ആക്ഷൻ റോളിൽ റായ് ലക്ഷ്മി; ‘നാൻ താൻ ഝാൻസി’ ആഗസ്റ്റ് 9ന് എത്തും…
റായ് ലക്ഷ്മിയെ നായികയാക്കി ഗുരുപ്രസാദ് തിരക്കഥയെഴുതി സംവിധാനം ചെയ്യുന്ന ‘നാൻ താൻ ഝാൻസി’ എന്ന തമിഴ് ആക്ഷൻ ത്രില്ലർ ചിത്രം ആഗസ്റ്റ് ഒമ്പതിന് പ്രദർശനത്തിനെത്തുന്നു. മുകേഷ് തിവാരി, രവി കാലെ എന്നിവരും പ്രധാന കഥാപാത്രങ്ങളാകുന്ന ചിത്രം രാജേഷ് കുമാർ ആണ് നിർമ്മിക്കുന്നത്. ഛായാഗ്രഹണം വീരേഷ് എൻ ടി എ നിർവ്വഹിക്കുന്നു.
കുറ്റകൃത്യങ്ങൾ ഇല്ലാതാക്കാൻ അർപ്പണബോധമുള്ള ഒരു നിർഭയ ഉദ്യോഗസ്ഥയായ ഇൻസ്‌പെക്ടർ ജാൻസിയായി റായ് ലക്ഷ്മി എത്തുന്നു. ജാൻസി ഒരു ദുഷ്ട ബിസിനസുകാരനെ നേരിടുമ്പോളുണ്ടാകുന്ന വെല്ലുവിളികളും ഏറ്റുമുട്ടലുകളുമാണ് പുത്തൻ സാങ്കേതിക മികവിൽ ദൃശ്യവൽക്കരിക്കുന്നത്. ആക്ഷൻ രംഗങ്ങൾക്ക് ഏറേ പ്രാധാന്യമുള്ള ഈ ചിത്രത്തിൽ രണ്ടു വില്ലന്മാർ ആണ് ഉള്ളത്. റായ് ലക്ഷ്മിയുടെ ആദ്യത്തെ ആക്ഷൻ ചിത്രമാണിത്.
രചന-പി.വി.എസ്. ഗുരുപ്രസാദ്, സംഗീതം-എം.എൻ. കൃപാകർ, എഡിറ്റർ -ബസവരാജ് യുആർഎസ് ശിവു, ആക്ഷൻ-ത്രില്ലർ മഞ്ജു. അസോസിയേറ്റ്-നംജു എം എൻ ഹള്ളി, അസിസ്റ്റൻ്റ് ഡയറക്ടർ- ഹനിയുമർ എസ്, മഹേഷ് കുമാർ ജെ, റോജ,സ്റ്റിൽസ്-രമേഷ് പ്രൊഡക്ഷൻ മാനേജർ- തോമസ്, രാഹുൽ എൻ.എച്ച്, ഡിസൈൻ-ആർട്ട് കഫേ. കേരളത്തിൽ റോഷിക എൻ്റർപ്രൈസസ്, സൻഹ സ്റ്റുഡിയോ റിലീസ് എന്നിവർ ചേർന്ന് ‘നാൻ താൻ ഝാൻസി’ പ്രദർശനത്തിനെത്തിക്കുന്നു. പി ആർ ഒ-എ എസ് ദിനേശ്.
