ആക്ഷനും ത്രില്ലുമായി അഡ്വഞ്ചർ മൂഡിൽ ‘സാഹസം’ ടീസർ പുറത്ത്
‘ട്വന്റി വൺ ഗ്രാംസ്’ എന്ന വിജയ ചിത്രത്തിന് ശേഷം സംവിധായകൻ ബിബിൻ കൃഷ്ണ ഒരുക്കുന്ന പുതിയ ചിത്രമായ ‘സാഹസ’ത്തിന്റെ ഔദ്യോഗിക ടീസർ പുറത്തിറങ്ങി. “ഏത് അറുബോറന്റെ ലൈഫിലും സാഹസികമായ, സിനിമാറ്റിക് ആയ ഒരു ദിവസം ഉണ്ടാകും” എന്ന ഡയലോഗോടെ ആണ് ടീസർ ആരംഭിക്കുന്നത്. ‘ട്വന്റി വൺ ഗ്രാംസ്’, ‘ഫീനിക്സ്’ എന്നീ ശ്രദ്ധേയ ചിത്രങ്ങൾ നിർമ്മിച്ച ദ ഫ്രണ്ട് റോ പ്രൊഡക്ഷൻസിന്റെ ബാനറിൽ റിനിഷ് കെ എൻ ആണ് ‘സാഹസം’ നിർമ്മിച്ചിരിക്കുന്നത്. ബിബിൻ കൃഷ്ണ തന്നെയാണ് ചിത്രത്തിന്റെ രചനയും നിർവഹിച്ചിരിക്കുന്നത്.
നരേൻ, ബാബു ആന്റണി, ശബരീഷ് വർമ്മ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ റംസാൻ, അജു വർഗീസ്, സജിൻ ചെറുക്കയിൽ, ജീവ ജോസഫ്, ബൈജു സന്തോഷ്, യോഗി ജാപി, ഹരി ശിവറാം, ടെസ ജോസഫ്, വർഷ രമേശ്, വിനീത് തട്ടിൽ, മേജർ രവി, ഭഗത് മാനുവൽ, കാർത്തിക്ക്, ജയശ്രീ, ആൻ സലിം തുടങ്ങിയ വലിയ താരനിരയും അണിനിരക്കുന്നുണ്ട്. ആക്ഷനും ത്രില്ലറിനും പ്രാധാന്യം നൽകി ഒരുക്കിയിരിക്കുന്ന ടീസർ, വിനോദപരമായ എല്ലാ ഘടകങ്ങളും ഉൾക്കൊണ്ടുകൊണ്ട് ഒരു അഡ്വഞ്ചർ മൂഡിലുള്ള കഥയാണ് ചിത്രം പറയുന്നതെന്ന് വ്യക്തമാക്കുന്നു.
ഛായാഗ്രഹണം ആൽബിയും സംഗീതം ബിബിൻ അശോകും എഡിറ്റിംഗ് കിരൺ ദാസുമാണ് നിർവഹിച്ചിരിക്കുന്നത്. ബിബിൻ കൃഷ്ണയും യദുകൃഷ്ണ ദയകുമാറും ചേർന്നാണ് തിരക്കഥയും സംഭാഷണവും ഒരുക്കിയിരിക്കുന്നത്. വിനായക് ശശികുമാർ, വൈശാഖ് സുഗുണൻ എന്നിവർ ചേർന്നാണ് ഗാനരചന. ഷിനോജ് ഒടണ്ടയിൽ, രഞ്ജിത് ഭാസ്കരൻ എന്നിവരാണ് എക്സിക്യൂട്ടീവ് പ്രൊഡ്യൂസർമാർ. ഷിഹാബ് വെണ്ണലയാണ് പ്രൊഡക്ഷൻ കൺട്രോളർ.
ചീഫ് അസ്സോസിയേറ്റ് ഡയറക്ടർ- പാർത്ഥൻ, ആർട്- സുനിൽ കുമാരൻ, മേക്കപ്പ്- സുധി കട്ടപ്പന, വസ്ത്രാലങ്കാരം- അരുൺ മനോഹർ, സംഘട്ടനം- ഫീനിക്സ് പ്രഭു, പ്രൊഡക്ഷൻ എക്സിക്യൂട്ടീവ്- ജിതേഷ് അഞ്ചുമന ആന്റണി കുട്ടമ്പുഴ, അസ്സോസിയേറ്റ് ഡയറക്ടർ- നിധീഷ് നമ്പ്യാർ, സ്റ്റില്സ്- ഷൈൻ ചെട്ടികുളങ്ങര, ഡിസൈൻ- യെല്ലോ ടൂത്ത്സ്, ഡിജിറ്റൽ മാർക്കറ്റിങ് – ഒബ്സ്ക്യൂറ എൻ്റർടെയ്ൻമെൻ്റ്, ഡിസ്ട്രിബൂഷൻ – സെൻട്രൽ പിക്ചേഴ്സ്, പിആർഒ- ശബരി.
ഓഗസ്റ്റ് 8-ന് ‘സാഹസം’ തീയേറ്ററുകളിൽ പ്രദർശനത്തിനെത്തും. സെൻട്രൽ പിക്ചേഴ്സാണ് ചിത്രം വിതരണം ചെയ്യുന്നത്.
