അപരിചിതനായി സുരാജിന് ഒപ്പം ആസിഫ്; ‘അഡിയോസ് അമിഗോ’ ട്രെയിലർ…

ആഷിക് ഉസ്മാൻ പ്രൊഡക്ഷൻസിന്റെ ബാനറിൽ നവാഗതനായ നഹാസ് നാസർ സംവിധാനം ചെയ്യുന്ന ‘അഡിയോസ് അമിഗോ’ എന്ന ചിത്രത്തിന്റെ ഒഫീഷ്യൽ ട്രെയിലർ റിലീസായി. ആസിഫ് അലി, സുരാജ് വെഞ്ഞാറമൂട് എന്നിവരെ കേന്ദ്ര കഥാപാത്രങ്ങളാകുന്ന ചിത്രം ആഷിഖ് ഉസ്മാൻ ആണ് നിർമ്മിക്കുന്നത്. ചിത്രത്തിന്റെ 2 മിനിറ്റ് ദൈർഘ്യമുള്ള ട്രെയിലർ ആണ് നിർമ്മാതാക്കൾ പുറത്തിറക്കിയിരിക്കുന്നത്.
തികച്ചും വേറിട്ട മേക്കോവറിൽ ആസിഫും സുരാജും എത്തുന്ന ചിത്രം അപരിചിതർ ഒരുമിച്ചുള്ള ഒരു യാത്ര ആണെന്നാണ് ട്രെയിലർ നല്കുന്ന സൂചന. 2019ൽ പുറത്തിറങ്ങിയ ആസിഫ് അലി ചിത്രം ‘കെട്ട്യോളാണ് എന്റെ മാലാഖ’യുടെ തിരക്കഥാകൃത്ത് തങ്കം ആണ് രചിച്ചത്. ട്രെയിലർ കാണാം:
ഈ ചിത്രത്തിന്റെ ഛായാഗ്രഹണം ജിംഷി ഖാലിദ് നിർവ്വഹിക്കുന്നു. സംഗീതം-ജെയ്ക്സ് ബിജോയ്,ഗോപി സുന്ദർ,ഗാനരചന – വിനായക് ശശികുമാർ, എഡിറ്റിർ-നിഷാദ് യൂസഫ്,മേക്കപ്പ്-റൊണക്സ് സേവ്യർ, കോസ്റ്റ്യുംസ്-മഷർ ഹംസ,പ്രൊഡക്ഷൻ കൺട്രോളർ- സുധർമ്മൻ വള്ളിക്കുന്ന്, കലാസംവിധാനം- ആഷിഖ് എസ്, സൗണ്ട് മിക്സിങ്-വിഷ്ണു ഗോവിന്ദ്.
കോറിയോഗ്രാഫർ- പ്രമേഷ്ദേവ്,ചീഫ് അസ്സോസിയേറ്റ് ഡയറക്ടർ-ദിനിൽ ബാബു, അസ്സോസിയേറ്റ് ഡയറക്ടർ-ഓർസ്റ്റിൻ ഡാൻ,രഞ്ജിത് രവി,പ്രൊമോ സ്റ്റിൽസ്- രോഹിത് കെ സുരേഷ്, സ്റ്റിൽസ്-രാജേഷ് നടരാജൻ, പോസ്റ്റർസ്-ഓൾഡ് മോങ്ക്സ്, കണ്ടെന്റ് & മാർക്കറ്റിംഗ് ഡിസൈൻ-പപ്പെറ്റ് മീഡിയ. പി ആർ ഒ-എ എസ് ദിനേശ്. ഓഗസ്റ്റ് രണ്ടിന് സെൻട്രൽ പിക്ചേഴ്സ് ചിത്രം തിയേറ്ററുകളിൽ എത്തിക്കും.