നാടിനെ നടുക്കിയ ക്രൈം, അന്വേഷണവും ചേസിംഗുമായി ത്രില്ലടിപ്പിച്ച് ‘ഹിറ്റ് 2’ ട്രെയിലർ…
നിരവധി ത്രില്ലർ ചിത്രങ്ങളിലൂടെ പ്രേക്ഷകരെ എന്നും രസിപ്പിച്ചിട്ടുള്ള അദിവി ശേഷ് നായകനാകുന്ന ഏറ്റവും പുതിയ ചിത്രമാണ് ‘ഹിറ്റ്: ദ് സെക്കൻഡ് കേസ്’. 2020ൽ പുറത്തിറങ്ങിയ ‘ഹിറ്റ്: ദ് ഫസ്റ്റ് കേസ്’ എന്ന ചിത്രത്തിന്റെ സ്റ്റാൻഡ്എലോൺ സീക്വൽ ആണ് ഈ ചിത്രം. ‘ഹിറ്റ് വേഴ്സ്’ എന്ന സിനിമാറ്റിക്ക് യൂണിവേഴ്സിന്റെ ഭാഗമാണ് ഇരു ചിത്രങ്ങളും എന്ന് സംവിധായകൻ സൈലേഷ് കൊളാനു വ്യക്തമാക്കിയിരുന്നു. നായകനായി അദിവി ശേഷ് ഈ ഒരു സിനിമാറ്റിക്ക് യൂണിവേഴ്സിലേക്ക് എത്തുന്നത് വലിയ പ്രതീക്ഷ ആണ് പ്രേക്ഷകർക്ക് നൽകുന്നത്. മുൻപ് റിലീസ് ആയ ഈ ചിത്രത്തിന്റെ ടീസർ ശ്രദ്ധനേടിയിരുന്നു. ഇപ്പോളിതാ, ഡിസംബര്‍ 2ന് റിലീസിന് ഒരുങ്ങുന്ന ഈ ചിത്രത്തിന്റെ ട്രെയിലർ നിർമ്മാതാക്കൾ പുറത്തുവിട്ടിരിക്കുക ആണ്.
ചിത്രത്തിന്റെ ഇതിവൃത്തത്തെ കുറിച്ചുള്ള അടിസ്ഥാന വിവരങ്ങൾ നൽകുന്നത് ആണ് രണ്ടര മിനിറ്റ് ദൈർഘ്യമുള്ള ഈ ട്രെയിലർ. ഇപ്പോൾ വാർത്തകളിൽ നിറഞ്ഞു നിൽക്കുന്ന ഡൽഹി ശ്രദ്ധ കൊലകേസുമായുള്ള സമാനത ട്രെയിലറിനെ ചർച്ചയാക്കും എന്നത് തീർച്ച. കെഡി എന്ന പേരിലറിയപ്പെടുന്ന കൃഷ്ണ ദേവ് എന്ന പോലീസുകാരനായി ആണ് അദിവി ശേഷ് അഭിനയിച്ചിരിക്കുന്നത്. ക്രിമിനലുകളെ മന്ദബുദ്ധിമകളായും ചുരുങ്ങിയ സമയത്തിൽ പിടിക്കപ്പെടുന്നവർ ആയും കണക്കാക്കുന്ന നായകന് ഒരു ഭയപ്പെടുത്തുന്ന കേസ് കൈകാര്യം ചെയ്യേണ്ടി വരുന്നു. നാടിനെ മുഴുവൻ നടുക്കിയ ഹീനമായ കുറ്റകൃത്യത്തിന്റെ യഥാർത്ഥ കുറ്റവാളിയെ നായകൻ എങ്ങനെ കണ്ടെത്തും എന്നതാണ് ചിത്രം. ക്ലിഫ്ഹാംഗറുകൾ നിരവധി നിറച്ചോരു ചിത്രം തന്നെ പ്രതീക്ഷിക്കാം എന്ന് ട്രെയിലർ ഉറപ്പ് നൽകുന്നു. ട്രെയിലർ:
