മാസ്മരിക സംഗീതത്തിന്റെ അകമ്പടിയിൽ റീമാസ്റ്റേർഡ് റീ-എഡിറ്റഡ് ‘ദേവദൂതൻ’ വരുന്നു; ഫസ്റ്റ് ലുക്ക് പുറത്ത്…
മോഹൻലാലിനെ നായകനാക്കി സിബി മലയിൽ സംവിധാനം ചെയ്തു 2000-ൽ പുറത്തിറങ്ങിയ ദേവദൂതൻ എന്ന മലയാളത്തിന്റെ ക്ലാസ്സിക് റൊമാൻസ് ഹൊറർ ചിത്രം റീ – റിലീസിന് തയ്യാറാകുകയാണ്. മികവാർന്ന 4K ദൃശ്യ – ശബ്ദ നിലവാരത്തിൽ പുനരവതരിപ്പിക്കുന്ന ചിത്രത്തിനായുള്ള കാത്തിരിപ്പിൽ ആണ് സിനിമാ പ്രേമികൾ. റീമാസ്റ്റേർഡ് റീ-എഡിറ്റഡ് പതിപ്പാകും തിയറ്ററുകളിൽ എത്തുക. അതുകൊണ്ട് തന്നെ പുതു അനുഭവം കൂടി ചിത്രം സമ്മാനിക്കും എന്നത് തീർച്ച. ഇപ്പോൾ ചിത്രത്തിന്റെ ഫസ്റ്റ് ലുക്ക് പോസ്റ്റർ നിർമ്മാതാക്കൾ പുറത്തിറക്കിയിട്ടുണ്ട്.
രഘുനാഥ് പലേരി തിരക്കഥ രചിച്ച ദേവദൂതൻ ഹൊററും മിസ്റ്ററിയും പ്രണയവും സംഗീതവും സമന്വയിപ്പിച്ച ഒരു ത്രില്ലറായിരുന്നു. സംഗീത സംവിധായകനും ഗായകനുമായ വിശാൽ കൃഷ്ണമൂർത്തി എന്ന കഥാപാത്രത്തെ ആയിരുന്നു മോഹൻലാൽ ഈ ചിത്രത്തിൽ അവതരിപ്പിച്ചത്. വിശാൽ തൻ്റെ പ്രാരംഭ പോരാട്ടങ്ങളെക്കുറിച്ചും പാട്ടുകൾ രചിക്കാൻ അവനെ പ്രേരിപ്പിക്കുന്ന ഒരു അജ്ഞാത ആത്മാവിനെക്കുറിച്ചും ഓർമ്മിപ്പിക്കുന്നതിനെ ചുറ്റിപ്പറ്റിയാണ് കഥ വികസിക്കുന്നത്. കൗതുകമുണർത്തുന്ന ഇതിവൃത്തവും മോഹൻലാലിൻ്റെ ശ്രദ്ധേയമായ പ്രകടനവും കൊണ്ടും ചിത്രം ശ്രദ്ധേയമായി മാറി. വിദ്യാസാഗറിൻ്റെ മാസ്മരിക സംഗീതം ചിത്രത്തെ മറ്റൊരു തലത്തിലേക്ക് ആണ് ഉയർത്തിയത്. മികച്ച ജനപ്രിയ ചിത്രം, മികച്ച വസ്ത്രാലങ്കാരം, മികച്ച സംഗീതസംവിധാനം തുടങ്ങി മൂന്ന് സംസ്ഥാന അവാർഡുകൾ ആണ് ഈ ചിത്രം നേടിയത്.
കോക്കേഴ്സ് ഫിലിംസിൻ്റെ ബാനറിൽ സിയാദ് കോക്കറാണ് ചിത്രത്തിൻ്റെ നിർമ്മാണം. സന്തോഷ്‌ .സി. തുണ്ടിൽ ഛായാഗ്രാഹകനായ ചിത്രത്തിൻ്റെ എഡിറ്റർ എൽ.ഭൂമിനാഥൻ ആണ്. കൈതപ്രത്തിൻ്റെ വരികൾക്ക് വിദ്യാസാഗറാണ് സംഗീതം. കെ. ജെ. യേശുദാസ്, ജയചന്ദ്രൻ, എം. ജി. ശ്രീകുമാർ, കെ. എസ്. ചിത്ര, സുജാത, എസ്. ജാനകി എന്നിവരാണ് ചിത്രത്തിലെ ഗായകർ. പ്രൊഡക്ഷൻ കൺട്രോളർ: എം. രഞ്ജിത്, ക്രീയേറ്റീവ് വിഷനറി ഹെഡ്: ബോണി അസ്സനാർ, കലാസംവിധാനം: മുത്തുരാജ്, ഗിരീഷ്മേനോൻ, കോസ്റ്റ്യൂംസ്: എ.സതീശൻ എസ്.ബി., മുരളി.
മേക്കപ്പ്: സി.വി. സുദേവൻ, സലീം, കൊറിയോഗ്രാഫി: കുമാർ ശാന്തി, സഹസംവിധാനം: ജോയ് .കെ. മാത്യു, തോമസ് .കെ. സെബാസ്റ്റ്യൻ, ഗിരീഷ് .കെ. മാരാർ, അറ്റ്മോസ് മിക്സ്‌: ഹരിനാരായണൻ, ഡോൾബി അറ്റ്മോസ് മിക്സ്‌ സ്റ്റുഡിയോ: സപ്താ റെക്കോർഡ്സ്, വി എഫ് എക്സ്: മാഗസിൻ മീഡിയ, കളറിസ്റ്റ്: സെൽവിൻ വർഗീസ്, 4k റീ മാസ്റ്ററിങ്: ഹൈ സ്റ്റുഡിയോസ്, ഡിസ്ട്രിബ്യൂഷൻ: കോക്കേഴ്സ് മീഡിയ എന്റർടൈൻമെന്റ്സ്, ടൈറ്റിൽസ് : ഷാൻ ആഷിഫ് (ഹൈ സ്റ്റുഡിയോസ്), മാർക്കറ്റിംഗ്: ഹൈപ്പ്, പി.ആർ.ഒ: പി.ശിവപ്രസാദ്, സ്റ്റിൽസ്: എം.കെ. മോഹനൻ (മോമി), പബ്ലിസിറ്റി ഡിസൈൻസ്: മാജിക് മോമെൻറ്സ് , റീഗെയ്ൽ, ലൈനോജ് റെഡ്‌ഡിസൈൻ എന്നിവരാണ് മറ്റ് അണിയറ പ്രവർത്തകർ.
