ദുൽഖറിന്റെ ‘ഐ ആം ഗെയിമി’ന് മെഗാ മാസ് ആക്ഷൻ സീക്വൻസ് ഒരുക്കി അൻപറിവ് മാസ്റ്റേഴ്സ്
ദുൽഖർ സൽമാനെ നായകനാക്കി നഹാസ് ഹിദായത്ത് സംവിധാനം ചെയ്യുന്ന ബിഗ് ബഡ്ജറ്റ് ആക്ഷൻ ത്രില്ലർ ചിത്രം “ഐ ആം ഗെയിം” ചിത്രീകരണം പുരോഗമിക്കുകയാണ്. വേഫെറർ ഫിലിംസിന്റെ ബാനറിൽ ദുൽഖർ സൽമാൻ തന്നെ നിർമ്മിക്കുന്ന ഈ ചിത്രത്തിന്റെ പ്രധാന ഹൈലൈറ്റ് വമ്പൻ ആക്ഷൻ രംഗങ്ങളാണ് എന്നാണ് സൂചന.
തെന്നിന്ത്യയിലെ പ്രശസ്തരായ സംഘട്ടന സംവിധായകരായ അൻപറിവ് മാസ്റ്റേഴ്സാണ് “ഐ ആം ഗെയിം” സിനിമയുടെ ആക്ഷൻ കൊറിയോഗ്രഫി നിർവഹിക്കുന്നത്. ഇപ്പോളിതാ ഒരു മെഗാ മാസ് ആക്ഷൻ സീക്വൻസിന്റെ ചിത്രീകരണം പൂർത്തിയാക്കിയ ശേഷം സംവിധായകൻ നഹാസ് ഹിദായത്ത് സമൂഹമാധ്യമങ്ങളിൽ പങ്കുവെച്ച ചിത്രം ശ്രദ്ധ നേടിയിരുന്നു. അൻപറിവ് മാസ്റ്റേഴ്സിനും ഛായാഗ്രാഹകൻ ജിംഷി ഖാലിദിനുമൊപ്പമുള്ള ചിത്രം പങ്കുവെച്ചുകൊണ്ട് നഹാസ് കുറിച്ചത്, “ഒരു വമ്പൻ സിനിമാറ്റിക് പ്രകമ്പനത്തോടെ ദിവസം പൂർത്തിയാക്കി” എന്നാണ്.
ദുൽഖർ സൽമാന്റെ നാല്പതാമത്തെ ചിത്രമായ “ഐ ആം ഗെയിം” ഒരു താരനിര തന്നെ അണിനിരക്കുന്നുണ്ട്. ദുൽഖറിനൊപ്പം ആന്റണി വർഗീസ്, തമിഴ് നടനും സംവിധായകനുമായ മിഷ്കിൻ, കതിർ, പാർത്ഥ് തിവാരി, തമിഴ് നായികാ താരം സംയുക്ത വിശ്വനാഥൻ എന്നിവരും പ്രധാന വേഷങ്ങളിൽ എത്തുന്നു. സജീർ ബാബ, ഇസ്മായിൽ അബൂബക്കർ, ബിലാൽ മൊയ്തു എന്നിവരാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. സംഭാഷണം ആദർശ് സുകുമാരനും ഷഹബാസ് റഷീദുമാണ് നിർവഹിക്കുന്നത്.
“ആർഡിഎക്സ്” എന്ന സൂപ്പർ ഹിറ്റ് ചിത്രത്തിന് ശേഷം നഹാസ് ഹിദായത്ത് സംവിധാനം ചെയ്യുന്ന ചിത്രം കൂടിയാണ് “ഐ ആം ഗെയിം”. തിരുവനന്തപുരത്താണ് ചിത്രത്തിന്റെ ആദ്യ ഷെഡ്യൂൾ ചിത്രീകരണം നടന്നത്. കബാലി, കെജിഎഫ് സീരീസ്, കൈതി, വിക്രം, ലിയോ, സലാർ തുടങ്ങി നിരവധി പാൻ ഇന്ത്യൻ ചിത്രങ്ങൾക്ക് സംഘട്ടനം ഒരുക്കിയ അൻപറിവ് മാസ്റ്റേഴ്സ്, “ആർഡിഎക്സ്” എന്ന ചിത്രത്തിന് ശേഷം വീണ്ടും നഹാസ് ഹിദായത്തുമായി കൈകോർക്കുന്നു എന്നതും ഈ ചിത്രത്തിന്റെ പ്രത്യേകതയാണ്.
പ്രൊഡക്ഷൻ ഡിസൈനർ- അജയൻ ചാലിശ്ശേരി, മേക്കപ്പ് – റോണക്സ് സേവ്യർ. കോസ്റ്റ്യൂം- മഷർ ഹംസ, പ്രൊഡക്ഷൻ കൺട്രോളർ- ദീപക് പരമേശ്വരൻ, അസോസിയേറ്റ് ഡയറക്ടർ- രോഹിത് ചന്ദ്രശേഖർ. ഗാനരചന- മനു മഞ്ജിത്ത്, വിനായക് ശശികുമാർ, VFX – തൗഫീഖ് – എഗ്‌വൈറ്റ്, പോസ്റ്റർ ഡിസൈൻ- ടെൻ പോയിന്റ്, സൗണ്ട് ഡിസൈൻ- സിങ്ക് സിനിമ, സൗണ്ട് മിക്സ് – കണ്ണൻ ഗണപത്, സ്റ്റിൽസ്- എസ് ബി കെ, പിആർഒ- ശബരി
