ദീപാവലി റിലീസിന് തയ്യാറായി ജയം രവിയുടെ റൊമാറ്റിക് കോമഡി ‘ബ്രദർ’; ട്രെയിലർ ഉടനെ, റിലീസ് ഒക്ടോബർ 31ന്
കോമഡിക്കും പ്രണയത്തിനും ഒരുപോലെ പ്രാധാന്യം നല്‍കി ജയം രവിയെ നായകനാക്കി എം.രാജേഷ് സംവിധാനം ചെയ്യുന്ന ബ്രദർ റിലീസിന് തയ്യാറായി. എം.രാജേഷ് സംവിധാനം ചെയ്യുന്ന ചിത്രം ദീപാവലി റിലീസായി ഒക്ടോബർ 31ന് ലോകമെമ്പാടുമുള്ള തിയറ്ററുകളിൽ എത്തും. ക്ലീൻ യു സർട്ടിഫിക്കറ്റോടെയാണ് സെൻസർ ചെയ്തത് ചിത്രത്തിന്റെ ദൈർഘ്യം 2 മണിക്കൂർ 21 മിനിറ്റ് ആണ്.
സ്ക്രീൻ സീൻ മീഡിയ എൻ്റർടെയ്ൻമെൻ്റ് പ്രൈവറ്റ് ലിമിറ്റഡിൻ്റെ ബാനറിൽ നിർമ്മിക്കുന്ന ചിത്രം ശ്രീ ഗുരുജ്യോതി ഫിലിംസ്, സാൻഹ സ്റ്റുഡിയോസ് എന്നിവർ ചേർന്നാണ് കേരളത്തിൽ വിതരണത്തിനെത്തിക്കുന്നത്. കെ.എസ് സെന്തിൽ കുമാർ, വി.ഗുരു രമേഷ് എന്നിവരാണ് സഹനിർമ്മാക്കൾ. 2 മിനിറ്റ് 26 സെക്കൻഡ് ദൈർഘ്യമുള്ള ചിത്രത്തിന്റെ ട്രെയിലർ ഉടനെ പുറത്തിറങ്ങും.
ജയം രവിയുടെ നായികയായി പ്രിയങ്ക മോഹൻ എത്തുന്ന ചിത്രത്തിലെ മറ്റ് പ്രധാന വേഷങ്ങളിൽ എത്തുന്നത് ശരണ്യ പൊൻവണ്ണൻ, വിടിവി ഗണേഷ്, ഭൂമിക ചൗള, യോഗി ബാബു, നാട്ടി സീത, അച്യുത്, റാവു രമേഷ് എന്നിവരാണ്. ഹാരിസ് ജയരാജ് സംഗീതം ഒരുക്കിയ ചിത്രത്തിൻ്റെ ഛായാഗ്രാഹണം വേകാനന്ദ് സന്തോഷ് ആണു നിർവഹിച്ചത്. എഡിറ്റർ: ആശിഷ് ജോസഫ്, ആർട്ട്: ആർ.കിഷോർ, കൊറിയോഗ്രാഫി: സാൻഡി, സതീഷ്കൃഷ്ണൻ, മേക്കപ്പ്: പ്രകാശ്, കോസ്റ്റ്യുംസ്: പ്രവീൺ രാജ, പല്ലവി സിംഗ്, സ്റ്റിൽസ്: മുരുഗദോസ്, ഡിസൈൻ: ഡിസൈൻ പോയിൻ്റ്, പി.ആർ.ഓ (കേരള): പി.ശിവപ്രസാദ് എന്നിവരാണ് മറ്റ് അണിയറ പ്രവർത്തകർ.
