ആക്ഷനും ത്രില്ലും നിറച്ച് മമ്മൂട്ടിയുടെ ഗെയിം ത്രില്ലർ; ‘ബസൂക്ക’ ട്രെയിലർ പുറത്ത്…
മെഗാസ്റ്റാർ മമ്മൂട്ടിയുടെ പുതിയ ചിത്രം ‘ബസൂക്ക’യുടെ ട്രെയിലർ പുറത്തിറങ്ങി. ഏപ്രിൽ 10ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്യാനിരിക്കുന്ന ചിത്രത്തിന്റെ ട്രെയിലർ തൃശ്ശൂർ രാഗം തിയേറ്ററിൽ ആണ് ലോഞ്ച് ചെയ്തത്. പുതുമുഖ സംവിധായകനായ ഡീനോ ഡെന്നിസാണ് ഈ ചിത്രം സംവിധാനം ചെയ്യുന്നത്. ട്രെയിലർ ലോഞ്ച് കാണാൻ നിരവധി ആരാധകർ രാഗം തിയേറ്ററിൽ തടിച്ചുകൂടിയിരുന്നു. 2025, ഏപ്രിൽ 10 നാണ് ചിത്രം ആഗോള റിലീസായി ചിത്രം പ്രേക്ഷകർക്ക് മുന്നിലെത്തുക.
മാസ് ആക്ഷൻ രംഗങ്ങളും ശക്തമായ സംഭാഷണങ്ങളും ഒക്കെയായി ആണ് ചിത്രത്തിന്റെ ട്രെയിലർ എത്തിയിരിക്കുന്നത്. ഗെയിം ത്രില്ലർ വിഭാഗത്തിൽ ഒരുക്കിയിരിക്കുന്ന ഈ ചിത്രത്തിൽ മമ്മൂട്ടി വളരെ സ്റ്റൈലിഷ് ലുക്കിലാണ് എത്തുന്നത്. ഇതുവരെ മലയാള സിനിമയിൽ അധികം ചർച്ച ചെയ്യാത്ത ഒരു പ്രമേയമാണ് ചിത്രത്തിന്റെ ഇതിവൃത്തമെന്നും ട്രെയിലർ സൂചന നൽകുന്നുണ്ട്. മലയാള സിനിമയ്ക്ക് ഒരു പുതിയ അനുഭവം ചിത്രം സമ്മാനിക്കും എന്ന പ്രതീക്ഷ ഉയർത്തുകയാണ് ട്രെയിലർ. ട്രെയിലർ കാണാം:
സരിഗമ ഇന്ത്യ ലിമിറ്റഡും, തീയേറ്റർ ഓഫ് ഡ്രീംസും ചേർന്നാണ് ചിത്രം നിർമ്മിക്കുന്നത്. മമ്മൂട്ടിയോടൊപ്പം ഗൗതം വാസുദേവ് മേനോൻ, സിദ്ധാർത്ഥ് ഭരതൻ, ബാബു ആൻ്റണി, ഹക്കീം ഷാജഹാൻ, ഭാമ അരുൺ, ഡീൻ ഡെന്നിസ് എന്നിവരും ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
ട്രെയിലറിന് മികച്ച പ്രതികരണമാണ് സോഷ്യൽ മീഡിയയിൽ ലഭിക്കുന്നത്. മമ്മൂട്ടി ആരാധകർക്കും സിനിമ പ്രേമികൾക്കും ഒരുപോലെ ആവേശമുണർത്തുന്ന രംഗങ്ങൾ ട്രെയിലറിൽ ഉണ്ട്. നേരത്തെ പുറത്തിറങ്ങിയ ചിത്രത്തിന്റെ ടീസറും പോസ്റ്ററുകളും ശ്രദ്ധ നേടിയിരുന്നു.
സരിഗമ ഇന്ത്യ ലിമിറ്റഡ്, തീയേറ്റർ ഓഫ് ഡ്രീംസ് എന്നീ ബാനറുകളിൽ ജിനു വി അബ്രഹാമും, ഡോൾവിൻ കുര്യാക്കോസും ചേർന്നാണ് ചിത്രം നിർമ്മിച്ചിരിക്കുന്നത്. ചിത്രത്തിന്റെ അണിയറ പ്രവർത്തകർ: എക്സിക്യൂട്ടീവ് പ്രൊഡ്യൂസർ – സൂരജ് കുമാർ, കോ പ്രൊഡ്യൂസർ – സാഹിൽ ശർമ, ഛായാഗ്രഹണം – നിമിഷ് രവി, സെക്കൻ്റ് യൂണിറ്റ് ക്യാമറ – റോബി വർഗീസ് രാജ്, എഡിറ്റിംഗ് – നിഷാദ് യൂസഫ്, പ്രവീൺ പ്രഭാകർ, സംഗീതം – മിഥുൻ മുകുന്ദൻ, പ്രൊജക്റ്റ് ഡിസൈനർ- ബാദുഷ എം എം, കലാസംവിധാനം – ഷിജി പട്ടണം, അനീസ് നാടോടി, വസ്ത്രാലങ്കാരം – സമീറ സനീഷ്, അഭിജിത്, മേക്കപ്പ്- ജിതേഷ് പൊയ്യ, എസ് ജോർജ്, സംഘട്ടനം- മഹേഷ് മാത്യു, വിക്കി, പി സി സ്റ്റണ്ട്സ്, മാഫിയ ശശി, ചീഫ് അസോസിയേറ്റ് – സുജിത്, പ്രൊഡക്ഷൻ കൺട്രോളർ – സഞ്ജു ജെ, ഡിജിറ്റൽ മാർക്കറ്റിങ്- വിഷ്ണു സുഗതൻ, പിആർഒ – ശബരി.
