മുരുഗദോസ് – ശിവകാർത്തികേയൻ ചിത്രത്തിൽ മാസീവ് ലുക്കിൽ ബിജു മേനോനും; ലൊക്കേഷൻ വീഡിയോ പുറത്ത്…
ശിവകാർത്തികേയനെ നായകനാക്കി എ.ആർ. മുരുഗദോസ് സംവിധാനം ചെയ്യുന്ന ബിഗ് ബജറ്റ് തമിഴ് ചിത്രത്തിന്റെ താരനിരയിൽ മലയാളത്തിന്റെ സ്വന്തം ബിജു മേനോനും. നിർമ്മാതാക്കളായ ശ്രീലക്ഷ്മി മൂവീസ് ആണ് ബിജു മേനോൻ ഈ ചിത്രത്തിന്റെ ഭാഗമായ വിവരം ഔദ്യോഗികമായി അറിയിച്ചു കൊണ്ട് ഒരു ചിത്രീകരണ വീഡിയോയും പുറത്തുവീട്ടിട്ടുണ്ട്.
ചിത്രത്തിന്റെ അണിയറ പ്രവർത്തകർ ബിജു മേനോന് വമ്പൻ സ്വീകരണമാണ് നല്കിയത് എന്ന് ചിത്രീകരണ വീഡിയോയിൽ നിന്ന് വ്യക്തമാണ്. മാസ് ലുക്കിൽ ആണ് ബിജു മേനോനെ ഈ വീഡിയോയിൽ കാണാൻ കഴിയുന്നതും. ബിജു മേനോൻ അഭിനയിക്കുന്ന ഒൻപതാമത്തെ തമിഴ് ചിത്രമാണിത്. ലൊക്കേഷൻ വീഡിയോ:
‘എസ്കെ x എആർഎം’ എന്ന് താൽക്കാലികമായി പേരിൽ അറിയപ്പെടുന്ന ഈ ചിത്രത്തിൽ ബോളിവുഡ് താരം വിദ്യുത് ജംവാലും ഒരു നിർണ്ണായക കഥാപാത്രത്തെ അവതരിപ്പിക്കുന്നുണ്ട്. തുപ്പാക്കിക്ക് ശേഷം, എ.ആർ മുരുഗദോസിനൊപ്പം വിദ്യുത് ജംവാൽ തമിഴിൽ വീണ്ടുമൊന്നിക്കുന്ന ചിത്രം കൂടിയാണിത്. രുക്മിണി വസന്ത്, ബോളിവുഡ് താരം സഞ്ജയ് ദത്ത് എന്നിവരും ചിത്രത്തിന്റെ താരനിരയിലുണ്ട്.
അനിരുദ്ധ് രവിചന്ദർ സംഗീത സംവിധാനം നിർവഹിക്കുന്ന ഈ ചിത്രത്തിന്റെ ഛായാഗ്രഹണം- സുദീപ് ഇളമൺ, എഡിറ്റിംഗ്- ശ്രീകർ പ്രസാദ്, കലാസംവിധാനം- അരുൺ വെഞ്ഞാറമ്മൂട്, സംഘട്ടന സംവിധാനം- മാസ്റ്റർ ദിലീപ് സുബ്ബരായൻ. പിആർഒ- ശബരി.
