‘കോലാഹലം’ സിനിമയ്ക്ക് വേണ്ടി വിധു പ്രതാപ് ആലപിച്ച പ്രണയ ഗാനം പുറത്ത്…
ലാൽജോസ് അവതരിപ്പിക്കുന്ന ‘കോലാഹലം’ എന്ന ചിത്രത്തിലെ ആദ്യ ഗാനം ‘കാണുമ്പോൾ കാണുമ്പോൾ’ പുറത്തിറങ്ങി. വിധു പ്രതാപിൻ്റെ മനോഹരമായ ആലാപനവും ഗണേഷ് മലയത്തിൻ്റെ ഹൃദ്യമായ വരികളും വിഷ്ണു ശിവശങ്കറിൻ്റെ ഇമ്പമാർന്ന സംഗീതവും ചേർന്നപ്പോൾ മലയാളികൾക്ക് ലഭിച്ചത് ഒരു മനോഹര പ്രണയഗാനമാണ്. ഗാനത്തിലെ ദൃശ്യങ്ങളും ഏറെ ആകർഷകമാണ്.
റഷീദ് പറമ്പിൽ സംവിധാനം ചെയ്യുന്ന ‘കോലാഹലം’ ഒരു കോമഡി ഫാമിലി ഡ്രാമ വിഭാഗത്തിൽ പെടുന്ന ചിത്രമാണ്. ‘ഭഗവാൻ ദാസന്റെ രാമരാജ്യം’ എന്ന ചിത്രത്തിന് ശേഷം റഷീദ് പറമ്പിൽ സംവിധാനം ചെയ്യുന്ന ചിത്രമാണിത്. ഏപ്രിൽ മാസത്തിൽ ചിത്രം തീയേറ്ററുകളിൽ എത്തും. ഫൈൻ ഫിലിംസ്, പുത്തൻ ഫിലിംസ് എന്നീ ബാനറുകളിൽ സന്തോഷ് പുത്തൻ, രാജേഷ് നായർ, സുധി പയ്യപ്പാട്ട്, ജാക് ചെമ്പിരിക്ക എന്നിവർ ചേർന്നാണ് ചിത്രം നിർമ്മിക്കുന്നത്.
നവാഗതനായ വിശാൽ വിശ്വനാഥനാണ് ചിത്രത്തിൻ്റെ കഥ, തിരക്കഥ, സംഭാഷണം എന്നിവ ഒരുക്കിയിരിക്കുന്നത്. ഷിഹാബ് ഓങ്ങല്ലൂർ ആണ് ഛായാഗ്രഹണം നിർവഹിച്ചിരിക്കുന്നത്. സന്തോഷ് പുത്തൻ, കുമാർ സുനിൽ, അച്യുതാനന്ദൻ, സ്വാതി മോഹനൻ, ചിത്ര പ്രസാദ്, പ്രിയ ശ്രീജിത്ത്, അനുഷ അരവിന്ദാക്ഷൻ, രാജേഷ് നായർ, സത്യൻ ചവറ, വിഷ്ണു ബാലകൃഷ്ണൻ, രാജീവ്‌ പിള്ളത്ത്, വിശാൽ വിശ്വനാഥൻ, ശരൺ പണിക്കർ, സത്യൻ പ്രഭാപുരം, അഫ്സൽ കെ അസീസ്, ദിൽഷ, ആരതി മുരളീധരൻ, ദേവി കൃഷ്ണ, ജയറാം രാമു, ശ്രീലക്ഷ്മി എസ്, അലി മർവെൽ, ഗിരീഷ് ഓങ്ങല്ലൂർ തുടങ്ങിയവരാണ് ചിത്രത്തിലെ പ്രധാന താരങ്ങൾ.
വിഷ്ണു ശിവശങ്കർ സംഗീത സംവിധാനം നിർവഹിച്ചിരിക്കുന്ന ചിത്രത്തിന്റെ എഡിറ്റർ ഷബീർ പി. പ്രൊഡക്ഷൻ കൺട്രോളർ ലിജു നടേരി, ആർട്ട് സുജിത് വയനാട്, സൗണ്ട് ഡിസൈൻ ഹരിരാഗ് എം വാരിയർ, ചീഫ് അസോസിയേറ്റ് ഡയറക്ടർ വിശാൽ വിശ്വനാഥൻ, മ്യൂസിക് മിക്സ് കിഷൻ ശ്രീബാൽ, കളറിസ്റ്റ് ടിറ്റോ ഫ്രാൻസിസ്, മേക്കപ്പ് ശ്രീജിത്ത് എൻ സുനിൽ, ഗാനരചന ഗണേഷ് മലയത്ത്, ഫത്തഹു റഹ്മാൻ, വി.എഫ്.എക്സ് ഫ്രെയിം ഫാക്ടറി, ഡിസൈൻസ് കഥ, കിഷോർ ബാബു, പി.ആർ.ഓ പി.ശിവപ്രസാദ് എന്നിവരാണ് മറ്റ് അണിയറ പ്രവർത്തകർ.
