ഇന്ദ്രജിത്തിന്റെ ‘ധീരം’: താരനിരയെ അണിനിരത്തി പുതിയ പോസ്റ്റർ പുറത്ത്
ഇന്ദ്രജിത്ത് സുകുമാരൻ പോലീസ് വേഷത്തിലെത്തുന്ന ക്രൈം ഇൻവെസ്റ്റിഗേഷൻ ത്രില്ലർ ചിത്രം “ധീരം” ഓഗസ്റ്റിൽ തിയേറ്റർ റിലീസിന് തയ്യാറാകുകയാണ്. ചിത്രത്തിന്റെ അണിയറപ്രവർത്തകർ ഇപ്പോൾ പുതിയൊരു പോസ്റ്റർ പുറത്തിറക്കിയിരിക്കുകയാണ്. സിനിമയിലെ പ്രധാന കഥാപാത്രങ്ങളെയും അഭിനേതാക്കളെയും പരിചയപ്പെടുത്തുന്ന രീതിയിലാണ് ഈ പോസ്റ്റർ ഒരുക്കിയിരിക്കുന്നത്.
പുതുമുഖ സംവിധായകൻ ജിതിൻ ടി. സുരേഷ് സംവിധാനം ചെയ്യുന്ന “ധീരം” റെമൊ എന്റർടൈൻമെന്റ്സിന്റെ ബാനറിൽ റെമോഷ് എം.എസ്, മലബാർ ടാക്കീസിൻ്റെ ബാനറിൽ ഹാരിസ് അമ്പഴത്തിങ്കൽ എന്നിവർ ചേർന്നാണ് നിർമ്മിക്കുന്നത്. ദീപു എസ്. നായരും സന്ദീപ് സദാനന്ദനും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്.
ഇന്ദ്രജിത്ത് സുകുമാരനെ കൂടാതെ, അജു വർഗീസ്, ദിവ്യ പിള്ള, നിഷാന്ത് സാഗർ, രഞ്ജി പണിക്കർ, റെബ മോണിക്ക ജോൺ, സാഗർ സൂര്യ (പണി ഫെയിം), അവന്തിക മോഹൻ, ആഷിക അശോകൻ, സജൽ സുദർശൻ തുടങ്ങിയ വലിയൊരു താരനിര ചിത്രത്തിൽ അണിനിരക്കുന്നുണ്ട്. നിരവധി ഹ്രസ്വചിത്രങ്ങളിലൂടെ ശ്രദ്ധേയനായ ജിതിൻ സുരേഷിന്റെ ആദ്യ മുഴുനീള സംവിധാന സംരംഭം കൂടിയാണിത്.
ക്യാപ്റ്റൻ മില്ലർ, സാനി കായിദം, റോക്കി തുടങ്ങിയ ചിത്രങ്ങളിലൂടെ പ്രശസ്തനായ നാഗൂരൻ രാമചന്ദ്രൻ ആദ്യമായി മലയാളത്തിൽ എഡിറ്റിംഗ് നിർവഹിക്കുന്ന ചിത്രമാണിത് എന്ന പ്രത്യേകതയുമുണ്ട്. സൗഗന്ദ് എസ്. യൂ ആണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്.
അഞ്ചുകൊല്ലകൊക്കാൻ, പല്ലോട്ടി 90സ് കിഡ്സ് എന്നീ ചിത്രങ്ങൾക്ക് ശേഷം മണികണ്ഠൻ അയ്യപ്പ സംഗീതസംവിധാനം ചെയ്യുന്ന ചിത്രം കൂടിയാണിത്. സാബു മോഹൻ (പ്രൊഡക്ഷൻ ഡിസൈനർ), റാഫി കണ്ണാടിപ്പറമ്പ (കോസ്റ്റ്യൂംസ്), പ്രദീപ് ഗോപാലകൃഷ്ണൻ (മേക്കപ്പ്), ശശി പൊതുവാൾ (പ്രൊഡക്ഷൻ കൺട്രോളർ), കമലാക്ഷൻ പയ്യന്നൂർ (പ്രൊഡക്ഷൻ എക്സിക്യൂട്ടീവ്), ധനേഷ് (പ്രൊഡക്ഷൻ മാനേജർ), ധനുഷ് നയനാർ (സൗണ്ട് ഡിസൈൻ), തൻവിൻ നാസിർ (ചീഫ് അസോസിയേറ്റ് ഡയറക്ടർ), ശരത്ത് വിനു (3D ആർട്ടിസ്റ്റ്), ഐഡൻറ് ലാബ്സ് (വി.എഫ്.എക്സ് & 3D അനിമേഷൻ), മിഥുൻ മുരളി (മാർക്കറ്റിംഗ് കൺസൾട്ടന്റ്), പി. ശിവപ്രസാദ് (പി.ആർ.ഓ), സേതു അത്തിപ്പിള്ളിൽ (സ്റ്റിൽസ്) എന്നിവരാണ് ചിത്രത്തിന്റെ മറ്റ് അണിയറപ്രവർത്തകർ.
