‘മേപ്പടിയാൻ’ സംവിധായകന്റെ പുതിയ ചിത്രത്തിൽ ബിജു മേനോനും മേതിൽ ദേവികയും; ‘കഥ ഇന്നുവരെ’ ഫസ്റ്റ് ലുക്ക് പുറത്ത്…
‘മേപ്പടിയാൻ’ എന്ന ചിത്രത്തിന് ശേഷം ദേശീയ അവാർഡ് ജേതാവായ വിഷ്ണു മോഹൻ സംവിധാനം ചെയ്യുന്ന രണ്ടാമത്തെ ചിത്രമായ ‘കഥ ഇന്നുവരെ’യുടെ ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി. ബിജു മേനോനെ നായകനാകുന്ന ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ മലയാളികളുടെ പ്രിയതാരങ്ങളായ മമ്മൂട്ടി, പൃഥ്വിരാജ് സുകുമാരൻ, കുഞ്ചാക്കോ ബോബൻ, ഉണ്ണി മുകുന്ദൻ എന്നിവരുടെ സോഷ്യൽ മീഡിയ പേജുകളിലൂടെയാണ് റിലീസ് ചെയ്തത്.
പ്രശസ്‌ത നർത്തകിയായ മേതിൽ ദേവിക ഈ ചിത്രത്തിലൂടെ മലയാള സിനിമയിൽ അരങ്ങേറ്റം കുറിക്കുകയാണ്. പ്രധാന കഥാപാത്രത്തെ ആണ് മേതിൽ ദേവിക അവതരിപ്പിക്കുന്നത്. ഫസ്റ്റ് ലുക്ക് പോസ്റ്ററിൽ ബിജു മേനോന് ഒപ്പം മേതിൽ ദേവികയും പ്രത്യക്ഷപ്പെടുന്നുണ്ട്. നിഖില വിമൽ,ഹക്കീം ഷാജഹാൻ,അനുശ്രീ, അനു മോഹൻ, സിദ്ധിഖ്,രഞ്ജി പണിക്കർ,കോട്ടയം രമേശ്,കൃഷ്ണപ്രസാദ്, അപ്പുണ്ണി ശശി, കിഷോർ സത്യ, ജോർഡി പൂഞ്ഞാർ തുടങ്ങിയവർ ആണ് ചിത്രത്തിലെ മറ്റ് താരങ്ങൾ. ഫസ്റ്റ് ലുക്ക് പോസ്റ്റർ:
ഓണം റിലീസിന് ഒരുങ്ങുന്ന ഈ ചിത്രം വിഷ്ണു മോഹൻ സ്റ്റോറീസിന്റെ ബാനറിൽ വിഷ്ണു മോഹനും, ഒപ്പം ജോമോൻ ടി ജോൺ, ഷമീർ മുഹമ്മദ്, ഹാരിസ് ദേശം, അനീഷ് പിബി, കൃഷ്ണമൂർത്തി എന്നിവരും ചേർന്ന് ആണ് നിർമ്മിക്കുന്നത്. ഛായാഗ്രഹണം ജോമോൻ ടി ജോൺ നിർവ്വഹിക്കുന്നു. ഷമീർ മുഹമ്മദ് ആണ് എഡിറ്റർ.അശ്വിൻ ആര്യൻ സംഗീതം ഒരുക്കുന്നു.
പ്രൊഡക്ഷൻ കൺട്രോളർ-റിന്നി ദിവാകർ,പ്രൊഡക്ഷൻ ഡിസൈനർ-സുഭാഷ് കരുൺ,കോസ്റ്റ്യൂംസ്- ഇർഷാദ് ചെറുകുന്ന്, മേക്കപ്പ്-സുധി സുരേന്ദ്രൻ,പ്രോജക്‌ട് ഡിസൈനർ-വിപിൻ കുമാർ,വി എഫ് എക്സ്-കോക്കനട്ട് ബഞ്ച്,സൗണ്ട് ഡിസൈൻ – ടോണി ബാബു,സ്റ്റിൽസ്-അമൽ ജെയിംസ്, ഡിസൈൻസ് – ഇല്യൂമിനാർട്ടിസ്റ്, പ്രൊമോഷൻസ്-ടെൻജി മീഡിയ,പി ആർ ഒ-എ എസ് ദിനേശ്.
