ധ്യാനിന്റെ ജോഡിയായി ‘പിച്ചെെക്കാരൻ’ നായിക സാറ്റ്‌ന ടൈറ്റസ്; ‘പാർട്നേഴ്സ്’ പ്രണയ ഗാനം ശ്രദ്ധനേടുന്നു…
ജൂലൈ 5 ന് തിയേറ്റർ റിലീസിന് തയ്യാറാകുകയാണ് ‘പാർട്നേഴ്സ്’ എന്ന ധ്യാന്‍ ശ്രീനിവാസന്‍ ചിത്രം. നവാഗതനായ നവീൻ ജോൺ സംവിധാനം ചെയ്യുന്ന ചിത്രത്തിൽ കലാഭവൻ ഷാജോണും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. കൊല്ലപ്പള്ളി ഫിലിംസിന്‍റെ ബാനറില്‍ ദിനേശ് കൊല്ലപ്പള്ളി നിർമിക്കുന്ന ത്രില്ലർ സ്വഭാവത്തിലുള്ള ഈ ചിത്രത്തിലെ രണ്ടാമത്തെ ഗാനം ഇപ്പോൾ ശ്രദ്ധനേടുകയാണ്. ‘ഇന്നോളം തോന്നാ കൗതുകം’ എന്ന് തുടങ്ങുന്ന ഈ ഗാനം ആലപിച്ചിരിക്കുന്നത് കെ.എസ് ഹരിശങ്കറാണ്.
മനോരമ മ്യൂസിക്കിലൂടെ പുറത്തിറക്കിയ ഈ ഗാനം
ധ്യാനും നായികയുമായുള്ള പ്രണയ ഗാനമായാണ് ഒരുക്കിയിരിക്കുന്നത്. ‘പിച്ചെെക്കാരൻ’ എന്ന തമിഴ് ചിത്രത്തിലൂടെ രംഗത്തെത്തിയ സാറ്റ്‌ന ടൈറ്റസ് ആണ് ചിത്രത്തിലെ നായിക. ബി.കെ ഹരിനാരായണൻ്റെ വരികൾക്ക് പ്രകാശ് അലക്സ് ആണ് സംഗീതം ഒരുക്കിയിരിക്കുന്നത്. വീഡിയോ ഗാനം:
ധ്യാൻ ശ്രീനിവാസൻ, കലാഭവൻ ഷാജോൺ എന്നിവരെ കൂടാതെ സഞ്ജു ശിവറാം, അനീഷ് ഗോപാൽ, ദിനേശ് കൊല്ലപ്പള്ളി, ഹരീഷ് പേരാടി, ശ്രീകാന്ത് മുരളി, രാജേഷ് ശർമ്മ, ഡോ: റോണി, നീരജ ശിവദാസ്, ദേവിക രാജേന്ദ്രൻ, വൈഷ്ണവി, തെലുങ്ക് താരം മധുസൂദന റാവു തുടങ്ങിയവരും ചിത്രത്തിന്റെ താരനിരയിലുണ്ട്. ഫൈസല്‍ അലി ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ സുനില്‍ എസ് പിള്ള ആണ്.
മറ്റ് അണിയറ പ്രവർത്തകരുടെ വിവരങ്ങൾ – കോ പ്രൊഡ്യൂസർ: ആൻസൺ ജോർജ്, കലാസംവിധാനം: സുരേഷ് കൊല്ലം, മേക്കപ്പ്: സജി കൊരട്ടി, വസ്ത്രാലങ്കാരം: സുജിത് മട്ടന്നൂര്‍, പ്രൊഡക്ഷന്‍ കണ്‍ട്രോളര്‍: സതീഷ് കാവിൽകോട്ട, പ്രൊജക്റ്റ് ഡിസൈനർ: ബാദുഷ എന്‍ എം, ചീഫ് അസോസിയിയേറ്റ് ഡയറക്ടർ: അരുൺ ലാൽ കരുണാകരൻ, അസോസിയിയേറ്റ് ഡയറക്ടർ: മനോജ് പന്തയിൽ, ഡിസ്ട്രിബ്യൂഷൻ: ശ്രീപ്രിയ കംബയിൻസ്, പി.ആർ.ഒ: പി.ശിവപ്രസാദ്, സ്റ്റിൽസ്: രാംദാസ് മാത്തൂർ, ഡിസൈൻസ്: ഷിബിൻ സി ബാബു.
