കിരൺ അബ്ബാവരത്തിന് ഒപ്പം ചുവട് വെച്ച് തൻവി റാം; ‘ക’ യിലെ ‘ക മാസ് ജതാര’ വീഡിയോ ഗാനം പുറത്ത്
കിരൺ അബ്ബാവരം നായകനായ പാൻ ഇന്ത്യൻ ചിത്രം ‘ക’ യിലെ വീഡിയോ ഗാനം പുറത്ത്. ‘ക മാസ് ജതാര’ എന്ന് ടൈറ്റിൽ നൽകിയിരിക്കുന്ന ഈ ഗാനത്തിന് സാം സി എസ് ആണ് സംഗീതം ഒരുക്കിയിരിക്കുന്നത്. സനാപതി ഭരദ്വാജ് പട്രൂഡു രചിച്ച ഗാനം ആലപിച്ചത് ദിവാകർ, സാം സി എസ് എന്നിവർ ചേർന്നാണ്. ഈ ചിത്രത്തിന്റെ മലയാളം പതിപ്പ് ആഗോള തലത്തിൽ പ്രദർശനത്തിനെത്തിക്കുന്നത് ദുൽഖർ സൽമാൻ്റെ വേഫെറർ ഫിലിംസ് ആണ്.
കിരൺ അബ്ബാവരത്തിന്റെ ചടുലമായ നൃത്തം ഉൾപ്പെടുന്ന ഒരു ആഘോഷ ഗാനമായാണ് ‘ക മാസ്സ് ജതാര’ ഒരുക്കിയിരിക്കുന്നത്. ആവേശകരമായ താളത്തിൽ ചിട്ടപ്പെടുത്തിയ ഗാനം തീയേറ്ററുകളിൽ ഉത്സവം സൃഷ്ടിക്കുന്ന തരത്തിലാണ് അവതരിപ്പിച്ചിരിക്കുന്നത്. നായികമാരായ തൻവി റാമും നയനി സരികയും ഈ ഗാന രംഗത്തിൽ ചുവടുകളുമായി എത്തുന്നുണ്ട്.
തെലുങ്ക്, തമിഴ്, മലയാളം, കന്നഡ ഭാഷകളിൽ റിലീസ് ചെയ്യുന്ന ഈ പിരീഡ് ആക്ഷൻ ത്രില്ലർ ചിത്രം രചിച്ച് സംവിധാനം ചെയ്തിരിക്കുന്നത് നവാഗതരായ സുജിത്, സന്ദീപ് എന്നിവർ ചേർന്നാണ്. ശ്രീ ചക്രാസ് എൻ്റർടൈൻമെൻ്റിൻ്റെ ബാനറിൽ ചിന്താ ഗോപാലകൃഷ്ണ റെഡ്ഡി ആണ് ഈ പാൻ ഇന്ത്യൻ ചിത്രം നിർമ്മിച്ചിരിക്കുന്നത്. ‘ക’ യുടെ ഓവർസീസ് വിതരണാവകാശം സ്വന്തമാക്കിയത് ശ്ലോക എന്റർടൈന്മെന്റ്സ് ആണ്. മീറ്റർ, റൂൾസ് രഞ്ജൻ, വിനാരോ ഭാഗ്യമു വിഷ്ണു കഥ എന്നീ ചിത്രങ്ങളിലൂടെ തെലുങ്കിൽ പ്രശസ്തനായ താരമാണ് കിരൺ അബ്ബാവരം.
ഛായാഗ്രഹണം – വിശ്വാസ് ഡാനിയൽ, സതീഷ് റെഡ്ഡി മാസം, സംഗീതം – സാം സി എസ്, എഡിറ്റിംഗ് – ശ്രീ വര പ്രസാദ്, കലാ സംവിധാനം – സുധീർ മചാർല, വസ്ത്രാലങ്കാരം- അനുഷ പുഞ്ചല, മേക്കപ്പ്- കൊവ്വട രാമകൃഷ്ണ, ആക്ഷൻ- റിയൽ സതീഷ്, റാം കൃഷ്ണൻ, ഉയ്യാല ശങ്കർ, എക്സിക്യൂട്ടീവ് പ്രൊഡ്യൂസർ – ചൗഹാൻ, ലൈൻ പ്രൊഡക്ഷൻ – KA പ്രൊഡക്ഷൻ, സിഇഒ – രഹസ്യ ഗോരക്, പിആർഒ – ശബരി.
