സുലേഖയായി അമല പോൾ; മമ്മൂട്ടി ചിത്രം ക്രിസ്റ്റഫറിന്റെ പുതിയ അപ്‌ഡേറ്റ്…
ഒരിടവേളയ്ക്ക് ശേഷം മലയാള സിനിമയിലേക്ക് തിരികെയെത്തുക ആണ് തെന്നിന്ത്യൻ നായിക അമല പോൾ. മൂന്ന് മലയാള ചിത്രങ്ങളിൽ അമലയെ ആരാധകർക്ക് കാണാൻ കഴിയും. ആടുജീവിതം, ക്രിസ്റ്റഫർ, ടീച്ചർ എന്നീ ചിത്രങ്ങളിൽ അമല അഭിനയിച്ചിരിക്കുന്നത്. ഇതിൽ മമ്മൂട്ടി ചിത്രമായ ക്രിസ്റ്റഫറിന്റെ ഒരു അപ്‌ഡേറ്റ് ആണിപ്പോൾ പുറത്തുവന്നിരിക്കുന്നത്. ബി ഉണ്ണികൃഷ്ണൻ സംവിധാനം ചെയ്യുന്ന ഈ ത്രില്ലർ ചിത്രത്തിൽ അമല പോൾ അവതരിപ്പിക്കുന്ന കഥാപാത്രത്തിന്റെ പേരും ക്യാരക്ടര്‍ പോസ്റ്ററും ആണ് പുറത്തുവന്നിരിക്കുന്നത്. സുലേഖ എന്ന കഥാപാത്രത്തെ ആണ് അമല ഈ ചിത്രത്തിൽ അവതരിപ്പിക്കുന്നത്. ‘ദ് സീക്കർ’ എന്ന വിശേഷണമാണ് അമലയുടെ കഥാപാത്രത്തിന് പോസ്റ്ററിൽ നൽകിയിരിക്കുന്നത്. പോസ്റ്റര്‍:
ഉദയകൃഷ്ണയുടെ തിരക്കഥയിൽ ബി ഉണ്ണികൃഷ്ണൻ സംവിധാനം ചെയ്തിരിക്കുന്ന ചിത്രത്തിന്റെ രണ്ടാമത്തെ ക്യാരക്ടർ പോസ്റ്റർ ആണിപ്പോൾ പുറത്തുവന്നിരിക്കുന്നത്. ദിവസങ്ങൾക്ക് മുൻപ് ഷൈൻ ടോം ചാക്കോയുടെ കഥാപാത്രത്തിന്റെ പരിചയപ്പെടുത്തി കൊണ്ട് നിർമ്മാതാക്കൾ പുറത്തിറക്കിയ പോസ്റ്റർ ആയിരുന്നു ആദ്യത്തെ ക്യാരക്ടർ പോസ്റ്റർ. ജോർജ് കൊട്ടാരക്കൻ എന്ന കഥാപാത്രത്തെ ആണ് ഷൈൻ ഈ ചിത്രത്തിൽ അവതരിപ്പിക്കുന്നത്. ഐശ്വര്യ ലക്ഷ്മി, സ്നേഹ, വിനയ് റായ്, ദിലീഷ് പോത്തൻ, സിദ്ദിഖ്, ജിനു എബ്രഹാം, വിനിത കോശി, വിക്രം ഫെയിം വാസന്തി എന്നിവര്‍ ആണ് ചിത്രത്തിലെ മറ്റ് താരങ്ങൾ.
