ഷൈൻ ടോം ചാക്കോയുടെ ‘ദി പ്രൊട്ടക്ടർ’ ടീസർ പുറത്ത്; റിലീസ് ജൂൺ 13-ന്
ഷൈൻ ടോം ചാക്കോ പോലീസ് വേഷത്തിലെത്തുന്ന ‘ദി പ്രൊട്ടക്ടർ’ എന്ന ചിത്രത്തിന്റെ ടീസർ പുറത്ത്. അമ്പാട്ട് ഫിലിംസിന്റെ ബാനറിൽ റോബിൻസ് മാത്യു നിർമ്മിച്ച് ജി.എം മനുവാണ് ചിത്രം സംവിധാനം ചെയ്യുന്നത്. ജൂൺ 13-ന് ചിത്രം തിയേറ്ററുകളിൽ എത്തും. ഒരു ഹൊറർ ഇൻവെസ്റ്റിഗേഷൻ എന്ന സൂചന ആണ് ടീസർ നൽകുന്നത്.
“നിങ്ങളിൽ പാപം ചെയ്യാത്തവർ കല്ലെറിയട്ടെ” എന്ന ബൈബിൾ വാക്യം ടാഗ് ലൈനാക്കിയായിരുന്നു ചിത്രത്തിന്റെ ഫസ്റ്റ് ലുക്ക് പോസ്റ്റർ ദിവസങ്ങൾക്ക് മുൻപ് പുറത്തുവിട്ടിരുന്നത്. ചുണ്ടിൽ സിഗരറ്റുമായി നിൽക്കുന്ന ഷൈനിന്റെ ചിത്രമാണ് പോസ്റ്ററിലുണ്ടായിരുന്നത്.
ചിത്രത്തിന്റെ റിലീസ് അനൗൺസ്മെന്റ് പോസ്റ്ററിൽ പ്രധാന അഭിനേതാക്കളെയും അണിയറ പ്രവർത്തകരെയും പരിചയപ്പെടുത്തിയിരുന്നു. തലൈവാസൽ വിജയ്, മൊട്ട രാജേന്ദ്രൻ, സുധീർ കരമന, മണിക്കുട്ടൻ, ശിവജി ഗുരുവായൂർ, ബോബൻ ആലംമൂടൻ, ഉണ്ണിരാജ, ഡയാന, കാജൽ ജോൺസൺ, ദേവി ചന്ദന, ശാന്തകുമാരി, സീമ മധു എന്നിവരാണ് ചിത്രത്തിലെ മറ്റ് താരങ്ങൾ.
അജേഷ് ആന്റണിയാണ് സിനിമയുടെ രചന നിർവ്വഹിച്ചിരിക്കുന്നത്. രജീഷ് രാമൻ ഛായാഗ്രഹണവും, താഹിർ ഹംസ എഡിറ്റിംഗും നിർവ്വഹിച്ചിരിക്കുന്നു. ജിനോഷ് ആന്റണിയാണ് സംഗീതസംവിധാനം, സെജോ ജോൺ ബിജിഎമ്മും ഒരുക്കിയിരിക്കുന്നു.
കലാസംവിധാനം: സജിത്ത് മുണ്ടയാട്, കോസ്റ്റ്യൂം: അഫ്സൽ മുഹമ്മദ്, മേക്കപ്പ്: സുധി സുരേന്ദ്രൻ, സ്റ്റണ്ട്: മാഫിയ ശശി, നൃത്തസംവിധാനം: രേഖ മാസ്റ്റർ, പ്രൊഡക്ഷൻ കൺട്രോളർ: ഷാജി കവനാട്ട്, പ്രൊഡക്ഷൻ എക്സിക്യൂട്ടീവ്: നസീർ കരന്തൂർ, ഗാനരചന: റോബിൻസ് അമ്പാട്ട്, സ്റ്റിൽസ്: ജോഷി അറവക്കൽ, വിതരണം: അമ്പാട്ട് ഫിലിംസ്, ഡിസൈൻ: പ്ലാൻ 3, പിആർഒ: വാഴൂർ ജോസ്, ആതിര ദിൽജിത്ത്.
