‘റോർഷാക്ക്’ വരുന്നു; ഫസ്റ്റ് ലുക്കിൽ ഞെട്ടിച്ച് മമ്മൂട്ടിയുടെ ത്രില്ലർ ചിത്രം…
‘കെട്ട്യോളാണ് എന്റെ മാലാഖ’ സംവിധാനം ചെയ്തു ശ്രദ്ധേയനായ നിസാം ബഷീറിനിന്റെ പുതിയ ചിത്രം മെഗാസ്റ്റാർ മമ്മൂട്ടിയ്ക്ക് ഒപ്പമാണ്. ത്രില്ലർ ചിത്രമായി ഒരുങ്ങുന്ന ഈ ചിത്രത്തിന്റെ ടൈറ്റിലും ഫസ്റ്റ് ലുക്കും പുറത്തുവിട്ടിരിക്കുക ആണ് അണിയറപ്രവർത്തകർ. ‘റോർഷാക്ക്’ എന്നാണ് ചിത്രത്തിന്റെ ടൈറ്റിൽ.
മമ്മൂട്ടി തന്റെ ഒഫീഷ്യൽ ഫേസ്ബുക്ക്/ട്വിറ്റര്‍ ഹാൻഡിലൂടെ ‘റോർഷാക്കിന്‍റെ’ ഫസ്റ്റ് ലുക്ക് പങ്കുവെച്ചു. ഫസ്റ്റ് ലുക്ക് പോസ്റ്ററില്‍ മുഖം മൂടി അണിഞ്ഞ മമ്മൂട്ടിയെ ആണ് കാണാന്‍ കഴിയുന്നത്. രക്തം പുരണ്ട മുഖംമൂടി ധരിച്ചു ഒരു കസേരയില്‍ ഇരിക്കുക ആണ് മമ്മൂട്ടിയുടെ കഥാപാത്രം. ഫസ്റ്റ് ലുക്ക് പോസ്റ്റര്‍ കാണാം:
Presenting the First Look of @MKampanyOffl Next..
Titled as @RorschachMovie
Directed By Nisam Basheer#RorschachFL pic.twitter.com/HcpGSU2jtm— Mammootty (@mammukka) May 2, 2022
റോർഷാക്കിന്‍റെ ചിത്രീകരണം ഇപ്പോള്‍ പുരോഗമിക്കുകയാണ്. ഈ ത്രില്ലർ ചിത്രത്തിന്റെ സെറ്റിൽ നിന്നുള്ള മമ്മൂട്ടിയുടെ ലൊക്കേഷൻ ചിത്രങ്ങള്‍ ദിവസങ്ങള്‍ക്ക് മുന്‍പ് സോഷ്യൽ മീഡിയയിൽ വൈറലായിരുന്നു. ‘അഡ്വഞ്ചേഴ്സ് ഓഫ് ഓമനക്കുട്ടൻ’, ‘ഇബിലീസ്’ എന്നീ ചിത്രങ്ങളുടെ തിരക്കഥാകൃത്ത് സമീർ അബ്ദുൾ ആണ് ഈ മമ്മൂട്ടി ചിത്രത്തിന് തിരക്കഥ ഒരുക്കിയിരിക്കുന്നത്.
മമ്മൂട്ടിയെ കൂടാതെ ഗ്രേസ് ആന്റണി, ഷറഫുദ്ധീൻ, ജഗദീഷ്, കോട്ടയം നസീർ, ബിന്ദു പണിക്കർ തുടങ്ങിയവരും ചിത്രത്തിൽ മറ്റ് പ്രധാന വേഷങ്ങളിലെത്തുന്നു. മിഥുൻ മുകുന്ദന്‍ ആണ് ചിത്രത്തിന് സംഗീതം ഒരുക്കുന്നത്. ഛായാഗ്രഹണം അനന്തകൃഷ്ണന്‍ നിർവ്വഹിക്കുന്നു.
