‘പകലും പാതിരാവും’ ചിത്രത്തിലെ ആദ്യ വീഡിയോ ഗാനം പുറത്ത്…
കുഞ്ചാക്കോ ബോബനെ നായകനാക്കി അജയ് വാസുദേവ് ഒരുക്കുന്ന ‘പകലും പാതിരാവും’ എന്ന ഫാമിലി ത്രില്ലർ ചിത്രത്തിലെ ആദ്യ വീഡിയോ ഗാനം പുറത്തിറങ്ങി. ചിത്രത്തിൽ നായികാ വേഷത്തിൽ എത്തുന്ന രജീഷ വിജയൻ ആണ് ഈ ഗാന രംഗത്തിൽ അഭിനയിച്ചിരിക്കുന്നത്. മനമേലെ പൂവിതളായി എന്ന് ആരംഭിക്കുന്ന ഈ ഗാനം സ്റ്റീഫൻ ദേവസ്യ ആണ് കമ്പോസ് ചെയ്തിരിക്കുന്നത്. സുജേഷ് ഹരിയുടെ വരികൾ നിത്യ മാമൻ ആണ് ആലപിച്ചത്.
ചിത്രത്തിന്റെ ട്രെയിലറിന് പിറകെ ആണിപ്പോൾ വീഡിയോ ഗാനവും റിലീസ് ആയിരിക്കുന്നത്. ദിവസങ്ങൾക്ക് മുൻപ് റിലീസ് ചെയ്ത ട്രെയിലറും മികച്ച അഭിപ്രായങ്ങൾ നേടിയിരുന്നു. ഷൈലോക്ക് എന്ന മമ്മൂട്ടി ചിത്രത്തിന് ശേഷം അജയ് വാസുദേവ് സംവിധാനം ചെയ്യുന്ന ചിത്രമാണ് ഇത്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ ആണ് ചിത്രം നിർമ്മിച്ചിരിക്കുന്നത്.
ഗാനങ്ങൾ സ്റ്റീഫൻ ദേവസ്യ കമ്പോസ് ചെയ്യുമ്പോൾ സാം സി എസ് ആണ് ചിത്രത്തിന് പശ്ചാത്തല സംഗീതം ഒരുക്കുന്നത്. ഫായ്സ് സിദ്ധിഖ് ഛായാഗ്രഹണവും റിയാസ് കെ ബാദർ എഡിറ്റിംഗും നിർവഹിച്ചിരിക്കുന്നു. മനോജ് കെ യു, സീത, ഗുരു സോമസുന്ദരം, ഉല്ലാസ് പന്തളം, തമിഴ് തുടങ്ങിയവർ ആണ് ചിത്രത്തിലെ മറ്റ് താരങ്ങൾ. വെള്ളിയാഴ്ച (മാർച്ച് 3ന്) ആണ് ചിത്രം തിയേറ്ററുകളിൽ എത്തുന്നത്. വീഡിയോ ഗാനം:
