ട്രോളന്മാര് ആഘോഷമാക്കിയ ‘ദശമൂലം ദാമു’വിനെ നായകനാക്കി ചിത്രം വരുന്നു?
ചില കഥാപാത്രങ്ങൾ അവര് പ്രത്യക്ഷപ്പെട്ട സിനിമകളെക്കാൾ വലിയ പ്രശസ്തി നേടാറുണ്ട്. കാലങ്ങൾ കഴിഞ്ഞാലും ചർച്ചയാവുകയും ചെയ്യും. അങ്ങനെ ഒരു കഥാപാത്രം ആണ് ദശമൂലം ദാമു. ചട്ടമ്പി നാട് എന്ന മമ്മൂട്ടി ചിത്രത്തിൽ സുരാജ് വെഞ്ഞാറന്മൂട് അവതരിപ്പിച്ച ഈ കഥാപാത്രം ഇപ്പോൾ ഒരു സൂപ്പർസ്റ്റാർ ആണെന്ന് തന്നെ പറയാം. ദാമു ഒരു തിരിച്ചു വരവിനു ഒരുങ്ങുക ആണെന്നാണ് പുതിയ റിപ്പോർട്ട്.
ട്രോളുകളിൽ ഇപ്പോൾ ഹീറോ ആയി വിലസുന്ന ദശമൂലം ദാമുവിനെ ഒരിക്കൽ കൂടി ബിഗ് സ്‌ക്രീനിൽ കൊണ്ടുവരാൻ സംവിധായകൻ ഷാഫി ഒരുങ്ങുന്നു എന്നാണ് പുതിയ റിപ്പോർട്ടുകൾ. ചട്ടമ്പി നാട് എന്ന ചിത്രം ഷാഫി ആയിരുന്നു സംവിധാനം ചെയ്തത്.
സുരാജ് വെഞ്ഞാറന്മൂടിനെ നായകനാക്കി ഒരു കോമഡി ചിത്രമായി ഈ സിനിമ ഒരുങ്ങുന്നു എന്നാണ് ഇപ്പോൾ ലഭിക്കുന്ന വിവരം. ട്രോളുകൾ ഒക്കെ ഹിറ്റ് ആക്കി മുന്നേറുന്ന ദശമൂലം ദാമുവിന്‍റെ നായകായുള്ള മടങ്ങി വരവിന് ഇനി ആരാധകർക്ക് കാത്തിരിക്കാം.
