മുഴുനീള ഹാസ്യ സിനിമയുമായി ജഗദീഷ് – ഇന്ദ്രൻസ് കോംബോ വീണ്ടും; ‘പാണ്ഡവ ലഹള’ ചിത്രീകരണം തുടങ്ങി…
മലയാളത്തിന്റെ പ്രിയ താരങ്ങളായ ജഗദീഷും ഇന്ദ്രൻസും ഒരിക്കൽ കൂടി ഒരു മുഴുനീള ഹാസ്യ സിനിമയിൽ ഒന്നിക്കുകയാണ്. ഉത്സവ് രാജീവ്, ഫഹദ് നന്ദു എന്നിവർ തിരക്കഥയെഴുതി സംവിധാനം ചെയ്യുന്ന ‘പാണ്ഡവ ലഹള’ എന്ന ചിത്രത്തിലാണ് ഇരുവരും പ്രധാന കഥാപാത്രങ്ങളായി ഒന്നിക്കുന്നത്.
ഫ്രാഗ്രന്റ് നേച്ചർ ഫിലിം ക്രിയേഷൻസിന്റെ ബാനറിൽ ആൻ സജീവ്, സജീവ് പി കെ എന്നിവർ നിർമ്മിക്കുന്ന എട്ടാമത്തെ സിനിമയായ ‘പാണ്ഡവ ലഹള’യുടെ സ്വിച്ചോൺ നിർമ്മാതാവ് ആൻ നിർവ്വഹിച്ചു. ഇന്ദ്രൻസ്, ജഗദീഷ്,പ്രാഗ് സി എന്നിവർ ചേർന്ന് ക്ലാപ്പടിച്ചു. ജഗദീഷ്, ഇന്ദ്രൻസ് എന്നിവരെ കൂടാതെ പ്രശാന്ത് അലക്സാണ്ടർ, മീനരാജ്, ഭാഗ്യ, ഋഷികേശ് തുടങ്ങിയവരും പ്രധാന കഥാപാത്രങ്ങളാകുന്ന ഈ ചിത്രത്തിന്റെ ചിത്രീകരണം പിറവത്തിന്റെ പൈതൃകമായ വടക്കില്ലത്ത് മനയിൽ ആരംഭിച്ചു.
പ്രണയം,ഖൽബ്,ഗോളംയുനൈ കിങ്ഡം ഓഫ് കേരള,കിണർ ,കേണി (തമിഴ് ) തുടങ്ങി ഏഴോളം സിനിമകൾ നിർമിച്ച സൗത്ത് ഇന്ത്യയിലെ പ്രമുഖ സിനിമ നിർമാണകമ്പനിയാണ് ഫ്രാഗ്രന്റ് നേച്ചർ ഫിലിം ക്രിയേഷൻസ്. അൽഫാസ് ജഹാംഗീർ ഛായാഗ്രഹണം നിർവഹിക്കുന്നു. സംഗീതം-ബിജിബാൽ, പ്രൊഡക്ഷൻ കൺട്രോളർ-സതീഷ് കാവിൽ കോട്ട, കല-ഷിജി പട്ടണം.
വസ്ത്രലങ്കാരം-സൂര്യ രാജേശ്വരീ,മേക്കപ്പ്-പട്ടണം ഷാ,എഡിറ്റർ-വി എസ് വിനീഷ്,ചീഫ് അസോസിയേറ്റ് ഡയറക്ടർ-കെ ജി രജേഷ്കുമാർ, അസോസിയേറ്റ് ഡയറക്ടർ-സുമേഷ് കുമാർ,കാർത്തിക്, അസിസ്റ്റൻ്റ് ഡയറക്ടർ-ആന്റോ,പ്രാഗ് സി,സ്റ്റിൽസ്-രാംദാസ് മാത്തൂർ,വിഎഫ്എക്സ്-അജീഷ് തോമസ്, പ്രൊഡക്ഷൻ എക്സിക്യൂട്ടീവ്-ശിവൻ പൂജപ്പുര,പി ആർ ഒ-എ എസ് ദിനേശ്.
