് പേഴ്സ്’.

ഡോക്ടർ സൂരജ് രാജൻ, ഡോക്ടർ നീരജ് രാജൻ എന്നിവർ ചേർന്ന് തിരക്കഥ ഒരുക്കിയ ചിത്രം ഒരു കോമഡി ഇൻവെസ്റ്റിഗേഷൻ ത്രില്ലറാണ്. ഗൗതം വാസുദേവ് മേനോൻ ആദ്യമായി മലയാളത്തിൽ സംവിധാനം ചെയ്ത ചിത്രത്തിൽ മമ്മൂട്ടി, ഗോകുൽ സുരേഷ് എന്നിവർക്ക് ഒപ്പം താരനിരയിൽ അണിനിരന്നത് സുഷ്മിത ഭട്ട്, വിജി വെങ്കടേഷ്, വിജയ് ബാബു, വിനീത്, സിദ്ദിഖ്, ലെന, ഷൈൻ ടോം ചാക്കോ, വാഫ ഖതീജ, സുദേവ് എന്നിവരാണ്.

ഛായാഗ്രഹണം- വിഷ്ണു ആർ ദേവ്, സംഗീതം- ദർബുക ശിവ, എഡിറ്റിംഗ്- ആന്റണി, സംഘട്ടനം- സുപ്രീം സുന്ദർ, കലൈ കിങ്‌സൺ, എക്സികുട്ടീവ് പ്രൊഡ്യൂസർ -ജോർജ് സെബാസ്റ്റ്യൻ, കോ- ഡയറക്ടർ- പ്രീതി ശ്രീവിജയൻ, ലൈൻ പ്രൊഡ്യൂസർ-സുനിൽ സിങ്, സൗണ്ട് മിക്സിങ്- തപസ് നായക്, സൗണ്ട് ഡിസൈൻ- കിഷൻ മോഹൻ, ചീഫ് അസ്സോസിയേറ്റ് ഡയറക്ടർ- അരിഷ് അസ്‌ലം, മേക് അപ്- ജോർജ്‌ സെബാസ്റ്റ്യൻ, റഷീദ് അഹമ്മദ്, വസ്ത്രാലങ്കാരം- സമീര സനീഷ്, അഭിജിത്, പ്രൊഡക്ഷൻ ഡിസൈനർ- ഷാജി നടുവിൽ, പ്രൊഡക്ഷൻ കൺട്രോളർ- അരോമ മോഹൻ, സ്റ്റിൽസ്- അജിത് കുമാർ, പബ്ലിസിറ്റി ഡിസൈൻ- എസ്തെറ്റിക് കുഞ്ഞമ്മ, ഡിസ്ട്രിബൂഷൻ- വേഫേറർ ഫിലിംസ്, ഓവർസീസ് ഡിസ്ട്രിബൂഷൻ പാർട്ണർ- ട്രൂത് ഗ്ലോബൽ ഫിലിംസ്. ഡിജിറ്റൽ മാർക്കറ്റിംഗ് – വിഷ്ണു സുഗതൻ, പിആർഒ- ശബരി.

മോഹൻലാലിൻറെ ബ്രഹ്മാണ്ഡ ഇതിഹാസ ചിത്രം ‘വൃഷഭ’യുടെ ചിത്രീകരണം പൂർത്തിയായി; കൂടുതൽ വിവരങ്ങൾ ഇതാ…

പാൻ ഇന്ത്യൻ വിജയ കുതിപ്പ് തുടരാൻ ദുൽഖർ സൽമാൻ; ‘കാന്ത’ ഫസ്റ്റ് ലുക്ക് പുറത്ത്