“ഏതെതോ മൗനം ദൂരേ താനേ മായുമ്പോൾ”; ‘മിസ്റ്റർ ആൻ്റ് മിസിസ് ബാച്ച്‍ലറി’ലെ പുതിയ ഗാനം പുറത്ത്
ഇന്ദ്രജിത്ത് സുകുമാരനും അനശ്വര രാജനും പ്രധാന വേഷങ്ങളിൽ എത്തുന്ന ‘മിസ്റ്റർ ആൻ്റ് മിസിസ് ബാച്ച്‍ലർ’ മെയ് 23ന് തിയേറ്റർ റിലീസിന് തയ്യാറാകുകയാണ്. ഈ റൊമാൻ്റിക് കോമഡി ചിത്രത്തിലെ ഹൃദയസ്പർശിയായ “ഇതൾ മായെ..” എന്ന ഗാനം ഇപ്പോൾ അണിയറപ്രവർത്തകർ പുറത്തുവിടുകയും ജനശ്രദ്ധ നേടുകയും ചെയ്യുകയാണ്.
പി.എസ്. ജയഹരി ഈണം നൽകി അദ്ദേഹം തന്നെ മനോഹരമായി ആലപിച്ചിരിക്കുന്ന ഗാനത്തിൻ്റെ ലിറിക്കൽ വീഡിയോ ആണ് പുറത്തുവന്നിരിക്കുന്നത്. ഗാനത്തിന് വരികൾ രചിച്ചിരിക്കുന്നത് മഹേഷ് ഗോപാൽ ആണ്. പ്രണയത്തിൻ്റെ ആഴവും വിരഹത്തിൻ്റെ നൊമ്പരവും ഒക്കെ ഒളിപ്പിച്ച ഗാനം ഇതിനോടകം തന്നെ പ്രേക്ഷക ശ്രദ്ധ നേടുകയാണ്. ഗാനം:
ദീപു കരുണാകരൻ സംവിധാനം ചെയ്യുന്ന ഈ ചിത്രം ഹൈലൈൻ പിക്ചേഴ്സിൻ്റെ ബാനറിൽ പ്രകാശ് ഹൈലൈൻ ആണ് നിർമ്മിക്കുന്നത്. അർജുൻ ടി സത്യനാണ് ചിത്രത്തിൻ്റെ തിരക്കഥ ഒരുക്കിയിരിക്കുന്നത്. ഡയാന ഹമീദ്, റോസിൻ ജോളി, ബിജു പപ്പൻ, രാഹുൽ മാധവ്, സോഹൻ സീനുലാൽ, മനോഹരി ജോയ്, ജിബിൻ ഗോപിനാഥ്, ലയ സിംപ്സൺ എന്നിവരും ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. മ്യൂസിക് 247 ആണ് ചിത്രത്തിൻ്റെ മ്യൂസിക് പാർട്നർ.
ബാബു ആർ, സാജൻ ആന്റണി എന്നിവരാണ് ചിത്രത്തിന്റെ എക്സിക്യുട്ടീവ് പ്രൊഡ്യൂസഴ്സ്. ഛായാഗ്രഹണം പ്രദീപ് നായരും, എഡിറ്റിംഗ് സോബിൻ സോമനും, സംഗീതം പി എസ് ജയ്ഹരിയും നിർവ്വഹിച്ചിരിക്കുന്നു. കലാ സംവിധാനം: സാബു റാം, പ്രൊഡക്ഷൻ കൺട്രോളർ: എസ് മുരുഗൻ, ഗാനരചന: മഹേഷ് ഗോപാൽ, വസ്ത്രാലങ്കാരം: ബ്യുസി ബേബി ജോൺ, മേക്കപ്പ്: ബൈജു ശശികല, ചീഫ് അസോസിയേറ്റ് ഡയറക്ടർ: സാംജി എം ആൻ്റണി, പോസ്റ്റ് പ്രൊഡക്ഷൻ ഡയറക്ടർ: ശരത് വിനായക്, അസോസിയേറ്റ് ഡയറക്ടർ: ശ്രീരാജ് രാജശേഖരൻ, സൗണ്ട് മിക്സിങ്: വിപിൻ നായർ, വിഎഫ്എക്സ്: ഡിജിബ്രിക്സ്, ലിറിക് വീഡിയോ & ക്രീയേറ്റീവ്സ്: റാബിറ്റ് ബോക്സ് ആഡ്‌സ്, സ്റ്റിൽസ്: അജി മസ്കറ്റ്, പബ്ലിസിറ്റി ഡിസൈൻ: മാ മി ജോ, പി ആർ ഓ: വാഴൂർ ജോസ്, ഹെയ്ൻസ്.
