ദുൽഖർ സൽമാന്റെ ജന്മദിനം ആഘോഷമാക്കി ‘ഐ ആം ഗെയിം’ ടീം; വീഡിയോ
മലയാളത്തിന്റെ യുവതാരം ദുൽഖർ സൽമാൻ്റെ ജന്മദിനം ‘ഐ ആം ഗെയിം’ എന്ന പുതിയ ചിത്രത്തിൻ്റെ ഷൂട്ടിംഗ് ലൊക്കേഷനിൽ ആഘോഷിച്ചു. സംവിധായകൻ നഹാസ് ഹിദായത്തും സിനിമയുടെ അണിയറ പ്രവർത്തകരും സഹതാരങ്ങളും ചേർന്ന് കേക്ക് മുറിച്ചും ബിരിയാണി വിളമ്പിയുമാണ് ഡിക്യൂവിന്റെ ജന്മദിനം അവിസ്മരണീയമാക്കിയത്.
ദുൽഖർ സൽമാൻ്റെ ഉടമസ്ഥതയിലുള്ള വേഫെറർ ഫിലിംസാണ് ഈ ബിഗ് ബഡ്ജറ്റ് ആക്ഷൻ ത്രില്ലർ ചിത്രം നിർമ്മിക്കുന്നത്. ദുൽഖറിൻ്റെ അഭിനയ ജീവിതത്തിലെ നാൽപ്പതാം ചിത്രമെന്ന പ്രത്യേകതയും “ഐ ആം ഗെയിമി”നുണ്ട്. സജീർ ബാബ, ഇസ്മായിൽ അബൂബക്കർ, ബിലാൽ മൊയ്തു എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. ചിത്രത്തിൻ്റെ സംഭാഷണങ്ങൾ ഒരുക്കിയിരിക്കുന്നത് ആദർശ് സുകുമാരനും ഷഹബാസ് റഷീദുമാണ്.
“ഐ ആം ഗെയിം”ൽ ദുൽഖറിനൊപ്പം ആന്റണി വർഗീസ്, തമിഴ് നടനും സംവിധായകനുമായ മിഷ്കിൻ, കതിർ, പാർത്ഥ് തിവാരി, നായികയായ സംയുക്ത വിശ്വനാഥൻ എന്നിവരും പ്രധാന വേഷങ്ങളിൽ എത്തുന്നുണ്ട്. “ആർഡിഎക്സ്” എന്ന സൂപ്പർഹിറ്റ് ചിത്രത്തിന് ശേഷം നഹാസ് ഹിദായത്ത് സംവിധാനം ചെയ്യുന്ന സിനിമ കൂടിയാണിത്. “ആർഡിഎക്സി”ലൂടെ ശ്രദ്ധേയരായ അൻപറിവ് മാസ്റ്റേഴ്സ് തന്നെയാണ് ഈ ചിത്രത്തിനും സംഘട്ടന രംഗങ്ങൾ ഒരുക്കുന്നത്. കബാലി, കെജിഎഫ് സീരീസ്, കൈതി, വിക്രം, ലിയോ, സലാർ തുടങ്ങിയ ബ്രഹ്മാണ്ഡ ചിത്രങ്ങൾക്ക് ആക്ഷൻ ഒരുക്കിയവരാണ് അൻപറിവ് മാസ്റ്റേഴ്സ്.
ജിംഷി ഖാലിദ് ഛായാഗ്രഹണം നിർവഹിക്കുന്ന ഈ ചിത്രത്തിന് ജേക്സ് ബിജോയ് സംഗീതം ഒരുക്കുന്നു. ചമൻ ചാക്കോയാണ് എഡിറ്റിംഗ്. പ്രൊഡക്ഷൻ ഡിസൈനർ- അജയൻ ചാലിശ്ശേരി, മേക്കപ്പ് – റോണക്സ് സേവ്യർ. കോസ്റ്റ്യൂം- മഷർ ഹംസ, പ്രൊഡക്ഷൻ കൺട്രോളർ- ദീപക് പരമേശ്വരൻ, അസോസിയേറ്റ് ഡയറക്ടർ- രോഹിത് ചന്ദ്രശേഖർ. ഗാനരചന- മനു മഞ്ജിത്ത്, വിനായക് ശശികുമാർ, VFX – തൗഫീഖ് – എഗ്‌വൈറ്റ്, പോസ്റ്റർ ഡിസൈൻ- ടെൻ പോയിന്റ്, സൗണ്ട് ഡിസൈൻ- സിങ്ക് സിനിമ, സൗണ്ട് മിക്സ് – കണ്ണൻ ഗണപത്, സ്റ്റിൽസ്- എസ് ബി
