ലുക്മാനും ദൃശ്യയും ഒന്നിക്കുന്ന ‘അതിഭീകര കാമുകൻ’ പൂജ നടന്നു; ചിത്രീകരണം ഉടൻ ആരംഭിക്കും
ലുക്മാൻ അവറാൻ നായകനാകുന്ന പുതിയ ചിത്രം ‘അതിഭീകര കാമുക’ൻ്റെ ചിത്രീകരണം ഉടൻ ആരംഭിക്കും. റൊമാൻ്റിക് കോമഡി ജോണറിൽ ഒരുങ്ങുന്ന ചിത്രത്തിൻ്റെ പൂജ ഇന്ന് നടന്നു. ചിത്രത്തിൻ്റെ ഫസ്റ്റ് ക്ലാപ്പ് ലുക്മാനും സ്വിച്ച് ഓൺ നടൻ ഇർഷാദും നിർവ്വഹിച്ചു. വാലൻ്റൈൻസ് ദിനത്തിൽ പുറത്തിറങ്ങിയ ചിത്രത്തിൻ്റെ ഫസ്റ്റ് ലുക്ക് പോസ്റ്റർ സോഷ്യൽ മീഡിയയിൽ ശ്രദ്ധ നേടിയിരുന്നു. ദൃശ്യ രഘുനാഥാണ് ചിത്രത്തിൽ നായികയായി എത്തുന്നത്.
“കൊറോണ ധവാൻ” എന്ന ചിത്രത്തിന് ശേഷം സിസി നിഥിനും ഗൗതം താനിയിലും ചേർന്നാണ് “അതിഭീകര കാമുകൻ” സംവിധാനം ചെയ്യുന്നത്. പിങ്ക് ബൈസൺ സ്റ്റുഡിയോസും കൾട്ട് ഹീറോസ് എൻ്റർടെയ്ൻമെൻ്റ്സും ചേർന്ന് ദീപ്തി ഗൗതം, ഗൗതം താനിയിൽ, സിസി നിഥിൻ, സുജയ് മോഹൻരാജ് എന്നിവർ ചേർന്നാണ് ചിത്രം നിർമ്മിക്കുന്നത്. കാർത്തിക്, മനോഹരി ജോയ് എന്നിവരാണ് ചിത്രത്തിലെ മറ്റ് പ്രധാന താരങ്ങൾ.
പാലക്കാട്, ഊട്ടി, നെല്ലിയാമ്പതി എന്നിവിടങ്ങളിലായാണ് സിനിമയുടെ ചിത്രീകരണം നടക്കുക. ലുക്മാൻ കോളേജ് കുമാരനായി എത്തുന്ന ചിത്രത്തിൻ്റെ രചന നിർവഹിക്കുന്നത് സുജയ് മോഹൻരാജാണ്. ഛായാഗ്രഹണം: ശ്രീറാം ചന്ദ്രശേഖരൻ, എഡിറ്റർ: അജീഷ് ആനന്ദ്, മ്യൂസിക് ആൻഡ് ബിജിഎം: ബിബിൻ അശോക്, ആർട്ട് ഡയറക്ടർ: കണ്ണൻ അതിരപ്പിള്ളി, പ്രൊഡക്ഷൻ കൺട്രോളർ: ശരത് പത്മനാഭൻ.
ലൈൻ പ്രൊഡ്യൂസർ: വിമൽ താനിയിൽ, കോസ്റ്റ്യൂം: സിമി ആൻ, മേക്കപ്പ്: പ്രദീപ് ഗോപാലകൃഷ്ണൻ, സൗണ്ട് ഡിസൈൻ: രാജേഷ് രാജൻ, സ്റ്റിൽസ്: വിഷ്ണു എസ് രാജൻ, ചീഫ് അസോസിയേറ്റ്: ഹരിസുതൻ, ലിതിൻ കെ.ടി, അസോസിയേറ്റ് ഡയറക്ടേഴ്സ്: വാസുദേവൻ വിയു, അഫ്സൽ അദേനി, ചീഫ് അസോസിയേറ്റ് ഡിഒപി: ശ്രീജിത് പച്ചേനി, വിഎഫ്എക്സ്: ത്രീ ഡോർസ്, ഡിസൈൻ: ടെൻപോയിൻ്റ്, പിആർഒ: ആതിര ദിൽജിത്ത് എന്നിവരാണ് മറ്റ് അണിയറ പ്രവർത്തകർ.
