ഒടിയൻ മാണിക്യന്റെ ഗുരുവായി മമ്മൂട്ടി എത്തുന്നു എന്ന പ്രചാരണം തെറ്റ് എന്ന് അണിയറപ്രവർത്തകർ!
മോഹൻലാലിന്‍റെ ബ്രഹ്മാണ്ഡ ചിത്രം ഒടിയന്‍റെ ലൊക്കേഷൻ മമ്മൂട്ടി സന്ദർശിച്ചു എന്നും താരം ഇതിൽ അതിഥി വേഷത്തിൽ എത്തുന്നുണ്ട് എന്നും സോഷ്യൽ മീഡിയകളിൽ പ്രചാരണം നടന്നിരുന്നു. എന്നാൽ ഈ പ്രചാരണങ്ങൾ ഒക്കെയും തെറ്റ് ആണെന്ന് അണിയറപ്രവർത്തകർ വ്യക്തമാക്കി.
ഒടിയൻ മാണിക്യൻ എന്ന മോഹൻലാൽ കഥാപാത്രത്തിന്‍റെ ഗുരു ആയി ആണ് മമ്മൂട്ടി ചിത്രത്തിൽ അഭിനയിക്കുക എന്നായിരുന്നു സോഷ്യൽ മീഡിയകളിൽ പ്രചരിച്ചത്. ഒടിയൻ മമ്മൂട്ടി ഉണ്ടാവില്ല എന്ന് സംവിധായകൻ ശ്രീകുമാർ മേനോൻ പറഞ്ഞു. എന്നാൽ ഒടിയൻ മാണിക്യന്റെ ഗുരു ആയി ഒരു കഥാപാത്രം ചിത്രത്തിൽ ഉണ്ടെന്നും അദ്ദേഹം പറഞ്ഞു. ബോളിവുഡിൽ നിന്നുള്ള ഒരു ദേശീയ അവാർഡ് ജേതാവാണ് ആ വേഷം കൈകാരം ചെയ്യുന്നത് എന്ന് പറഞ്ഞ ശ്രീകുമാർ മേനോൻ ആ നടന്റെ പേര് വെളിപ്പെടുത്തി ഇല്ല.
അതിരപ്പിള്ളിയിൽ ആണ് ഇപ്പോൾ ഒടിയൻ ചിത്രീകരണം നടക്കുന്നത്. ഇവിടെ ഒരു ഗാനം ആണ് ചിത്രീകരിക്കുന്നത് എന്നാണ് വിവരം. ഈ ലൊക്കേഷൻ മമ്മൂട്ടി സന്ദർശിച്ചു എന്ന രീതിയിൽ ആണ് സോഷ്യൽ മീഡിയയിൽ വാർത്തകൾ നിറഞ്ഞത്. ഇപ്പോൾ ഇക്കാര്യങ്ങൾ നിഷേധിച്ചു അണിയറപ്രവർത്തകർ കാര്യങ്ങൾ വ്യക്തമാക്കിയിരിക്കുക ആണ്.
ഒടിയൻ മാണിക്യന്റെ ഗുരുവായി എത്തുന്ന ബോളിവുഡ് താരം ആദ്യമായി ആയിരിക്കും സൗത്ത് ഇന്ത്യൻ സിനിമയുടെ ഭാഗം ആകുക എന്നും സൂചന ഉണ്ട്. പ്രാധാന്യം ഏറിയ ഈ കഥാപാത്രത്തിന് ചിത്രത്തിൽ രണ്ട് ഗെറ്റപ്പുകളിൽ എത്തും എന്നാണ് വിവരം. ആ താരം ആരായിരിക്കും എന്നറിയാൻ കാത്തിരിക്കുക ആണ് സിനിമാ പ്രേക്ഷകർ.
