ആന്റണി വർഗീസ് ചിത്രം ‘കൊണ്ടലി’ലെ ആദ്യ ഗാനം പുറത്ത്; സംഗീതം ഒരുക്കിയത് സാം സി എസ്
യുവതാരം ആന്റണി വർഗീസ് നായകനാക്കി അജിത് മാമ്പള്ളി സംവിധാനം ചെയ്തിരിക്കുന്നത് ‘കൊണ്ടല്’ എന്ന ചിത്രത്തിലെ ആദ്യ ഗാനം പുറത്ത്. ‘ചൂളമടിക്കട താളമടിക്കട’ എന്ന ടൈറ്റിൽ നൽകിയിരിക്കുന്ന ഈ ഗാനം ആലപിച്ചിരിക്കുന്നതും സംഗീതം ഒരുക്കിയിരിക്കുന്നതും സാം സി എസ് ആണ്. വിനായക് ശശികുമാർ ആണ് ഗാനം രചിച്ചത്.
ആർഡിഎക്സ് എന്ന ബ്ലോക്ക്ബസ്റ്റർ ഹിറ്റ് ചിത്രത്തിന് ശേഷം സോഫിയ പോളിന്റെ ഉടമസ്ഥതയിലുള്ള വീക്കെൻഡ് ബ്ലോക്ക്ബസ്റ്റർസ് നിർമ്മിച്ച ‘കൊണ്ടൽ’ കടല് സംഘര്ഷത്തിന്റെ പശ്ചാത്തലത്തിൽ കഥ പറയുന്ന ചിത്രമാണ്. കടലിൽ വെച്ച് ചിത്രീകരിച്ച ത്രസിപ്പിക്കുന്ന ആക്ഷൻ രംഗങ്ങളാണ് ചിത്രത്തിന്റെ ഹൈലൈറ്റ് എന്ന സൂചനകൾ ചിത്രത്തിന്റെ ആദ്യ ടീസർ നല്കിയിരുന്നു. വരുന്ന സെപ്റ്റംബറിൽ ഓണം റിലീസായി ആണ് കൊണ്ടൽ തിയറ്ററുകളിലെത്തുന്നത്.
ആന്റണി വർഗീസിനൊപ്പം കന്നഡ സൂപ്പർ താരം രാജ് ബി ഷെട്ടിയും വേഷമിട്ട ഈ ചിത്രത്തിൽ, ഷബീർ കല്ലറക്കൽ, നന്ദു, മണികണ്ഠന് ആചാരി, പ്രമോദ് വലിയനാട്, ശരത് സഭ, അഭിറാം രാധാകൃഷ്ണന്, പി എന് സണ്ണി, സിറാജുദ്ദീന് നാസര്, നെബിഷ് ബെന്സണ്, ആഷ്ലീ, രാഹുല് രാജഗോപാല്, അഫ്സല് പി എച്ച്, റാം കുമാര്, സുനില് അഞ്ചുതെങ്ങ്, രാഹുല് നായര്, ഉഷ, കനക കൊനശനദ്, ജയ കുറുപ്പ്, പുഷ്പ കുമാരി എന്നിവരും അഭിനയിച്ചിട്ടുണ്ട്.
റോയ്ലിന് റോബര്ട്ട്, സതീഷ് തോന്നക്കല്, അജിത് മാമ്പള്ളി എന്നിവർ ചേർന്ന് രചിച്ച ചിത്രത്തിന് ഛായാഗ്രഹണം നിർവഹിച്ചത് ദീപക് ഡി മേനോൻ, സംഗീതം- സാം സി എസ്, എഡിറ്റർ- ശ്രീജിത്ത് സാരംഗ്, എക്സിക്യൂട്ടീവ് പ്രൊഡ്യൂസർ- മാനുവൽ ക്രൂസ് ഡാർവിൻ, ആക്ഷൻ- വിക്രം മോർ, കലൈ കിങ്സൺ. തവാസി രാജ്, പ്രൊഡക്ഷൻ ഡിസൈനർ- വിനോദ് രവീന്ദ്രൻ, കലാസംവിധാനം- അരുൺ കൃഷ്ണ, വസ്ത്രാലങ്കാരം- നിസാർ റഹ്മത്, മേക്കപ്പ്- അമൽ കുമാർ, പ്രൊഡക്ഷൻ കൺട്രോളർ- ജാവേദ് ചെമ്പു, ഡിജിറ്റൽ മാർക്കറ്റിംഗ്- അനൂപ് സുന്ദരൻ, പിആർഒ- ശബരി.
